தினமும் பாராயணம் செய்ய, எளிய தமிழில் "ராமர் பட்டாபிஷேகம்" வேண்டும்.

by **krishnaamma** Mon Dec 30, 2013 7:59 am

தினமும் பாராயணம் செய்ய, எளிய தமிழில் "ராமர் பட்டாபிஷேகம்" வேண்டும். கிடைக்குமா நண்பர்களே ! அன்பு மலர்

by சின்னக் கண்ணன் Mon Dec 30, 2013 10:30 am

அன்பின் கிருஷ்ணம்மா..

எழுதித் தான் பார்க்க வேண்டும்..முயற்சி செய்கிறேன்..அதுவரை..இந்தாருங்கள் குட்டியாய் தசாவதாரம்..!

நாயகனைப் பற்றியொரு பாட லிங்கு
.. நலமுடனே எழுதுவென்று சொல்லி விட்டார்
ஆயர்குலத் தில்உதித்து அரிய செயலை
..அழகுறவே செய்துவிட்ட கண்ணன் மற்றும்
தூயமனம் கொண்டராமன் என்று மேலும்
..துள்ளிவரும் கோபநிறை பரசு ராமன்
பாயாமல் பதுங்கிநின்ற கூர்மத் தோற்றம்
..பன்றிமுகம் மச்சமென மேலுங் கொண்டே

நடுஙகவைக்கும் நரசிங்கத் தோற்ற மொன்று
..நல்லவித பலராமன் தோற்ற மொன்று
ஒடுங்கித்தான் வாமனனாய் வரங்கள் கேட்டே
..ஓங்கியகால் உலகளந்த தோற்ற மொன்று
முடுக்கிவிட்ட கோபத்தால் மூர்க்கங் கொண்டு
..மோதிமோதி உலகினையே அழிக்கும் தோற்றம்
தொடுத்தநற் பெருமாளே சிவந்த உந்தன்
..தாமரைப்பூப் பொற்பாதம் பணிந்தேன் நானே..

அன்புடன்
சின்னக் கண்ணன் புன்னகை