மேலே மேலே பறக்குது பார் மங்கள் யானு !

by **நாகசுந்தரம்** Thu Dec 12, 2013 9:15 pm

மேலே மேலே பறக்குது பார் மங்கள் யானு !
(படைப்பு - நாகசுந்தரம்)

குழந்தையே குழந்தையே ஒரு கதையைக் கேளு !
அழுகையதை நிறுத்திவிட்டு அழகாய்ப் பாரு !
மேலே மேலே பறக்குது பார் மங்கள் யானு !
நாளை செய்தி கொண்டு வரும் நீயே பாரு !
இருக்குதா உயிரினங்கள் இதையும் சொல்லும் !
இருக்குதா தண்ணீரு அதையும் அனுப்பும் !
அந்த மண்ணை அரிந்தெடுத்து அனுப்பும் வகையோ?
இந்தியாவின் விஞ்ஞானி எவர்க்கும் குறையோ?
அந்த நிலாவத்தான் நான் கையிலே புடிப்பேன் அது சினிமா பாடல் !
அந்த செவ்வாயில நான் குடித்தனம் போவேன் இது விஞ்ஞான தேடல் !
ஒன்பது கிரகமும் உந்தன் உள்ளே என்பான் தத்துவ ஞானி !
ஒன்பதிலே ஒன்றுக்கேனும் உள்ளேபோவேன் என்றான் நம் விஞ்ஞானி !
அன்று காசிக்கு செல்வதென்றால் கால் நடையாய்ப் போவார்
இன்றோ காசினிக்கு வெளியில் கூட கடிதாய்ச் செல்வார் !
விஞ்ஞான முன்னேற்றம் வேகமாய் ஆச்சு !
மஞ்சள் கிரக மண்ணில் இறங்கு லாச்சு !
நெஞ்சினிலே இவ்வெண்ணம் நகரலாச்சு ! கண்
துஞ்சாமல் தரணியிலே கவிதையாச்சு !
பள்ளிசெல்லும் பாலகனே இதை படித்துக் கொள்ளு ! நாளை
விண்ணில் செல்லவேண்டுமன்றோ விரைவாய் எழுந்து கொள்ளு !