தோல்விக்குக் காரணம் பலவீனமான தலைமை: காங்.மீது கூட்டணி கட்சிகள் பாய்ச்சல்

by **சிவா** Mon Dec 09, 2013 5:22 pm

புதுடில்லி: ஐக்கிய முற்போக்கு கூட்டணியை வழிநடத்திச் செல்லும் காங்கிரஸ் கட்சி, பலவீனமாக இருப்பதால் தான் சட்டசபை தேர்தலில் இப்படி ஒரு மோசமான தோல்வி கிடைத்துள்ளது என, கூட்டணி கட்சிகள் தங்களின் கருத்துக்களை கூறி உள்ளன.

நடந்து முடிந்த ஐந்து மாநில சட்டசபை தேர்தல்களில், மிசோரமை தவிர, மற்ற மாநிலங்களில் பா.ஜ.,வுக்கு பெரும் வெற்றி கிடைத்துள்ளது. ராஜஸ்தான், மத்தியபிரதேசம் மற்றும் சட்டீஸ்கரில் அக்கட்சி ஆட்சி அமைக்கிறது. அதேவேளையில், காங்கிரஸ் கட்சி படுதோல்வி அடைந்துள்ளது. டில்லியில், புதிதாக தோன்றிய ஆம் ஆத்மி கட்சி, காங்கிரசை முற்றிலுமாக ஓரம் கட்டிவிட்டது. ராஜஸ்தான், மத்திய பிரதேசம் ஆகிய மாநிலங்களில் பா.ஜ., இமாலய வெற்றி பெற்று, காங்கிரசை நசுக்கிவிட்டது. இது, காங்.,கின் கூட்டணி கட்சிகளை ரொம்பவே அதிர்ச்சிக்குள்ளாக்கி உள்ளது.

ஐக்கிய முற்போக்கு கூட்டணியின் முக்கிய கட்சிகளில் ஒன்றான, தேசியவாத காங்கிரஸ், தனது அதிருப்தியை கொஞ்சம் சூடாகவே வெளிப்படுத்தி உள்ளது. அக்கட்சியின் தலைவரான சரத்பவார், 'பலவீனமான தலைமை தான் சட்டசபை தேர்தலில் காங்கிரஸ் படுதோல்வி அடைந்ததற்கு காரணம். வலுவான, தீர்க்கமான முடிவு எடுக்கும் திறம் கொண்ட தலைவர் இல்லாமல் போனது. இதனால் இளைஞர்கள் இந்த கூட்டணிக்கு ஓட்டளிக்க விரும்பவில்லை. இதனால் தான், புதிய கட்சியான ஆம் ஆத்மியிடம் கூட, காங்கிரஸ் தோல்வியை சந்திக்க வேண்டியிருந்தது. இந்நிலையி்ல், தனது நிலையை காங்கிரஸ் சுய பரிசோதனை செய்து கொள்ள வேண்டியது அவசியம், இந்த தேர்தல் முடிவுகள், காங்கிரஸ் கட்சிக்கு மட்டும் அல்லாது மற்ற கட்சிகளுக்கும் ஒரு எச்சரிக்கை என்பதை புரிந்து கொண்டு செயல்பட வேண்டும்,' என்று கூறி உள்ளார்.

தேசிய மாநாட்டு கட்சி தலைவரும், மத்திய அமைச்சருமான பரூக் அப்துல்லாவும், காங்., தலைமையை விமர்சனம் செய்துள்ளார். விலைவாசி உயர்வும், வெங்காய விலை கிலோ 100 ஐ தொட்டதும், ஊழலும்தான் காங்கிரசின் தோல்விக்கு முக்கிய காரணம். இருப்பினும் எங்களின் உறவை துண்டித்துக் கொள்வது என்ற கேள்விக்கு இடமில்லை என்றார்.

காங்கிரஸ் கட்சியி்ன் தலைவர்களில் ஒருவரான திக்விஜய்சிங் கூட, 'மக்களிடம் தொடர்பை இழந்ததால் தான், காங்கிரஸ் இந்த தோல்வியை சந்தித்துள்ளது,' , அதே நேரத்தில் ராகுல் பிரதமரானல் அனைத்தும் சரியாகிவிடும். என கூறி உள்ளார். தேசியவாத காங்கிரஸ் கட்சியை சேர்ந்த தாரிக்அன்வார் கூறுகையில்: ராகுலின் வழிநடத்தல் சரியில்லை, பிரதமரையே அவர் விமர்சித்தது தவறானது. இதுவே காங்கிரசுக்கு பின்னடவை தந்துள்ளது என்று குறிப்பிட்டுள்ளார். தி,மு.க, தலைவர் கருணாநிதி; இது காங்கிரசுக்கு சரிவு, அதே நேரத்தில் வெற்றி பெற்றவர்களுக்கு வாழ்த்து என தெரிவித்திருந்தார். மொத்தத்தி்ல், சமீபத்திய சட்டசபை தேர்தல் தோல்வி, காங்கிரஸ் கட்சிக்கு பெரும் நெருக்கடியை கொடுத்திருக்கிறது.

தினமலர்

by amirmaran Tue Dec 10, 2013 1:31 pm

ஐக்கிய முற்போக்கு கூட்டணியை வழிநடத்திச் செல்லும் காங்கிரஸ் கட்சி, பலவீனமாக இருப்பதால் தான் சட்டசபை தேர்தலில் இப்படி ஒரு மோசமான தோல்வி கிடைத்துள்ளது

இல்லை இல்லை நீங்கள் ஊழலில் பலமாக இருப்பதால் தான் இப்படி ஒரு மோசமான தோல்வி கிடைத்துள்ளது

by **ராஜா** Tue Dec 10, 2013 5:38 pm

அடிச்சிக்குங்கடா இப்படியே ஒருத்தனை ஒருத்தன் அடிச்சிகிட்டு எல்லோரும் செத்து ஒழியுங்க அடுத்த தலைமுறை அரசியலாவது நன்றாக இருக்கட்டும்

by **Muthumohamed** Tue Dec 10, 2013 11:41 pm

amirmaran wrote:
ஐக்கிய முற்போக்கு கூட்டணியை வழிநடத்திச் செல்லும் காங்கிரஸ் கட்சி, பலவீனமாக இருப்பதால் தான் சட்டசபை தேர்தலில் இப்படி ஒரு மோசமான தோல்வி கிடைத்துள்ளது

இல்லை இல்லை நீங்கள் ஊழலில் பலமாக இருப்பதால் தான் இப்படி ஒரு மோசமான தோல்வி கிடைத்துள்ளது

மேற்கோள் செய்த பதிவு: 1037427

தோல்விக்குக் காரணம் பலவீனமான தலைமை: காங்.மீது கூட்டணி கட்சிகள் பாய்ச்சல் 3838410834