முதலிரவுக்கு முன்னர் பெண் கடத்தல்..

by மீனு Sat Oct 31, 2009 3:22 am

கோவை சுந்தராபுரத்தை சேர்ந்தவர் தங்கராஜ் (33). கண் பார்வையற்றவர். அரசு பள்ளியில் ஆசிரியராக பணியாற்றுகிறார். கோவை ஜோதிபுரத்தை சேர்ந்தவர் லோகேஸ்வரியும் (19). பி.இ. இரண்டாம் ஆண்டு படித்து வருகிறார்.

தங்கராஜும், லோகேஸ்வரியும் உறவினர்கள். இருவரும் கடந்த 4 ஆண்டுகளாக காதலித்து வந்துள்ளனர். இதற்கு லோகேஸ்வரி வீட்டில் எதிர்ப்பு கிளம்பியது.

நேற்று வீட்டைவிட்டு வெளியேறிய காதல் ஜோடி, ஆர்.எஸ்.புரம் விநாயகர் கோயிலில் திருமணம் செய்துகொண்டு போத்தனூர் காவல் நிலையத்தில் பாதுகாப்பு கேட்டு மனு கொடுத்தனர்.

போலீசார் இருவரது பெற்றோரையும் அழைத்து பேசினர். லோகேஸ்வரியின் பெற்றோரிடம், எவ்வித பிரச்சனையும் செய்யக்கூடாது என எச்சரித்து அனுப்பி வைத்தனர்.

திருமண ஜோடி குறிச்சியில் வசிக்கும் தங்கராஜின் உறவினரான வழக்கறிஞர் சுந்தர்ராஜ் வீட்டிற்கு சென்று தங்கியிருந்தனர். அங்கு அவர்களுக்கு நேற்றிரவு முதலிரவு ஏற்பாடு செய்யப்பட்டிருந்தது.

இந்நிலையில் இரவு 9.30 மணியளவில் லோகேஸ்வரியின் தந்தை தியாகராஜன் உட்பட 9 பேர் கார்களில் வழக்கறிஞர் சுந்தர்ராஜ் வீட்டுக்கு சென்றுள்ளனர். தங்கராஜ் மற்றும் லோகேஸ் வரியை அடித்து உதைத்து. பின்னர் லோகேஸ்வரியை காரில் கடத்தி சென்று விட்டனர்.

படுகாயம் அடைந்த தங்கராஜ் மருத்துவமனையில் அனுமதிக்கப்பட்டு சிகிச்சை பெற்று வருகிறார். வக்கீல் சுந்தர்ராஜ் போத்தனூர் போலீசில் இதுபற்றி புகார் செய்தார். போலீசார் தியாகராஜன் உட்பட 9 பேர் மீதும் சட்டவிரோதமாக கூடுதல், தாக்கி காயப்படுத்துதல், கொலை மிரட்டல், கடத்தல் உள்பட 8 பிரிவுகளில் வழக்குப்பதிவு செய்து தேடி வருகின்றனர்.