மாக்ஸிம் கார்க்கி தன் காதலிக்கு எழுதிய கடிதம்

by **சிவா** Sun Dec 01, 2013 11:13 am

அன்புள்ள ஒல்கா,

உனக்குக் கடிதம் எழுத வேண்டும் என்ற ஆசை என் மனத்தில் எழும்போது கூடவே கொஞ்சம் வேதனையும் எழுகிறது. உனக்குப் படிக்கத் தெரியாது. என் அன்புக் கடிதத்தைப் புரிந்துகொள்ள நீ வேறு யாருடைய உதவியையாவது தேட வேண்டும். இந்தத் தடங்கலின் காரணமாக என் இதய உணர்ச்சிகளையும் அடக்கிக் கடிதம் எழுத வேண்டியிருக்கிறது. உனக்கு இயற்கையாகவே பிறந்துள்ள அழகு மாதிரி கல்வியும் பிறந்திருக்கக் கூடாதா என என் மனம் ஏங்குகிறது. ஆனால் அதைப் பற்றி எனக்குக் கவலை இல்லை. என்னிடம் கல்வி இருக்கிறது. உன்னிடம் அழகு இருக்கிறது. இரண்டும் ஒன்று சேர்ந்தால் அதுவே ஓர் ஒப்பற்ற சக்தியாகத் திகழும். உன் நீல நிறக் கண்களில் வீசும் இன்ப ஒளி கல்வியை விட உயர்ந்தது என்பது என் கருத்து...

by **ayyasamy ram** Mon Dec 02, 2013 6:57 am

தகவல்...

மாக்ஸிம் கார்க்கி தன் காதலிக்கு எழுதிய கடிதம் 3838410834

-
உலகப் புகழ்பெற்ற ‘தாய்’ நாவலை எழுதிய
மார்க்ஸிம் கார்கியின் வாழ்க்கை வேதனைகளால்
நிரம்பியது.

செருப்பு தைப்பது,
மூட்டைத்தூக்குவது,
மண்பாண்டம் செய்வது,
வேட்டையாடுவது,
ரயில்பாதை காவலன்,
மீன்பிடித்தொழில் செய்வது,
இடுகாட்டுக்காவலன்,
பிணம் சுமத்தல்,
நாடக நடிகன்,
பழ வியாபாரி
என ஏழைகள் செய்யும் அத்தனை வேலைகளையும்
செய்தவர் மார்க்ஸிம் கார்க்கி.
வாழ்க்கையின் வறுமையான பக்கங்களை தானே
அனுபவித்ததால் தான் அவரால் உலகச் சிறப்புமிக்க
உன்னத காவியத்தை படைக்க முடிந்தது போலும்.

by **Dr.S.Soundarapandian** Sun Jan 05, 2014 6:14 pm

சிவா அவர்களுக்கு நன்றி ! கார்க்கி தன் காதலியின் கண்ணொளி பற்றி எழுதியது குறிப்பிடத்தக்கது ! ‘இலக்கியத்தில் கண்’ என்ற எனது ஆய்வு நூலுக்குக் கண்ணின் கவர்ச்சியே காரணம் !