திருமணம் செய்யாமல் சேர்ந்து வாழ்வது குற்றம் அல்ல: சுப்ரீம் கோர்ட்டு அதிரடி தீர்ப்பு

திருமணம் செய்து கொள்ளாமல் சேர்ந்து வாழ்வது குற்றம் அல்ல என்று சுப்ரீம் கோர்ட்டு முக்கிய தீர்ப்பு அளித்துள்ளது. திருமணம் செய்து கொள்ளாமல் சேர்ந்து வாழ்ந்து பிரிந்துவிட்ட ஒரு பெண், அந்த ஆணிடம் இருந்து ஜீவனாம்சம் கோரி தாக்கல் செய்த மனு மீது நீதிபதி கே.எஸ்.ராதாகிருஷ்ணன் தலைமையிலான பெஞ்ச் இந்த தீர்ப்பை அளித்துள்ளது. தீர்ப்பில் நீதிபதிகள் கூறி இருப்பதாவது:–

திருமணம் செய்து கொள்வதோ, செய்து கொள்ளாமல் இருப்பதோ ஒருவரின் தனிப்பட்ட விருப்பம். திருமணம் செய்து கொள்ளாமல் சேர்ந்து வாழ்வது, இந்தியாவில் சமூகத்தாலோ, சட்டத்தாலோ அங்கீகரிக்கப்படவில்லை. இருந்தாலும், திருமணம் செய்து கொள்ளாமல் சேர்ந்து வாழ்வது குற்றமோ, பாவமோ அல்ல. இந்த உறவு, திருமண உறவு போன்றது அல்ல. இத்தகைய உறவை பல நாடுகள் அங்கீகரிக்கத் தொடங்கி உள்ளன.

இந்த உறவில், ஏற்றத்தாழ்வுகள் இருப்பதை நாம் பார்க்காமல் இருக்க முடியாது. இந்த உறவு முறிவடைந்தால், பெண்களும், இந்த உறவின் மூலம் பிறக்கும் குழந்தைகளும்தான் பாதிக்கப்படுகிறார்கள். எனவே, பெண்களையும், அவர்களது குழந்தைகளையும் பாதிப்பில் இருந்து பாதுகாக்க பாராளுமன்றத்தில் சட்டம் இயற்ற வேண்டும். அல்லது, சட்டத்தில் உரிய திருத்தம் செய்ய வேண்டும். திருமண உறவை அங்கீகரித்தது போல இந்த உறவையும் அங்கீகரிக்க வேண்டும்.

அதே சமயத்தில், திருமணத்துக்கு முந்தைய செக்ஸ் உறவை பாராளுமன்றம் ஊக்குவிக்க முடியாது. எனவே, பொதுமக்கள் இதற்கு எதிராகவோ அல்லது ஆதரவாகவோ கருத்து தெரிவிக்கலாம்.

கள்ளத்தொடர்பு, பலதார மணம் ஆகியவற்றை ‘திருமணம் செய்து கொள்ளாமல் சேர்ந்து வாழ்தல்’ உறவில் சேர்க்க முடியாது.

இவ்வாறு நீதிபதிகள் கூறினர்
malaimalar

ஸ்மார்ட் போன், இன்டர்நெட் என்று உலகை நம் வீட்டுக்கு கொண்டு வந்த பிறகு... பண்பாடு, கலாச்சாரம் என்று பேசுவதில் பயன் இல்லை...நாம் விரும்புகிறோமோ இல்லையோ நாடு இது போன்ற பல மாற்றங்களை அடைந்தே தீரும்.

என் நாடு அதன் பண்பாட்டை சிறிது, சிறிதாய் இழந்து வருகிறது.

https://encrypted-tbn2.gstatic.com/images?q=tbn:ANd9GcTiIOXTJ-llIcmepywFU3TvXQIhEnO-aBvqT9TsEMcWdSoErgJ1hw
பாராளுமன்றம் -ஜனாதிபதி -நீதி மன்றம்

இது மூன்றும் முறையாக இருந்தால் இந்த மாதிரி தீர்ப்புகள் வந்து இருக்காது .இது மூன்றும் முறையாக இருக்க நாம் இனிமேல் உசாராக இருக்க வேண்டும்.அதாவது நல்ல ஆட்களை ஆட்சியில் அமர்த்துவது.சட்ட விசயங்களை தெரிந்து கொள்வது இப்படி .