இறந்த குட்டியின் உடலை தூக்கி திரியும் தாய் குரங்கு :(

by **krishnaamma** Wed Nov 06, 2013 2:16 pm

கூடலூர்: தேக்கடியில் குரங்கின் தாய்ப்பாசம் கண்டு, சுற்றுலாப் பயணிகள் நெகிழ்ச்சி அடைந்தனர். தேக்கடியில் குரங்குகளின் சேட்டைகளை சுற்றுலா பயணிகள் அதிகம் ரசிக்கின்றனர். படகு நிறுத்தப்பகுதியில், தங்களின் உணவுகளை குரங்குகள் பிடிங்கிச் செல்லும் போது, ஏமாற்றம் அடைந்தாலும், அதை பெரிதாக கண்டுகொள்வதில்லை. மூன்று தினங்களுக்கு முன், குமுளியில் இருந்து தேக்கடிக்கு சென்ற, சுற்றுலா வாகனம் மோதி குட்டிக் குரங்கு இறந்தது. அந்த குரங்கின் தாய், மூன்று தினங்களாக, குட்டியின் உடலை தூக்கிக் கொண்டு தேக்கடி வனப்பகுதியை ஒட்டியுள்ள ரோட்டில் திரிகிறது. அதனை சுற்றுலா பயணிகள் கனத்த இதயத்துடன் பார்த்துச்செல்கின்றனர்.