அவமானம் ஒரு மூலதனம் - கவிஞர் கண்ணதாசன்

by **சிவா** Sun Nov 03, 2013 11:15 pm

செட்டிநாட்டிலிருந்து எழுத்துக் கனவுகளுடன் 14 வயதுப் பையனாகச் சென்னை வந்தார் கவிஞர். அன்று இரவு படுக்க இடமின்றி மெரினா பீச்சில் காந்தி சிலைக்குப் பின்னால் பெட்டியைத் தலைக்கு வைத்துப் படுத்துக் கொண்டிருக்கிறார் கவிஞர்.

நள்ளிரவு போலீஸ்காரரின் உருட்டுத்தடி அவரைத் தட்டி மிரட்டியது. காலையில் நகரத்தார் விடுதிக்குப் போக வேண்டும்.

இரவு மண்ணடி வரை நடந்து போக முடியாது. அதனால் பீச்சில் படுத்துக் கொள்ள அனுமதிகேட்ட அந்தப் பதினாறு வயதுப் பையனின் கோரிக்கையைப் போலீஸ் நிராகரித்தது.

""படு...படுக்கணும்னா நாலணா கொடு'' என்று காவல் மிரட்டியது.

நாலணாவுக்கு வழியின்றி கலங்கிய கண்களுடன் காந்தி சிலையிலிருந்து நடந்திருக்கிறார் கவிஞர்.

அவர் வளர்ந்து கவியரசர் கண்ணதாசன் என்று பெயர் பெற்று "சுமைதாங்கி' என்ற சொந்தப்படம் எடுக்கிறார்.

கதாநாயகனாக நடித்த ஜெமினி கணேசனை எங்கிருந்து நடக்க விடுவது என்று யோசித்த கவிஞர் அதே காந்தி சிலையைத் தேர்ந்தெடுத்தார்.

நள்ளிரவு ஷூட்டிங்.

ஆனால் படத்தில் இரவு 7 மணி மாதிரி இருக்க பீச் ரோட்டில் நிறைய கார்கள் வரிசையாக வர வேண்டும்.

ஏழு கார்களை நிற்க வைத்து மாறி மாறி ஒன்றன் பின் ஒன்றாக வருகிற மாதிரி படம் எடுக்கிறார்கள்.

வீட்டில் இந்தப் படத்தைப் போட்டுப் பார்த்துக் கொண்டிருந்த கவிஞர் தன் பின்ளைகளைப் பார்த்துச் சொல்லியிருக்கிறார்.

""இந்தக் கார்களை கவனித்தீர்களா..?

இவை எல்லாமே நம்முடைய கார்கள்.

வாழ முடியும் என்று நம்பிக்கையோடு சென்னை வந்த என்னை இந்த இடத்தில்தான் நாலணா இல்லை என்பதற்காகப் போலீஸ் நடக்கவிட்டது.

இதே இடத்தில் என் ஏழு கார்களை ஓடவிட்டுப் படம் எடுத்திருக்கிறேன்.

நம்பிக்கை என்னை ஜெயிக்க வைத்துவிட்டது!'' என்றாராம்!

எங்கு அவமதிக்கப்பட்டாரோ அங்கு கவிஞர் தம் வெற்றியை அரங்கேற்றியிருக்கிறார்.

அவமானம் ஒரு மூலதனம்...

இது புரிந்தால் வெற்றி நிச்சயம்!

முகநூல்

by **ஜாஹீதாபானு** Mon Nov 04, 2013 12:22 pm

அவமானம் ஒரு மூலதனம்... இது புரிந்தால் வெற்றி நிச்சயம்! wrote:

அருமை

by **T.N.Balasubramanian** Mon Nov 04, 2013 5:19 pm

முகநூலின் நம்பகத்தன்மை சில சமயம் கேள்வி குறி ஆகிறது.
முதல் பாராவில் 14 வயது பையன், மூன்றாவது பாராவில் 16 வயது . எழுத்து பிழை என தவிர்ப்போம்.
அவர் கூறும் காலகட்டத்தில் காந்தி சிலை அங்கு இருந்ததா?

அவர் சரிதை ஆர்வம் தூண்டும் ஒன்று.

ரமணியன்
.

by **ayyasamy ram** Mon Nov 04, 2013 9:54 pm

மெரினா கடற்கரையில் காந்தி சிலை
1959 ல் தான, நேரு அவர்களால் திறந்து வைக்கப்பட்டது
-
கண்ணதாசன்
June 24, 1927 -October 17, 1981
-
கட்டுரையில் சொல்லப்பட்ட காலத்தில் காந்தி சிலை
அங்கில்லை என்பதை உண்மை

by **krishnaamma** Tue Nov 05, 2013 10:03 am

அவமானம் ஒரு மூலதனம்...

இது புரிந்தால் வெற்றி நிச்சயம்!

அருமையான வரிகள் புன்னகை

by **krishnaamma** Tue Nov 05, 2013 10:07 am

ayyasamy ram wrote:மெரினா கடற்கரையில் காந்தி சிலை
1959 ல் தான, நேரு அவர்களால் திறந்து வைக்கப்பட்டது
-
கண்ணதாசன்
June 24, 1927 -October 17, 1981
-
கட்டுரையில் சொல்லப்பட்ட காலத்தில் காந்தி சிலை
அங்கில்லை என்பதை உண்மை

அடாடா........... இவ்வளவு பெரிய பிழை எப்படி வந்தது ? அதிர்ச்சி

ஒருவேளை அந்த இடம் என்று நமக்கு அடையாளம் கட்ட சொல்லி இருப்பர்களோ?

by **krishnaamma** Tue Nov 05, 2013 10:07 am

T.N.Balasubramanian wrote:முகநூலின் நம்பகத்தன்மை சில சமயம் கேள்வி குறி ஆகிறது.
முதல் பாராவில் 14 வயது பையன், மூன்றாவது பாராவில் 16 வயது . எழுத்து பிழை என தவிர்ப்போம்.

அவர் கூறும் காலகட்டத்தில் காந்தி சிலை அங்கு இருந்ததா?

அவர் சரிதை ஆர்வம் தூண்டும் ஒன்று.

ரமணியன்
.

நல்ல கேள்வி ஐயா புன்னகை

சரியாக பாயிண்ட் பிடிக்கறீங்க ! மகிழ்ச்சி