ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!

by **சிவா** Sun Oct 27, 2013 10:50 am

'படிக்க தெரிந்தவனுக்கு நல்ல வேலை மட்டுமே கிடைக்கும். நடிக்க தெரிந்தவனுக்கு தமிழ்நாடே கிடைக்கும்' என்ற சமீபத்திய நகைச்சுவை வரிகள், சமூக இணையதளங்களில் ஜோராக வலம் வந்து கொண்டிருக்கின்றன.

இந்த நிலையில், கடந்த சில ஆண்டுகளுக்கு முன் தமிழகத்தை கலக்கிய, 'வாள மீனுக்கும், விலாங்கு மீனுக்கும்' சினிமா கானா பாடல், துவக்கப்பள்ளி மாணவர்களுக்கு தமிழ்ப் பயிற்சி புத்தகத்தில் இடம் பெற்று, ஆச்சர்யத்தை ஏற்படுத்தி உள்ளது.வியாசர்பாடியில் உள்ள துவக்கப்பள்ளி ஒன்றில், பள்ளி மாணவர்களுக்கு தமிழ் மொழிப் பயிற்சி அளிக்கும், தன்னார்வ தொண்டு நிறுவனத்தினர், பள்ளி பாடப்புத்தகத்துடன், 'வாள மீனு' கானா பாட்டுப் புத்தகத்தையும் கொடுத்து வாசிக்க வைக்கின்றனர். இதற்காக, மாநகராட்சியிடம் அனுமதி பெற்று உள்ளனர்.

இதுகுறித்து, அந்த தொண்டு நிறுவனத்தார் கூறியதாவது:'வாள மீனு' பாடலை, தமிழகத்தில் அறியாதவர்களே இல்லை. இன்றைய சமச்சீர் கல்வி, மாணவர்களுக்கு பிடித்த வகையில், அவர்கள் பாணியிலேயே சென்று, கற்றுத்தரும் வகையில் அமைந்துள்ளது.கதை, பாட்டு, வடிவிலான பாடங்கள், மாணவர்கள் மனதில் நன்கு பதிகின்றன. இன்றைய மாணவர்களை, 'ழ, ல, ள, ர, ற' போன்ற எழுத்துகளை சரியாக உச்சரிக்க வைப்பது கடினம்.எங்களுக்கு தெரிந்த வரை, இந்த கானா பாட்டை தேர்ந்தெடுக்க இரண்டே காரணங்கள் தான். ஒன்று, 'வாள மீனு' பாட்டில் உள்ள ல,ள, ழ மற்றும் ர, ற போன்ற எழுத்து உச்சரிப்புகள்மாணவர்களை எளிதில் அடைந்து, அவர்களை பிழையில்லாமல் பேசவைக்கின்றன.மற்றொன்று, மீனின் வகைகளை அறியமுடிகிறது.இந்த புத்தகத்தை நாங்கள் மாணவர்களுக்கு பள்ளிப் பாடமாக தருவதில்லை. நன்கு பேசும் மாணவர்களுக்கு இந்த புத்தகத்தையும் தந்து, படிக்க வைக்கிறோம் அவ்வளவு தான்.இவ்வாறு அவர்கள் கூறினர்.'வாள மீனு' புத்தகத்தில், பாடல் வரிகள், வண்ணமயமான படங்களாக உருவெடுத்து, குழந்தைகளை கவர்கின்றன.

இதுகுறித்து, அந்த பாட்டை எழுதிப் பாடிய கானா உலகநாதனிடம் கேட்ட போது அவர் கூறியதாவது:என்னிடமும், மிஷ்கினிடமும் கேட்டு, அந்த பாட்டை புத்தகமாக வடிவமைத்து உள்ளனர்.அந்த புத்தகம், மாணவர்களுக்கு தமிழ் பயிற்சிக்காக அமையும் என்று நான் கொஞ்சமும் எதிர்பார்க்கவில்லை.அதில் ல, ர, ற எழுத்துகள் அதிகம் இருப்பதுடன், நாம் உணவுக்காக பயன்படுத்தும் மீன் வகைகளும் இடம் பெற்றுள்ளதே, இத்தகைய சிறப்புக்கு காரணம் என்றார்கள்.இவ்வாறு அவர் கூறினார்.

தினமலர்

by அசுரன் Sun Oct 27, 2013 11:36 am

ஆச்சர்யமான ஆனால் நல்ல விசயமா இருக்கே! அட ஆமா அந்த பாட்டில் நிறைய ல ள ழ இருக்கு ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்! 3838410834

by **ayyasamy ram** Sun Oct 27, 2013 11:51 am

ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்! 103459460

-
வாளமீனுக்கும் விலாங்குமீனுக்கும் கல்யாணம்
அந்த சென்னாகுனி கூட்டம் எல்லாம் ஊர்கோலம்
அந்த நடுக்கடலில் நடக்குதய்யா திருமணம்
அங்கு அசரப்பொடி ஆளுகெல்லாம் கும்மாளம்

ஓ..ஓ.ஓ

கல்யாணமாம் கல்யாணம்
கல்யாணமாம் கல்யாணம்
கல்யாணமாம் கல்யாணம்
கல்யாணமாம் கல்யாணம்

வாளமீனுக்கும் விலாங்குமீனுக்கும் கல்யாணம்
அந்த சென்னாகுனி கூட்டம் எல்லாம் ஊர்கோலம்

ஊர்வலத்தில் ஆடிவரும் நண்டு தானே நாட்டியம்
அய்யா மேலதாளம் முழங்கிவரும் வஞ்சிரமீனு வாத்தியம்
ஊர்வலத்தில் ஆடிவரும் நண்டு தானே நாட்டியம்
அய்யா மேலதாளம் முழங்கிவரும் வஞ்சிரமீனு வாத்தியம்
வார மீனு நடத்திவர பார்ட்டியும்
நம்ப வார மீனு நடத்தி வர பார்ட்டியும்
அங்க தேர்போல போகுதய்யா ஊர்கோல காட்சியும்..
ஊர்கோல காட்சியும்..

வாளமீனுக்கும் விலாங்குமீனுக்கும் கல்யாணம்
அந்த சென்னாகுனி கூட்டம் எல்லாம் ஊர்கோலம்

கூவம் ஆறு கடலில் சேரும் அந்த இடத்தில் லவ்வுங்கோ
இத பார்த்துவிட்ட உளவு மீனு வச்சதைய்யா வத்திங்கோ
கூவம் ஆறு கடலில் சேரும் அந்த இடத்தில் லவ்வுங்கோ
இத பார்த்துவிட்ட உளவு மீனு வச்சதைய்யா வத்திங்கோ

பஞ்சாயத்து தலைவருன்னா சுறா மீனுதானுங்கோ
பஞ்சாயத்து தலைவருன்னா சுறா மீனுதானுங்கோ

அவர் சொன்னபடி இருவருக்கும் நிச்சியதார்த்தம் தானுங்கோ
கல்யாணம் நடந்து வருது பாருங்கோ

வாளமீனுக்கும் விலாங்குமீனுக்கும் கல்யாணம்
அந்த சென்னாகுனி கூட்டம் எல்லாம் ஊர்கோலம்

மாப்பிள சொந்த பந்தம் மீசக்கார இறாங்கோ
அந்த நெத்திலி பொடிய காரப்பொடியா கலகலான்னு இருக்குதுங்கோ
மாப்பிள சொந்த பந்தம் மீசக்கார இறாங்கோ
அந்த நெத்திலி பொடிய காரப்பொடியா கலகலான்னு இருக்குதுங்கோ

பெண்ணுக்கு சொந்த பந்தம் மீசக்கார கடுவான்
பெண்ணுக்கு சொந்த பந்தம் மீசக்கார கடுவான்
அந்த சங்கர மீனு வவ்வாலு மீன வழவழப்பா தருகுது..
வழவழப்பா தருகுது.

வாளமீனுக்கும் விலாங்குமீனுக்கும் கல்யாணம்
அந்த சென்னாகுனி கூட்டம் எல்லாம் ஊர்கோலம்

மாப்பிள வாளமீனு பழவேற்க்காடு தானுங்கோ
அந்த மணப்பொண்ணும் விலாங்குமீனு மிஞ்சூரு தானுங்கோ
மாப்பிள வாளமீனு பழவேற்க்காடு தானுங்கோ
அந்த மணப்பொண்ணும் விலாங்குமீனு மிஞ்சூரு தானுங்கோ
இந்த திருமணத்தை நடத்திவைக்கும் திருக்காவல் அண்ணங்கோ
இந்த திருமணத்தை நடத்திவைக்கும் திருக்காவல் அண்ணங்கோ

இந்த மணமக்களை வாழ்துகின்ற பெரிய மனுஷன் யாருங்கோ......

தலைவரு திமிங்கிலம் தானுங்கோ
தலைவரு திமிங்கிலம் தானுங்கோ

வாளமீனுக்கும் விலாங்குமீனுக்கும் கல்யாணம்
அந்த சென்னாகுனி கூட்டம் எல்லாம் ஊர்கோலம்
அந்த நடுக்கடலில் நடக்குதய்யா திருமணம்
அங்கு அசரப்பொடி ஆளுகெல்லாம் கும்மாளம்!
===========

by subasu Sun Oct 27, 2013 1:04 pm

by N.S.Mani Sun Oct 27, 2013 1:48 pm

முழு பாட்டினையும் மறுபதிவு செய்துள்ளது 'ழ, ல, ள, ர, ற' போன்ற எழுத்துகளை எவ்வாறு உபயோகப்படுதியிருக்கிரார்கள் என்பதையறிய முடிகிறது. அதன் கருத்துக்களையும் சரிவர புரிந்துகொள்ளமுடிகிறது.

மிக அருமையான பாடல்.

by சதாசிவம் Sun Oct 27, 2013 5:12 pm

தமிழில் பல இலக்கியங்கள், அழகான பாடல்கள் ஆயிரம் ஆயிரம் இருக்கும் வேளையில் இந்த பாடல் மூலம் தமிழ் வளர்க்க முயற்சி செய்வது மிகவும் வருத்தமான செய்தி,

இப்பாடல் வட்டார வழக்கில் பாடப்பட்டுள்ளது. மீனின் வகைகளை அறிந்து கொள்ள இதைப் பயன்படுத்தலாம்.. தமிழை இப்படி வளர்த்தால்...நாளைக்கு கண்ணதாசன், வைரமுத்து பாடல்களுக்குக்கு கூட உரை எழுதினால் தான் பொருள் உணரும் நிலை வரலாம்.

by Sponsored content

ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!

ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!

Re: ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!

Re: ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!

Re: ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!

Re: ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!

Re: ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!

Re: ல, ழ, ள தெரிய வேண்டுமா? 'வாள மீனுக்கும் விலாங்கு மீனுக்கும்...' பாடுங்கள்!