பாடம் – ஒரு பக்க கதை

by **ayyasamy ram** Fri Oct 25, 2013 9:19 am

-
வீட்டுப்பாடம் எழுத அமர்ந்த பாலன்,தனது புத்தகப்பையைத் தலைகீழாகக் கவிழ்த்து கீழே கொட்டினான். அதிலிருந்து ஏராளமான பென்சில்கள், ரப்பர்கள், பேனாக்கள் கீழே விழுந்தன.
-
அவதைப் பார்த்த பாலனின் அம்மா,”ஏதுடா இதெல்லாம்” என்று கேட்டார்.
-
“இது கோபிகிட்ட அடிச்சது. இது சுரேசு கிட்ட அடிச்சது” என்று பெருமையுடன் வரிசையாக சொல்லிக்கொண்டே சென்றான்.
-
தன் மகன் இதுபோன்ற செயல்களில் ஈடுபடுவது அவருக்குப் பிடிக்கவில்லை. அன்று இரவே பாலனின் தந்தையிடம் இந்த விஷயத்தைச் சொன்னார்.

“இவனுக்கு வீட்டுல என்ன குறைச்சல்? நம்ம மானத்தை வாங்கணுமின்னே பிறந்திருக்கான். வாங்குற சம்பளத்துல பாதிய இவனுக்குத்தானே செலவழிக்குறோம். இவனால ஸ்கூல்ல எனக்குத் தான் கெட்டப்பெயர் வரப் போகுது” என்று கோபப்பட்டார் ஆசிரியரான பாலனின் தந்தை.
-
மறுநாள் பாலனும், அவன் தந்தையும் அவசர அவசரமாக பள்ளிக்கு கிளம்பிக் கொண்டிருந்தனர்.

“என்னங்க, நம்ம தெருவில நடக்குற கோலப் போட்டியில சேர்ந்திருக்கேன். ஸ்கூல் விட்டு வரும்போது ஸ்கூல்ல இருந்து கலர் சாக்பீஸ் டப்பாவ எடுத்துக்கிட்ட வாங்க” என்றார் பாலனின் தாய்.

பாலன் அம்மாவை ஏறிட்டுப் பார்த்தான். அவர் தலைகுனிந்து கொண்டார்.
--------------------------------
நன்றி :ஜேம்ஸ்

by amirmaran Fri Oct 25, 2013 10:13 am

எல்லோரும் இப்படித்தான்...... பள்ளியில் சாக்பீஸ் எடுப்பது, அலுவலகத்தில் பேனா எடுப்பது ...... இப்படி எத்தனையோ சொல்லிக் கொண்டே போகலாம்.....

by **ஜாஹீதாபானு** Fri Oct 25, 2013 1:16 pm

amirmaran wrote:எல்லோரும் இப்படித்தான்...... பள்ளியில் சாக்பீஸ் எடுப்பது, அலுவலகத்தில் பேனா எடுப்பது ...... இப்படி எத்தனையோ சொல்லிக் கொண்டே போகலாம்.....

ஆமா...

by அசுரன் Fri Oct 25, 2013 11:11 pm

திருட தெரிஞ்சவங்களுக்கு திசை தெரியலைன்னு சொல்லுவாங்க புன்னகை

by **M.M.SENTHIL** Fri Oct 25, 2013 11:28 pm

நம் குழந்தைகள் நம்மிடம்தான் முதலில் அதிகம் கற்றுக்கொள்கிரார்கள்.

by N.S.Mani Fri Oct 25, 2013 11:57 pm

உங்களுடைய சிறுகதையின் இறுதியில் சிறு மாறுதலாக மற்றொரு குடும்ப நிகழ்ச்சி:

பாலனின் தாய் கூறியதை கேட்ட தந்தை, மகனைக் கூப்பிட்டு இரண்டு சாத்து சாத்தி "எண்டா! நான்தான் ஆபீசிலிருந்து முழு பென்சில்களாக எடுத்துவந்து தரும் பொழுது நீ ஏண்ட பக்கத்து பசங்ககிட்ட அடிச்சு பேர கேடுத்துகிற?" என்றார்.

தாய் தலை குனிந்துகொண்டாள்.