நிஜத்தில் தீபாவளி ... ?

by பூர்ணகுரு Wed Oct 16, 2013 4:05 pm

அதிகாலை எண்ணெய்க் குளியல்

அறுசுவை உணவுப் படையல்

அழகிய புது உடையில்

அதிரடி சர வெடியல்

அசுரனை அறியாத நிலையில்

இதிகாசம் கூறும் கதையில்

அகிலாண்டவன் வதைத்த வதையில்

கற்பனையோ கட்டுக்கதையின் வலையில்

காலாகால மரபு வழியில்

கரியாக்கும் காசு புதையல்

மாறா மனிதர் மத்தியில்

புனிதர் சிலரின் வருகையில்

நம்பிக்கையாய் ஆதரவற்றோர் குவியல்

நிஜத்தில் தீபாவளி திருநாள் நிலுவையில்

அனாதை எனும் அரக்கனை அழிக்கையில் (மட்டுமே) !

~ பூர்ணகுரு ~