சென்னையில் கிரிக்கெட் வாரிய தேர்தல்: என்.சீனிவாசன் தலைவராக போட்டியின்றி மீண்டும் தேர்வு

by **ராஜா** Sun Sep 29, 2013 1:08 pm

இந்திய கிரிக்கெட் கட்டுப்பாட்டு வாரியத்தின் (பி.சி.சி.ஐ) 84–வது பொதுக்குழு கூட்டம் சென்னை அடையாரில் உள்ள பார்க் ஷெரட்டான் ஓட்டலில் இன்று காலை 11 மணிக்கு தொடங்கியது. இந்த கூட்டத்தில் 2013–14–ம் ஆண்டுக்கான புதிய நிர்வாகிகள் தேர்தல் நடைபெறுகிறது.
என்.சீனிவாசன் கிரிக்கெட் வாரிய தலைவராக மீண்டும் போட்டியின்றி தேர்வு செய்யப்படுகிறார். தலைவர் பதவியில் இருந்து தற்காலிகமாக ஒதுங்கி இருக்கும் அவர் மட்டுமே தலைவர் பதவிக்கு மனு தாக்கல் செய்து உள்ளார்.
இதனால் அவர் மீண்டும் தலைவராக தேர்ந்து எடுக்கப்படுகிறார். ஆனாலும் கோர்ட்டு உத்தரவு வரும் வரை தலைவர் பதவியை ஏற்க முடியாது.
கிரிக்கெட் வாரியத்தின் துணை தலைவர்களாக ராஜீவ்சுக்லா, ரவிசவாந்த், பன்சால் ஆகியோர் புதிதாக தேர்வு பெறுகிறார்கள். ஷிவ்லால் யாதவ், சித்ராக் மித்ரா ஆகியோர் துணைத் தலைவர்களாக தொடர்ந்து நீடிக்கப்படுகிறார்கள்.
சஞ்சய் பட்டேல் செயலாளராகவும், அனுராக் தாக்கூர் இணை செயலாளராகவும் மீண்டும் தேர்ந்தெடுக்கப்படுகிறார்கள். அணிருத் சவுத்ரி புதிய பொருளாளராக தேர்ந்தெடுக்கப்படுகிறார். அனைவருமே ஒருமனதாக போட்டியின்றி தேர்வு செய்யப்படுவார்கள் என்று தெரிகிறது.
ஐ.பி.எல். தலைவர் பதவியில் இருந்து ராஜீவ் சுக்லா ஏற்கனவே விலகி விட்டதால் புதிய தலைவர் இந்த கூட்டத்தில் தேர்வு செய்யப்படுவார்.
தெண்டுல்கரின் 200–வது டெஸ்ட் இடம், தென் ஆப்பிரிக்க பயண விவரம் குறித்து இந்த கூட்டத்தில் முடிவு செய்யப்படும்.

-maalaimalar

by **Muthumohamed** Sun Sep 29, 2013 8:55 pm

தகவலுக்கு நன்றி

சென்னையில் கிரிக்கெட் வாரிய தேர்தல்: என்.சீனிவாசன் தலைவராக போட்டியின்றி மீண்டும் தேர்வு

சென்னையில் கிரிக்கெட் வாரிய தேர்தல்: என்.சீனிவாசன் தலைவராக போட்டியின்றி மீண்டும் தேர்வு

Re: சென்னையில் கிரிக்கெட் வாரிய தேர்தல்: என்.சீனிவாசன் தலைவராக போட்டியின்றி மீண்டும் தேர்வு