Latest topics

மீனவரை விஷம் கொடுத்து கொல்ல முயற்சி : தாது மணல் பிரச்னை விஸ்வரூபம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மீனவரை விஷம் கொடுத்து கொல்ல முயற்சி : தாது மணல் பிரச்னை விஸ்வரூபம்

Post by செம்மொழியான் பாண்டியன் Sat Sep 28, 2013 1:14 pm

தூத்துக்குடி: கடற்கரை தாது மணல் எடுக்க ஆதரவு தெரிவித்து, கலெக்டரிடம் மனு கொடுத்த மீனவ அமைப்பு தலைவருக்கு, வலுக்கட்டாயமாக விஷம் புகட்டப்பட்டு, உயிருக்கு போராடி வருகிறார். தூத்துக்குடியில் தாது மணல் எடுப்பதில் முறைகேடு புகார் எழுந்ததால், வருவாய்த் துறை செயலர் ககன்தீப் சிங்பேடி தலைமையில் ஆய்வுக்குழு அமைக்கப்பட்டு, அரசிடம் அறிக்கை சமர்ப்பிக்கப்பட்டுள்ளது; மணல் எடுக்க தடை விதிக்கப்
பட்டது இந்நிலையில், தாது மணல் எடுக்க ஆதரவாகவும், எதிர்ப்பாகவும், மீனவர்கள் இருபிரிவாக செயல்பட்டு வருகின்றனர். இது, கொலை செய்யும் அளவிற்கு விஸ்வரூபம் எடுத்து உள்ளது. தூத்துக்குடி பி.வி.ஆர். புரத்தை சேர்ந்தவர் ஜோசப், 45. இவர், "குரூஸ் பர்ணான்டஸ் பேரவை' தலைவராக உள்ளார். செப்., 24 ல், தனது ஆதரவாளர்களுடன், கலெக்டர் ரவிக்குமாரை சந்தித்து, "கடற்கரை தாது மணல் எடுக்க, அரசு விதித்துள்ள தடையை நீக்க வேண்டும். குவாரி மூடப்பட்டதால், பலர் வேலை இழந்து உள்ளனர்' என, மனு கொடுத்தார். செப்., 25 ல், பி.வி.ஆர்.புரத்தில் உள்ள அவரது வீட்டை, மீனவ அமைப்புகள் முற்றுகையிட்டன.
நேற்று காலை 10.30 மணிக்கு, ஜோசப், பழைய துறைமுகம் பகுதியில் நின்று கொண்டிருந்தார். அங்கு வந்த 10 பேர் கும்பல், வலுக்கட்டாயமாக விஷத்தை புகட்டி விட்டு, தப்பி ஓடியது. அவர், ஆபத்தான
நிலையில் மருத்துவக்கல்லூரி மருத்துவமனையில் சேர்க்கப்பட்டுள்ளார். கும்பல் குறித்து, போலீசார் விசாரிக்கின்றனர்.

நன்றி தினமலர்

இறைவா எதையும் தாங்கும் இதயம் வேண்டாம்
இதயம் தாங்கும் எதையும் கொடு
அன்பு மலர்

செம்மொழியான் பாண்டியன்: சிறப்புப் பதிவாளர்; பதிவுகள் : 1280
இணைந்தது : 17/02/2013