விஜய்யை அவமதித்த சினிமா நூற்றாண்டு விழா !

by ரேவதி Mon Sep 23, 2013 12:21 pm

இந்திய சினிமாவின் நூற்றாண்டு விழா நேற்று முன்தினம் அட்டகாசமாக ஆரம்பித்தது. இந்த நூற்றாண்டு விழா பங்ஷனில், அடுத்த சூப்பர்ஸ்டார் என்று சொல்லக்கூடிய அளவுக்கு வளர்ந்து விட்ட நடிகர் விஜய்க்கு அவமரியாதை செய்யும் விதமாக சம்பவம் நடைபெற்றுள்ளது.

இந்திய சினிமாவின் நூற்றாண்டு விழாவை தமிழக முதல்வர் ஜெயலலிதா சிறப்புரையாற்றி தொடங்கி வைத்தார். தமிழக அரசின் சார்பில் கொடுக்கப்பட்ட 10 கோடி ரூபாய் பணத்துடன் தடபுடலாக நடந்து வரும் இந்த விழாவுக்கு கருணாநிதி, பாலுமகேந்திரா உட்பட பெரும்பாலான சினிமா பிரபலங்களுக்கு எந்தவித அழைப்பும் இல்லை. இது ஒருபுறமிருக்க இன்விடேஷன் கொடுத்து அழைக்கப்பட்ட நடிகர் விஜய்க்கோ, எங்கோ ஒரு மூலையில் உட்கார இடம் கொடுத்து அவமரியாதை செய்து அனுப்பியிருக்கிறார்கள்.

முக்கியமான நடிகர்கள் அனைவரும் கலந்து கொண்ட இந்த விழாவில், தமிழ்சினிமாவை போற்றும் வகையில் அனைத்து நடிகர்களின் படங்களும் அடங்கிய சிறிய வீடியோ க்ளிப்பிங்ஸ் திரையிடப்பட்டது. இதில் நடிகர் விஜய்யின் வீடியோ க்ளிப்பிங்ஸ்கள் மட்டும் திட்டமிட்டு புறக்கணிப்பட்டது. அது மட்டுமல்லாமல் வெளிமாநிலங்களிலிருந்து வந்திருந்த நடிகர், நடிகைகளுக்கு கூட முன் வரிசையில் இருக்கை அமைக்கப்பட்டிருந்தது. ஆனால் விஜய்க்கு வி.ஐ.பி இருக்கைகளின் கடைசி வரிசையில் இடம் ஒதுக்கப்பட்டிருந்தது.

இதை எல்லாம் பொருட்படுத்தாமல் அமைதியாக சென்ற விஜய் தனக்கான இருக்கையில் அமர்ந்து கொண்டார். அவரைப் பார்த்த முண்ணனி நடிகர்கள் அனைவரும் அமைதி காக்க, இளம் நடிகர்கள் மட்டும் அவரை முன் பக்கம் வந்து உட்காருமாறு அழைத்தனர். ஆனால் யாரும் அவர் பக்கத்தில் வரவில்லை.

இருப்பினும் சைகையால் இங்கேயே அமர்ந்து கொள்வதாக கூறினார் விஜய். இதை பார்த்துக் கொண்டிருந்த நடிகர் விக்ரம் மட்டும் எதையும் பொருட்படுத்தாமல் விஜய்க்கு அருகில் சென்று அமர்ந்து கொண்டார். இருவரும் நீண்ட நேரம் பேசிக் கொண்டிருந்தனர். விழா முடியும் போது விக்ரமிடம் மட்டும் சொல்லி விட்டு தானாகவே யாரிடமும் சொல்லிக் கொள்ளாமல் கிளம்பிச் சென்றிருக்கிறார் விஜய்.

விஜய்யை அவமதித்த சினிமா நூற்றாண்டு விழா ! 602043_518257404935215_1136418167_n

விஜய்யை அவமதித்த சினிமா நூற்றாண்டு விழா ! 602043_518257404935215_1136418167_n

சினிமா செய்திகள் - முகநூல்

by யினியவன் Mon Sep 23, 2013 12:26 pm

அம்மா நிகழ்ச்சியில் இது புதிதே அல்ல.

பழைய திரைப்படங்கள் பல ஒதுக்கப்பட்டுள்ளது இதனினும் மோசம்.

by **அருண்** Mon Sep 23, 2013 12:31 pm

இந்த விழா பார பட்சமாக அரசு நடந்து கொண்டுள்ளது நன்றாக தெரிகிறது.

அனைவருக்கும் விருது வழங்கி பாராட்டிய அம்மா. விஜய்யும் வடிவேலு இவர்கள் இருவருக்கும்
நான் பார்த்த வரை விருது வழங்க மேடைக்கு கூப்பிடவில்லை.. ஒன்னும் புரியல

by ரேவதி Mon Sep 23, 2013 2:07 pm

அருண் wrote:இந்த விழா பார பட்சமாக அரசு நடந்து கொண்டுள்ளது நன்றாக தெரிகிறது.

அனைவருக்கும் விருது வழங்கி பாராட்டிய அம்மா. விஜய்யும் வடிவேலு இவர்கள் இருவருக்கும்
நான் பார்த்த வரை விருது வழங்க மேடைக்கு கூப்பிடவில்லை..

ஆமாம் விஜய் முகமே பாவமாக இருந்தது சோகம்