இதுதான் வாழ்க்கை

by **M.M.SENTHIL** Wed Sep 18, 2013 10:07 pm

இதுதான் வாழ்க்கை

வீட்டில் தங்கையின் கூந்தல்
பூவுக்காய் தவம் கிடக்க
அண்ணன் வாங்கி வந்து
தருவாநென தங்கையவள்
காத்துக் கிடக்க - நானோ
பெண்ணே உனக்கு
பூக்கடையையே தலையில்
வைத்து பூரிக்கிறேன் - இது காதலாம் !!

பேப்பர் படிக்க முடியாமல்
தவிக்கிறார் அன்பான என் அப்பா
அவர் கண்களுக்கு புதிய பார்வை தராமல்
நீ தலைவலி என்றதும்
கண்ணாடி மாட்டிவிட்டு
அழகு பார்க்கிறேன் - இது காதலாம் !!

மகனுக்கு அரசாங்க வேலை
வேண்டும் என்று
அம்மனுக்கு விரதமிருந்து
தன் உடல் இளைக்கிறாள் என்
மானசீக மாதா - ஆனால் நானோ
மணிக்கணக்காய் தவமிருக்கிறேன்
உன்னை நேரில் காண
இதுவும் காதலாம் !!

அன்பை மட்டுமே மழையென பொழிந்த
அக்காவிற்கு பிரசவம் ,
மருத்துவமனையில் இருந்தாலும்
உன்னை காணவே அவசரம்
நொடிப்பொழுதும் உன்னையே
நினைக்க வைத்துவிட்டதால்
இது காதலேதான் !

எப்பொழுதும் நான் உன்னுடனே
இருக்க வேண்டும் என கட்டளையிடும்
என் அன்பு காதலியே,
உறவை இழந்து உன்னை பெறுவது
காதல் என்றால் - நான்
உன்னை இழந்து உறவை சுமக்கிறேன்
இது வாழ்க்கையாகட்டும் !!

by mbalasaravanan Thu Sep 19, 2013 1:14 pm

உண்மை கவிதை என தலைப்பு வைத்திருக்கலாம் வரிகள் அனைத்தும் அருமை

by **M.M.SENTHIL** Thu Sep 19, 2013 1:30 pm

mbalasaravanan wrote:உண்மை கவிதை என தலைப்பு வைத்திருக்கலாம் வரிகள் அனைத்தும் அருமை

நன்றி நண்பரே

by ராஜு சரவணன் Thu Sep 19, 2013 2:08 pm

சுயநலவாதிகளின் காதல் இப்படிதான் இருக்கும் புன்னகை

கவிதை அருமை புன்னகை

by பூவன் Thu Sep 19, 2013 2:15 pm

ராஜு சரவணன் wrote:சுயநலவாதிகளின் காதல் இப்படிதான் இருக்கும்

கவிதை அருமை

சுயநலம் கண்ட காதலில் ஒரு
பொதுநலம் கண்டேன்
இரு உள்ளங்கள் விரும்ப
இரு இல்லங்களோ கண்ணீர்
அரும்பும் வேளையிலே .....
பொல்லா காதலை கொள்வோரையும்
பொல்லா காதலால் கொல்வோரையும்