ரேவதி

by **M.M.SENTHIL** Mon Sep 16, 2013 9:35 pm

ரேவதி
எத்தனையோ கவிதைகளுக்கு
தலைப்பை நீ சொல்ல
நான் எழுதியதுண்டு !

உனக்குள் இத்தனை திறமையா?
என நீ பாராட்டும் போதெல்லாம்
ஏங்கும் என் மனம்
இந்த தோழி நாம் வாழ்வின்
எல்லைவரை கூடவே
பயணித்தால் நலமென்று !

ஏனடி பெண்ணே பயணத்தை
இடையிலேயே நிறுத்தினாய் ?
நட்பாய் பழகி காதலானதாலா,
உன் வீட்டை எதிர்த்து என்னுடன்
வாழ்வதற்கு மன தைரியம்
இல்லாது போனதாலா?

இப்படி எத்தனையோ
கேள்விகள் கேட்கவேண்டும்
உன்னை நேரில் காணும்
அந்த இனிய நாளில் - என நான்
எண்ணியதுண்டு !!

ஆனாலும் ரேவதி
உன்னை காணும் அந்த நாளில்
நான் சுவாசிப்பது உண்மை எனில்
ஆனந்த கண்ணீரோடு உன்னை
எதிர்கொள்வேன் - என்
சுவாசம் இம்மண்ணில் இல்லையெனில்
உன் பெயரை இறுதியாய்
உச்சரித்து என்
இறுதி ஊர்வலம் நடந்திருக்கும் !!

எனக்கு மறு ஜென்மத்தில்
நம்பிக்கை உண்டு என்பதால்
நிச்சயம் நீ அடுத்த பிறவியில்
என் மனைவி மட்டுமே !!

by ராஜு சரவணன் Mon Sep 16, 2013 10:16 pm

இறுக்கமாக செந்தில் இருப்பதற்கு
இடிப்பதென்ன என்றிரிந்தேன்
இப்போது தான் தெரிகிறது மனதில்
இருப்பதெல்லாம் ரேவதி என
இன்னொரு ஜன்மத்தில்
இணைபிரியா தம்பதியா
இனிமையுடன் வாழ்த்திடவே
இறைவனிடம் வேண்டுகிறேன்

உங்கள் கவிதை அருமை நண்பரே புன்னகை

by **M.M.SENTHIL** Mon Sep 16, 2013 10:22 pm

என் வாழ்வில் நான் தொலைத்துவிட்ட
விலை மதிப்பில்லா பொக்கிஷம்,
அவளுக்கு ஈடு இணை எதுவுமில்லை
சேர்ந்து வாழ கொடுப்பினை இல்லை !

இன்னொரு ஜென்மம் உண்மையெனில்
உங்கள் ஆசீர்வாதம் உண்மையாகட்டும் !!