நானும் ஒரு தாய்

by கு.கோகிலா Tue Sep 10, 2013 3:13 pm

நானும் ஒரு தாய்
பெருமைப்பட்டுக்கொள்கிறேன்.
நானும் ஒரு தாய்
பூரிப்படைகிறேன்.
நானும் ஒரு தாய்
துள்ளிக்குதிக்கிறேன்.
நானும் ஒரு தாய்
என்னிலை உயர்கிறேன்.

உலகில் யாவருக்கும் தெரியும்
தாய்மை உன்னதமென்று.
உலகில் யாவருக்கும் தெரியும்
தாயே செல்வமிக்கவளென்று.

நானும் ஒரு தாய்
மகிழ்ச்சியடைகிறேன்
நாளைய சமுதாயத்தின்
உன்னதமான மனிதஉயிரை
வளர்த்தெடுக்க வாய்ப்பு கிடைத்ததற்க்கு.

அனைவரும் உறுதிமொழியெடுப்போம்
குழந்தைகளை
வெரும் இயந்திரசெயலாக்கங்களாக உருவாக்கும்
கல்விமுறையிலிருந்து
மீட்டெடுப்போமென்று.

இயற்கையை
சுற்றுச்சூழலை
வேரோடு பிணைந்திருக்கும்
தாய்மொழியை,
அழிக்க
ஒழிக்க
கற்றுத்தரப்போவதில்லையென்று.
உலகம் ஒரு பெருவெளி
அப்பெருவெளியை இட்டு நிரப்ப
இயற்கைக்கு இசைந்திருப்போமென்று.
அழிவினால் எதையும் உருவாக்கிவிடமுடியாதென்று.
இயல்பை மாற்றும்போது
நம்மையே அது அழித்துவிடுமென்று.

ஐம்பூதங்களை
போற்றுவோம்.
புல் பூண்டுகளின்
வாழ்க்கையை உணரவைப்போம்.
அதனை அரவணைக்கமுடியுமென்று
கற்றுக்கொடுப்போம்.

நானும் ஒரு தாய்
பெருமைப்பட்டுக்கொள்கிறேன்..