கோச்சடையான் - இதற்கா இத்தனை கோடிகள், இத்தனை பில்டப்புகள்..?

by **சிவா** Tue Sep 10, 2013 3:21 am

புலி வருது புலி வருது கதையாக கோச்சடையான் ட்ரெய்லரும் கடைசியில் வந்துவிட்டது. ரஜினிகாந்த் இரண்டு வேடங்களில் நடிக்கும் மோஷன் கேப்சர் தொழில்நுட்பத்தில் உருவான இந்த பிரமாண்டப் படம் எப்படி இருக்கிறது...?

125 கோடி பட்ஜெட், நூற்றுக்கணக்கான தொழில்நுட்ப வல்லுனர்கள், அவதாருக்கு இணையான மேக்கிங் என்று சொல்லப்பட்ட கோச்சடையானின் ட்ரெய்லர் ரசிகர்களுக்கு மிகப்பெரிய ஏமாற்றத்தை தந்திருக்கிறது. புத்திசாலித்தனமாக கட் செய்திருக்கும் ட்ரெய்லர், கார்ட்டூன் பார்க்கும் அனுபவத்தையே தருகிறது. இதற்கா இத்தனை கோடிகள், இத்தனை பில்டப்புகள்..?

கான் திரைப்பட விழாவில் கோச்சடையான் ட்ரெய்லரை வெளியிட வேண்டும் என முடிவு செய்து ட்ரெய்லரையும் தயார் செய்தனர். அதனை பார்த்த ரஜினி, பெயர் கெட்டுப் போயிரும் முதல்ல ட்ரெய்லரை இம்ப்ரூவ் செய்யுங்க என்றார். மொத்தப் படத்தையும் பார்த்தவர், எடுத்தவரைக்கும் போதும் என்று கோபத்தில் சொன்னதாக உள்வட்ட தகவல்கள் தெரிவித்தன. படத்தை வெளியிட வேண்டாம் என்பதுதான் ரஜினியின் முடிவு என்கிறார்கள். ஆனால் கோடிகளை விழுங்கிய புராஜெக்டை எப்படி கைகழுவுவது?

படம் எப்படி வந்திருக்கிறது என்பது இதுவரை யாருக்கும் தெரியாததால் அவதார் தரத்தில் எடுத்திருக்கோம் என்றெல்லாம் தைரியமாக அடித்துவிட்டார்கள். இனி என்ன சொல்லி விளம்பரம் செய்வார்கள்...?

by **மாணிக்கம் நடேசன்** Tue Sep 10, 2013 7:03 am

உங்களுடன் படத்தில் இருக்கும் அழகான மனுசன் யாரு, உங்க மருமகனா?

by **மாணிக்கம் நடேசன்** Tue Sep 10, 2013 7:04 am

வேற யாரும் கிடைக்கலையா?
போயும் போயி இந்த ஆளா?

by **ராஜா** Tue Sep 10, 2013 10:48 am

மாணிக்கம் நடேசன் wrote:உங்களுடன் படத்தில் இருக்கும் அழகான மனுசன் யாரு, உங்க மருமகனா?

??? ஓ.... அவதார சொலுறீங்களா புன்னகை

நானே கேட்கனும்ன்னு இருந்தேன்.... என் அப்பப்ப சிவா உங்களை இப்படி பிடித்து இறுக்குகிறார் புன்னகை

by **அருண்** Tue Sep 10, 2013 11:25 am

டிரைலர் செம மோசம் எதிர்பார்த்த அளவுக்கு இல்ல.

இதில் அறிமுகம் பாடல் அடுத்த மாதமாம் அதற்கு அடுத்த மாதம் பாடல் வெளியீடு..
எதற்கு இதனை பில்டப் என்று தெரிய வில்லை..

by **Muthumohamed** Tue Sep 10, 2013 11:54 am

எல்லாம் ஒரு விளம்பரம் தான்

by யினியவன் Tue Sep 10, 2013 12:08 pm

சூப்பர் ஸ்டார் நலம் இல்லாத சமயத்தில் ஏனோ தானோன்னு எடுத்துட்டாங்க போல

by **ராஜா** Tue Sep 10, 2013 12:16 pm

நேற்று காலையில் maalaimalar தளத்தில் இந்த படத்தின் teaser பார்த்தேன் உண்மையிலேயே பார்ப்பவர்களை tease பண்ணிவிடுவார்கள் போல.

ரஜினியை பார்ப்பதற்கு ஒரு படத்தில் vivek "எப்படி இருந்த நான் இப்படி ஆயிட்டேன்னு" சொல்லுவாருள்ள அதுபோல இருக்கு புன்னகை