கறிவேப்பிலையின் பயன்..

by thivya balan Sat Jul 20, 2013 7:06 pm

சர்க்கரையைக் கட்டுப்படுத்தும் இளமைப் பொலிவுடன் வாழ உதவும் கறிவேப்பிலை.

கறிவேப்பிலை செரிமானத்திற்கு மிகவும் உதவும். இளநரையை தடுக்கும். சர்க்கரை வியாதியையும் கட்டு படுத்த வல்லது. தினசரி வெறும் வயிற்றில் கறிவேப்பிலை இலையை 3 மாதங்கள் சாப்பிட்டு வந்தால் சர்க்கரை நோயால் உடல் கனமாவது குறைக்கப்படும். சிறுநீரில் சர்க்கரை வெளியேறுவதும் முற்றிலும் தடை செய்யப்படும். ரத்தத்தில் இருக்கும் கொழுப்பை குறைக்கும்.
...

மலச்சிக்கலை தவிர்த்து, தேவையான பசியைத் தூண்டும் வேலையையும் கறிவேப்பிலை செய்கிறது. கறிவேப்பிலை இலையை அரைத்து காய வைத்த பின், தேங்காய் எண்ணெய் அல்லது தலைமுடிக்கு உபயோகிக்கும் எண்ணெயில் போட்டு சில நாட்கள் ஊற வைத்து, அந்த எண்ணெயைத் தேய்த்து வர, நரை முடி நம்மை நெருங்காது. மேலும் முடி உதிர்தலையும் இந்த எண்ணெய் தடுத்து நிறுத்தும். பித்தத்தைத் தணித்து உடல் சூட்டை ஆற்றும்.

கறிவேப்பிலைச் சாறு ரத்தத்தில் உள்ள வெள்ளை அணுக்களைப் பலப்படுத்துகிறது. பத்திய உணவு சாப்பிடுபவர்கள் கறிவேப்பிலைத் துவையலை சேர்த்துக்கொள்வது நல்லது. கண் ஒளி குன்றாமல், நரை திரை இல்லாமல் என்றும் இளமைப் பொலிவுடன் வாழ கறிவேப்பிலை அருமருந்தாக உதவுகிறது

by யினியவன் Sat Jul 20, 2013 7:15 pm

கண்டிப்பா அருமருந்து தான் கறிவேப்பிலை - நல்ல பகிர்வு

by **krishnaamma** Sat Jul 20, 2013 7:19 pm

யினியவன் wrote:கண்டிப்பா அருமருந்து தான் கறிவேப்பிலை - நல்ல பகிர்வு

ஆமாம் அது கறி வேப்பிலை தான்... கருவேப்பிலை இல்லை புன்னகை

by யினியவன் Sat Jul 20, 2013 7:21 pm

எது சரிம்மா? புன்னகை

by பூவன் Sat Jul 20, 2013 7:28 pm

https://ta.wikipedia.org/wiki/%E0%AE%95%E0%AE%B1%E0%AE%BF%E0%AE%B5%E0%AF%87%E0%AE%AE%E0%AF%8D%E0%AE%AA%E0%AF%81

இங்கே பாருங்கள்

"கறிவேப்பிலை" எனும் சொல் கறுவேப்பிலை, கறுகப்பில்லை, கறுகப்பிள்ளை, கறிப்பில்லை என பலவேறு விதமாக பேச்சு வழக்கில் பயன்படுகின்றது. கறிவேப்பிலை என்றே பேச்சு வழக்கிலும் பயன்படுத்துவோரும் உளர். குறிப்பாக யாழ்ப்பாணத் தமிழரின் பேச்சு வழக்கில் கேட்கலாம்; இருப்பினும் கறுவேப்பிலை, கறுகப்பில்லை, கறுகப்பிள்ளை, கறிப்பில்லை என்றும் பேச்சு வழக்கில் பயன்படுவதும் உண்டு.

by யினியவன் Sat Jul 20, 2013 7:35 pm

சரியாத்தான் சொல்லி இருக்கேன் - நன்று பூவன்

by பூவன் Sat Jul 20, 2013 7:36 pm

யினியவன் wrote:சரியாத்தான் சொல்லி இருக்கேன் - நன்று பூவன்

இதை மென்று தின்றாலும் நன்று தான்

by **krishnaamma** Sat Jul 20, 2013 7:52 pm

யினியவன் wrote:எது சரிம்மா?

நான் உங்களை சொலல்லை இனியவன் , நீங்க சரியாகத்தான் எழுதி இருக்கீங்க, நான் தலைப்பை சொன்னேன் புன்னகை

இங்கே பார்க்கவும் புன்னகை

நான் தலைப்பில் உள்ள எழுத்துப்பிழை யை திருத்தி விடுகிறேன் புன்னகை

http://theatre-times.blogspot.in/2013/05/blog-post_7.html

by **krishnaamma** Sat Jul 20, 2013 7:54 pm

இதுவும்பாருங்கோ புன்னகை

விக்கிபீடியாவிலிருந்து !

//சொல் விளக்கம்[தொகு]

கறியில் போடும் இலை என்பதாலும், அந்த இலையின் தோற்றம் வேப்பிலையின் தோற்றத்தை ஒத்திருப்பதாலும் கறி + வேம்பு + இலை = கறிவேப்பிலை என பெயர் பெற்றுள்ளது. "கறி" எனும் தமிழ் சொல்லை ஆங்கிலம் உள்வாங்கிக்கொண்டதைப் போலவே, கறிவேப்பிலை எனும் சொல்லும் (Curry leaf) தமிழ் வழி ஆங்கிலம் சென்ற ஒரு சொல் ஆகும்.
"கறிவேப்பிலை" எனும் தமிழ் சொல்லை சிங்களத்தில் "கறபிஞ்சா" என்றும், வட இந்திய மொழிகளான இந்தி, வங்காளம் போன்ற மொழியினரின் "கறிபத்தா" என்றும் அழைக்கின்றனர். இம்மொழிகளில் பயன்படும் சொற்கள், தமிழ் மொழிச் சொல்லான கறிவேப்பிலை எனும் சொல்லின் மருவல் என்பதை உணர்ந்துக்கொள்ளலாம்.//