சிறுநீர் மூலம் மின்சாரம் தயாரிக்கும் புதிய நுட்பம்

by ராஜு சரவணன் Fri Jul 19, 2013 7:41 am

தலைப்பை கண்டதும் ச்சி...என்று ஓட வேண்டாம்.கொஞ்சம் படித்து தான் பாருங்களேன்.

பிரிட்டிஷ் பலகலைக்கழக விஞ்ஞானிகள் மனிதனின் கழிவான சிறுநீரில் இருந்தது நுண்ணுயிரி எரிபொருள் செல் (microbial fuel cells) முறையில் மின்சாரத்தை தயாரிக்க முடியும் என்று தெரிவித்துள்ளனர்.

மறுசுழற்சி முறையில் மனிதனின் சிறுநீரை வைத்து ஒரு போனை சார்ஜ் செய்ய தேவையான மின்சாரத்தை தயாரிக்க முடியும் என்றும், சுருக்கமாக சொன்னால் இதில் கிடைக்கும் மின்சாரத்தை சிறுநீர் மின்சாரம் என்று கூட சொல்லலாம் என கூறுகின்றனர்.

மேற்கு இங்கிலாந்த்து பல்கலைகழகத்தின் பிரிஸ்டோல் ரோபடிக் ஆய்வக (Bristol Robotics Laboratory) குழுவினர் கடந்த சில வருடங்களாக microbial fuel cell (MFC) என்று அழைக்கப்படும் நுண்ணுயிரி எரிபொருள் செல் நுட்பத்தை ஆராய்ந்தது வந்தனர். நுண்ணுயிரி எரிபொருள் செல்(MFC) என்பது கரிமபொருளை(organic material) நுண்ணுயிரிகள் கொண்டு உடைத்து அதன் மூலம் மின்சாரத்தை தயாரிப்பதாகும். இந்த பக்டீரியா நுண்ண்யிரிகளை அதிகளவில் பெருக்கமடைய செய்வதன் மூலம் அதிகபடியான மின்சாரம் தயாரிக்க முடியும், இந்த பெருக்கத்திற்கு மிகவும் உறுதுணையாக இருப்பது சிறுநீர்.

இந்த குழுவின் தலைவர் கூறுகையில் "எங்களுடைய ஆராய்ச்சியின் போது நுண்ணுயிரி எரிபொருள் செல்லின்(MFC) இயக்கத்திற்கு மனிதனின் சிறுநீர் சிறந்த எரிபொருளாக திகழ்கிறது. சிறுநீரின்

- தீவிரமான வேதிதன்மை

- யூரியாவில் இருக்கும் அதிகபடியான நைட்ரஜன் கலவைகள்

- குளோரைடு

- பொட்டசியம்

- பித்தச்செம்பசை

போன்ற பொருள்கள் நுண்ணுயிரி எரிபொருள் செல்லின்(MFC) இயக்கத்தினை மேம்பட வைக்கின்றன.

தற்போதுள்ள ஆராய்ச்சி நிலவரப்படி நுண்ணுயிரி எரிபொருள் செல் (MFC) கள் சிறுநீரைபயன்படுத்தி தயாரிக்கும் மின்சாரம் ஒரு சாம்சுங் போனை சிறிய அளவில் சார்ஜ் செய்யும்படி தான் உள்ளது. அதிகப்படியான மின்சாரம் கிடைக்கும்படி தொடர்ந்தது ஆய்வுகள் நடத்தப்பட்டு வருவாதாக தெரிகிறது.

மேலும் இதில் கிடைக்கும் மின்சாரத்தை கொண்டு சாம்சுங் போனில் SMS, இணைய உலாவுதல்(web browsing) , அழைப்புகள் (Calls) போன்ற முக்கிய வேலைகளை செய்ய முடியும் என்றும். அழைப்புகள் பண்ணும்போது அதிகளவு மின்சாரம் போனுக்கு தேவைபடுவதால் அடிக்கடி சார்ஜ் செய்யவேண்டி உள்ளதாக குழுவினர் தெரிவித்துள்ளனர். ஆகவே இந்த செயல்முறையை மேம்படுத்தி அதிகளவு மின்சாரம் தயாரிக்க தேவையான வழிமுறைகள் வகுக்கப்பட்டு வருவதாககவும் தெரிவித்தனர்.

வரும்காலங்களில் இந்த நுட்பம் குறிப்பாக கிராமப்புறங்களில் மின்சார வசதி இல்லாத இடங்களில் பெரிய அளவில் பயன்படுத்த வாய்ப்பிருப்பதாக தெரிகிறது.

எது எப்படியோ வருங்காலத்தில் நமக்கு வேண்டிய மின்சாரத்திற்கு அனலையோ,புனலையோ நம்பி இருக்க தேவை இல்லை, இதுபோன்ற புதிய நுட்பங்கள் நிச்சயம் கைகொடுக்கும்.

இத குழுவின் தலைவர் லீரோபௌலோஸ் (Ieropoulos) கூறுவது

by malik Fri Jul 19, 2013 9:32 am

அடடே.. அருமையான கண்டுபிடிப்பால இருக்கு..!! சூப்பருங்க

இனிமேலாவது ரோட்டு ஓரங்களிலும்.. பேருந்து நிலையங்களிலும்.. டிரன்ஸ்ஃபார்மர்க்கு கீழயும்.. இப்படி நினைத்த இடங்களில் அசுத்தம் செய்வது குறையுமா..?? என்ன?

அருமையான தகவல் டெக்லஸ் அண்ணே..!!

by ராஜு சரவணன் Fri Jul 19, 2013 9:51 am

சீனாவில் அத வச்சு முட்டைய வேகவைக்கிறான். இப்ப மின்சாரம் தயாரிக்க இங்கிலாந்துகாரன் ஐடியா பன்னுறான். இவங்க இப்படி செஞ்சு காசு பாக்குறதா நம்ம ஆளுங்க எதுவுமே செய்யாமல் நல்ல காசு பாக்குறாங்கோ.

சாதா கழிவறைக்கு 3 ருபாய் நல்ல கழிவறைக்கு 5.ருபாய்னு. மனிதனின் இயற்கை உபாதையை பணமாக மாற்றுகின்றனர்.

இனி இவங்க நம்மல ஏமாற்ற முடியாது. நங்க சுச்சா போவதற்கு நீங்க தான் காசு தரனும்.

இதெல்லாம் நடக்குமா புன்னகை