தி.மு.க., கோஷ்டி மோதலில் கத்தி குத்து

by **சிவா** Tue Feb 17, 2009 1:47 am

உசிலம்பட்டி : உசிலம்பட்டியில் நகர தி.மு.க.,
செயல்வீரர்கள் கூட்டம் முடிந்தவுடன் நடந்த கோஷ்டி மோதலில், இருவர்
கத்தியால் குத்தப்பட்டனர்; மேலும் பலர் காயமடைந்தனர். மதுரை, உசிலம்பட்டி
பசும்பொன் முத்துராமலிங்க தேவர் திருமண மண்டபத்தில் தி.மு.க., நகர் கழக
நிர்வாகிகளின் செயல்வீரர்கள் கூட்டம், அவைத் தலைவர் சொக்கலிங்கம்
தலைமையில் நடந்தது.

மாவட்ட செயலர்
மூர்த்தி பேசி முடித்து விட்டு காரில் புறப்பட்ட சிறிது நேரத்தில்,
முன்னாள் நகர் பொறுப்பாளர் சுதந்திரம் தரப்பினர்களுக்கும்,
தங்கமலைப்பாண்டி தரப்பினருக்கும் கோஷ்டி மோதல் ஏற்பட்டது. வரவேற்பிற்காக
நடப்பட்டிருந்த தி.மு.க., கொடிக்கம்பங்களை பிடுங்கி, ஒருவரை ஒருவர்
தாக்கிக் கொண்டனர். இதில், இரு தரப்பினருக்கும் காயம் ஏற்பட்டது.

தங்கமலைப்பாண்டியின்
சகோதரி மகன் பிரகாஷ்(28) கழுத்தில் கத்திக் குத்து விழுந்தது.
மோகன்ராஜ்(32) என்பவருக்கு இடது கையில் கத்திக் குத்து விழுந்தது.
சுதந்திரம் தரப்பைச் சேர்ந்த கருக்கட்டான்பட்டி சேகர், சங்குமாயன்
ஆகியோருக்கும் தலையில் காயம் ஏற்பட்டது. நான்கு பேரும் உசிலம்பட்டி அரசு
மருத்துவமனையில் சிகிச்சைக்காக சேர்க்கப்பட்டனர். பிரகாஷ் என்பவர், தீவிர
சிகிச்சைக்காக மதுரை அரசு மருத்துவமனைக்கு கொண்டு செல்லப்பட்டார்.

அரை மணி நேரம் கோஷ்டி மோதல் நீண்டு கொண்டிருந்தது. போலீசார் லேசான தடியடி நடத்தி, அமைதி ஏற்படுத்தி விசாரணை நடத்தி வருகின்றனர்.

by **சிவா** Tue Feb 17, 2009 1:54 am

தி.மு.க., கோஷ்டி மோதலில் கத்தி குத்து

தி.மு.க., கோஷ்டி மோதலில் கத்தி குத்து

Re: தி.மு.க., கோஷ்டி மோதலில் கத்தி குத்து