கண்ணன் வந்தான்!

by யாழ்மொழி Mon Jul 08, 2013 10:44 am

மலர் தூவி தினம்
பூஜித்தேன் - மனமி றங்கிக்
கண்ணன் வந்தான்!

மாயனின் அழகில் - எனை
முற்றும் மறந்தேன் - மனைவி
ராதையை ஏமாற்றிக்
கண்ணன் வந்தான்!

காதலன் அவனி னைவில்
கண் மூடினேன் - வண்ணக்
கனவுகள் சுமந்து கொண்டு
கண்ணன் வந்தான்!

கண்டதும் மெய் மறந்து
பிதற்றலானேன் - என் வாய்மொழி
அடைத்திடக் கண்ணன் வந்தான்!

அந்த மயக்கத்தில் - மங்கை
நான்த் தடுமாறினேன் - தங்க
மார்போ டணைத்திடக்
கண்ணன் வந்தான்!

விடியும் பொழுதெண்ணி
மனம் வாடினேன் - எனை
விலகிடக் கூடாதெனக்
கண்ணன் வந்தான்!

வீசிச் செல்லும்
வாடைக் காற்றும் - வெட்கத்தில்
வந்த வழி திரும்பிப் போக - பேதை
பொண்ணுடல் கலந்திருக்க
கண்ணன் வந்தான்!

கனவுகளும், கற்பனைகளும்
போதுமடி - இனி கண்ணே
நான் உன்னோடெனக்
கண்ணன் வந்தான்!

ராதை என்னடி?
ராதை என்றான்.
இந்தக் கோதையிடம்
தன்னைத் தந்தான்!

by ராஜு சரவணன் Mon Jul 08, 2013 11:17 am

அழகான கண்ணன் கவிதை அருமை புன்னகை

எனது விருப்பம் புன்னகை

by **ஜாஹீதாபானு** Mon Jul 08, 2013 12:11 pm

அருமையான கவி யாழ்

by **மதுமிதா** Mon Jul 08, 2013 12:22 pm

அருமை யாழ்

மிகவும் அருமையாக இருந்தது
பொதுவாக கண்ணன் என்றால் அனைவருக்கும் ஒரு மயக்கம் தான் ...

by யினியவன் Mon Jul 08, 2013 12:28 pm

கதைக்கு / கவிதைக்கு கண்ணன் ராதை விட்டு கோதையிடம் வந்தது வேணா நல்லாருக்கலாம் ஆனால் நிஜத்தில் அப்படி சொல்ல இயலாது / கூடாது.

கவிதை நன்று.

by **மதுமிதா** Mon Jul 08, 2013 12:34 pm

யினியவன் wrote:கதைக்கு / கவிதைக்கு கண்ணன் ராதை விட்டு கோதையிடம் வந்தது வேணா நல்லாருக்கலாம் ஆனால் நிஜத்தில் அப்படி சொல்ல இயலாது / கூடாது.

கவிதை நன்று.

ஆமாம் ஆமா ராமர்-சீதை தான் கரெக்ட்