பச்சை விளக்கு

by **Aathira** Sun Jul 07, 2013 1:14 pm

சாயம் போன
கறுப்பு வெள்ளைக் கனவுகளைக்
கண்டுகொண்டிருக்கின்றன
அவள்
சிவப்பு விழிகள்

கடிகாரத்தின்
அப்போது முடுக்கிய
பெண்டுலமாய்
அங்குமிங்கும் அலைகிறது
ஒவ்வொரு
வாகனத்தின் மீதும்
பஞ்சு படர்ந்த
அவள் பார்வை

குழந்தையின்
அணைப்பில் இருக்கும்
மரப்பாச்சியைப் போல
அவள் கையில்
உயிர் நிரப்பிய
குழந்தை

இலையுதிர்க் காலத்து
சருகளைப் போல்
பட்டுப்போன
அம்மா, அய்யா, அக்காக்களை
உதிர்க்கிறது
அந்த மனித மரத்தின்
உலர்ந்த இதழ்கள்

அருவருப்புப் பார்வைகளைத்
தாண்டி
‘சில்லைறை இல்லம்மா
போ போ’என்னும்
விரட்டியடிப்புகளைக்
கடந்து

தட்டின் சில்லறை ஓசை
காதில் விழுவதற்குள்
விழுந்து விடுகிறது
பச்சை விளக்கு
சிக்னலில்

by யினியவன் Sun Jul 07, 2013 1:43 pm

கவிதை நன்று

(இதை நீங்க ஆதரிக்கிறீங்களா?)

by **Aathira** Sun Jul 07, 2013 1:47 pm

யினியவன் wrote:கவிதை நன்று

(இதை நீங்க ஆதரிக்கிறீங்களா?)

கொஞ்சம் ஆதரிங்கப்பூ...

நெலமையைச் சொன்னேன். வலிகள்தான் பெரும்பாலும் கவிதையாகிறது..

by **Aathira** Sun Jul 07, 2013 1:48 pm

இது நான் அன்றாடம் சந்திக்கும் நிகழ்வு. கருத்தில் ஊறி ஊறி மிதந்து மேல் வருகிறது கவிதையாக.. வேறு என்ன செய்ய யினி?
நம்ம நாட்டுல சாதியையும் பிச்சையையும் ஒழிக்க முடியாதா?

by யினியவன் Sun Jul 07, 2013 1:53 pm

முடியாது என்று சொல்ல இயலாது ஆதிரா.

முடியாது என்று சொல்லி, நம்பி, செயலில் காட்டுவது தான் முடியாது போல் தோன்றுகிறது.

பிச்சயை ஒழிக்க நினைப்பது மட்டும் தீர்வாகாது, பிச்சை எடுக்கக் கூடாது என்ற எண்ணமும், உழைக்க நினைக்கும் எண்ணமும் வேண்டும் அவசியம் அவர்களிடம்.

by ராஜு சரவணன் Sun Jul 07, 2013 1:57 pm

பிச்சை போடுபவர்கள் இருக்கம் வரை பிச்சைகார்ர்கள இருக்க தான் செய்வார்கள்.[இந்த பெண்மணி போன்றோர்].

இதற்கு அதரவு தருவது உழைப்பை மதிக்காது அவர்கள் எடுக்கும் பிச்சையை அதரிப்பது போன்றதாகி விடும்.

by யினியவன் Sun Jul 07, 2013 2:00 pm

சாதியை ஒழிக்கத்தான் சாதியை மீறுபவனை ஒழிச்சிடறாங்களே!!!

by **Aathira** Sun Jul 07, 2013 2:08 pm

யினியவன் wrote:முடியாது என்று சொல்ல இயலாது ஆதிரா.

முடியாது என்று சொல்லி, நம்பி, செயலில் காட்டுவது தான் முடியாது போல் தோன்றுகிறது.

பிச்சயை ஒழிக்க நினைப்பது மட்டும் தீர்வாகாது, பிச்சை எடுக்கக் கூடாது என்ற எண்ணமும், உழைக்க நினைக்கும் எண்ணமும் வேண்டும் அவசியம் அவர்களிடம்.

அதெல்லாம் நடக்காதுங்கோ..
திருச்சியில் இருந்து வரும்போது ஒரு கண் தெரியாத பிச்சைக்காரி. சாப்பிட பத்து ரூபாய் கொடுங்கள் என்றுதான் பிச்சை கேட்டார். பக்கத்தின் இருந்த பெண் காலை உணவு வாங்கியிருந்தார். பிரிக்கக் கூட இல்லை. அதைக் கொடுத்தார். வாங்காமல் இதெல்லாம் வேண்டாம் என்று தட்டி விட்டுச் சென்றார். இதை அந்த இடத்திலிருந்த சுமார் 25 பேர் பார்த்தனர். இவர்கள் மனம் மாறுவதாவது. கூடாது

by யினியவன் Sun Jul 07, 2013 2:10 pm

Aathira wrote:
அதெல்லாம் நடக்காதுங்கோ..
திருச்சியில் இருந்து வரும்போது ஒரு கண் தெரியாத பிச்சைக்காரி. சாப்பிட பத்து ரூபாய் கொடுங்கள் என்றுதான் பிச்சை கேட்டார். பக்கத்தின் இருந்த பெண் காலை உணவு வாங்கியிருந்தார். பிரிக்கக் கூட இல்லை. அதைக் கொடுத்தார். வாங்காமல் இதெல்லாம் வேண்டாம் என்று தட்டி விட்டுச் சென்றார். இதை அந்த இடத்திலிருந்த சுமார் 25 பேர் பார்த்தனர். இவர்கள் மனம் மாறுவதாவது.

இதோ உங்களுக்கே தெரியுதுல்ல - இந்த கவிதை வேஸ்ட்டா போச்சே!!! புன்னகை

by **Aathira** Sun Jul 07, 2013 2:14 pm

யினியவன் wrote:
Aathira wrote:
அதெல்லாம் நடக்காதுங்கோ..
திருச்சியில் இருந்து வரும்போது ஒரு கண் தெரியாத பிச்சைக்காரி. சாப்பிட பத்து ரூபாய் கொடுங்கள் என்றுதான் பிச்சை கேட்டார். பக்கத்தின் இருந்த பெண் காலை உணவு வாங்கியிருந்தார். பிரிக்கக் கூட இல்லை. அதைக் கொடுத்தார். வாங்காமல் இதெல்லாம் வேண்டாம் என்று தட்டி விட்டுச் சென்றார். இதை அந்த இடத்திலிருந்த சுமார் 25 பேர் பார்த்தனர். இவர்கள் மனம் மாறுவதாவது.
இதோ உங்களுக்கே தெரியுதுல்ல - இந்த கவிதை வேஸ்ட்டா போச்சே!!!

சாதியைப் பற்றி ஒளவை சொன்னாள். திருவள்ளுவர் சொன்னார். ஆனா அதெல்லாம் நடக்கல்ல. அப்ப கவிதை வேஸ்டுன்னு சொல்வீங்களா?