கச்சத்தீவை மீட்க விரைவில் நடவடிக்கை: நாராயணசாமி

soplangi · soplangi Thu Jun 13, 2013 10:31 am

கச்சத்தீவை மீட்க விரைவில் நடவடிக்கை எடுக்கப்படும் என மத்திய இணையமைச்சர் நாராயணசாமி உறுதி கூறியுள்ளார். சென்னை திருநின்றவூரில் கல்லூரி விழாவில் பங்கேற்ற அமைச்சர் நாராயணசாமி செய்தியாளர்களுக்கு அளித்த பேட்டியில்,

“தமிழக- இலங்கை எல்லையில் தொடர்ந்து தமிழக மீனவர்கள் தாக்கப்படுவது தொடர்பாக இலங்கை அரசிடம் மத்திய அரசு ஆலோசனை நடத்தி வருவதாகவும், விரைவில் தமிழக- இலங்கை எல்லையில் இந்திய ராணுவக் கப்பல்கள் ரோந்து பணியில் ஈடுபடும்” என்றும் குறிப்பிட்டார்.

மேலும், “கச்சத்தீவை மீட்பது குறித்து பரிசீலனை செய்யப்பட்டு வருவதாகவும், விரைவில் இந்தியா- இலங்கைக்கு இடையேயான ஒப்பந்தம் மீறப்படாமல் கட்சத்தீவை மீட்பது குறித்து நடவடிக்கை எடுக்கப்படும்” என்றும் உறுதி கூறினார்.

இலங்கை அதிகாரிகளுக்கு தமிழகத்தில் ராணுவப் பயிற்சி அளிக்கப்பட்டு வருவது குறித்து செய்தியாளர்கள் கேள்வி எழுப்பியதற்கு, “இலங்கையில் ஆயிரக்கணக்கான இந்தியர்கள் பல்வேறு வியாபாரங்களை செய்து வருகின்றனர்.

அவர்களின் பாதுகாப்பு குறித்தும் மத்திய அரசு கவலைப்பட வேண்டியுள்ளது என்றும் இவை ஏதும் தெரியாமல் மத்திய அரசை மட்டும் குறை கூறி வருகின்றனர்” என்றும் நாராயணசாமி குற்றம்சாட்டினார்.

-- மாலைமலர்

கச்சத்தீவை மீட்க விரைவில் நடவடிக்கை எடுக்கப்படும் என மத்திய இணையமைச்சர் நாராயணசாமி உறுதி கூறியுள்ளார்.

சிரிப்பு