ராபர்ட் வதேரா நில ஊழல்: ஆவணங்களை தர பிரதமர் அலுவலகம் மறுப்பு ‘‘ரகசியம்’’ என்கிறது

by soplangi Thu Jun 13, 2013 11:22 am

சோனியா காந்தி மருமகன் ராபர்ட் வதேரா நிலபேர ஊழல் தொடர்பான வழக்கில் பிரதமர் அலுவலகம் தாக்கல் செய்த பிரமாண பத்திரம் தொடர்பான ஆவணங்களை, தகவல் பெறும் உரிமை சட்டத்தின் கீழ் தர பிரதமர் அலுவலகம் மறுத்து விட்டது.

நில பேர ஊழல்

காங்கிரஸ் தலைவர் சோனியா காந்தியின் மருமகனும், பிரியங்காவின் கணவருமான ராபர்ட் வதேரா, டி.எல்.எப். என்ற ரியல் எஸ்டேட் நிறுவனத்திடம் இருந்து மிகக்குறைந்த விலைக்கு நிலங்களை பெற்றதாக ‘ஆம் ஆத்மி‘ கட்சி தலைவர் அரவிந்த் கெஜ்ரிவால் குற்றம் சாட்டினார்.

இந்த சர்ச்சைக்குரிய நில பேரம் குறித்து விசாரணைக்கு உத்தரவிடக்கோரி, நுதன் தாக்குர் என்ற தகவல் பெறும் உரிமை சட்ட ஆர்வலர், அலகாபாத் ஐகோர்ட்டின் லக்னோ கிளையில் ரிட்மனு தாக்கல் செய்தார்.

அதற்கு பிரதமர் அலுவலகம் தாக்கல் செய்த பிரமாண பத்திரத்தில், ‘இந்த குற்றச்சாட்டுகள் பொய்யானவை, வதந்தி அடிப்படையிலானவை‘ என்று கூறப்பட்டு இருந்தது.

மேலும், மத்திய அரசு சார்பில் ஆஜரான கூடுதல் சொலிசிட்டர் ஜெனரல் மோகன் பராசரன், ‘இந்த மனு, பத்திரிகை செய்திகள் அடிப்படையில் தாக்கல் செய்யப்பட்டுள்ளது. இதை உண்மையாக கருத முடியாது‘ என்று கூறினார். இதையடுத்து, நுதன் தாக்குரின் மனுவை கோர்ட்டு தள்ளுபடி செய்தது.

தகவல் கோரி மனு

இந்நிலையில், மேற்கண்ட வழக்கில் பிரதமர் அலுவலகம் தாக்கல் செய்த பிரமாண பத்திரம் தொடர்பான ஆவணங்களை தனக்கு தருமாறு நுதன் தாக்குர், தகவல் பெறும் உரிமை சட்டத்தின் கீழ், மனுதாக்கல் செய்தார்.

அம்மனு, மத்திய தகவல் ஆணையத்தில் விசாரணைக்கு வந்தது. அப்போது, ‘அந்த விவகாரம் கோர்ட்டில் இருப்பதால், ஆவணங்களை தர முடியாது‘ என்று பிரதமர் அலுவலகம் கூறியது.

அதற்கு நுதன் தாக்குர், ‘ஆவணங்களை தரக்கூடாது என்று கோர்ட்டு உத்தரவிட்டால்தான், அவற்றை முடக்கி வைக்க முடியும்‘ என்று வாதிட்டார்.

ரகசியம்

இதையடுத்து, பிரதமர் அலுவலகம் மற்றொரு வாதத்தை முன்வைத்தது.

‘இந்த விவகாரம் ரகசியமானது என கருதுகிறோம். இதுபோன்ற ரகசியங்களை வெளியிட சுப்ரீம் கோர்ட்டு விலக்கு அளித்திருப்பதால், இந்த ஆவணங்களை பகிர்ந்து கொள்ள முடியாது‘ என்று கூறி, ஆவணங்களை அளிக்க மறுத்து விட்டது.

-- dina thanthi

by ராஜு சரவணன் Thu Jun 13, 2013 11:49 am

இதற்க்கு பெயர் தான் சட்டத்தின் ஓட்டை என்று சொல்வார்கள். வழக்கறிஞர் படிப்பு படிக்கும் மாணவர்களுக்கு இது நல்ல உபயோகமான விஷயம்

by **Muthumohamed** Thu Jun 13, 2013 8:47 pm

ராஜு சரவணன் wrote:இதற்க்கு பெயர் தான் சட்டத்தின் ஓட்டை என்று சொல்வார்கள். வழக்கறிஞர் படிப்பு படிக்கும் மாணவர்களுக்கு இது நல்ல உபயோகமான விஷயம்

இவங்க ஒட்டய நல்லா தெரிஞ்சு வெச்சுதான் பலரும் வெளியில் நடமாட உதவுகிறார்கள்

பணம் மனிதனை வென்று விடுகிறது

by Sponsored content

ராபர்ட் வதேரா நில ஊழல்: ஆவணங்களை தர பிரதமர் அலுவலகம் மறுப்பு ‘‘ரகசியம்’’ என்கிறது

ராபர்ட் வதேரா நில ஊழல்: ஆவணங்களை தர பிரதமர் அலுவலகம் மறுப்பு ‘‘ரகசியம்’’ என்கிறது

Re: ராபர்ட் வதேரா நில ஊழல்: ஆவணங்களை தர பிரதமர் அலுவலகம் மறுப்பு ‘‘ரகசியம்’’ என்கிறது

Re: ராபர்ட் வதேரா நில ஊழல்: ஆவணங்களை தர பிரதமர் அலுவலகம் மறுப்பு ‘‘ரகசியம்’’ என்கிறது

Re: ராபர்ட் வதேரா நில ஊழல்: ஆவணங்களை தர பிரதமர் அலுவலகம் மறுப்பு ‘‘ரகசியம்’’ என்கிறது