மீன் சாப்பிடும் குழந்தைகளுக்கு தோல் நோய் வராது: அமெரிக்க பத்திரிகை கட்டுரை

ராஜு சரவணன் · ராஜு சரவணன் Thu Jun 13, 2013 8:06 am

ஒரு வயதிற்குள் உள்ள குழந்தைகள் மீன் சாப்பிட்டால் பிற்காலத்தில் அலர்ஜி நோய்களுக்கு உள்ளாகமாட்டார்கள் என்பது விஞ்ஞானிகளின் புதிய கண்டுபிடிப்பாக உள்ளது.

குழந்தைகளின் உணவு முறைகளைக் கண்காணித்த விஞ்ஞானிகள் ஆரம்பகாலத்தில் மீன் சாப்பிட்ட குழந்தைகள் 12 வயதிற்கு மேல் அலர்ஜியினால் வரும் பிரச்சினைகள் எதுவுமின்றி இருந்ததைக் கண்டறிந்தனர். இத்தகைய குழந்தைகளுக்குத் தோல்நோய் வருவது 22 சதவிகிதமும், தூசியினால் வரும் சளிக்காய்ச்சல் 26 சதவிகிதமும் குறைந்திருந்தன.

அமெரிக்கப் பத்திரிகையான கிளினிகல் நியூட்ரிஷியனில் இது குறித்த கட்டுரை வெளியிடப்பட்டுள்ளது. அதில், மாதத்திற்கு இரண்டு அல்லது மூன்று முறை குழந்தைகளுக்கு மீன் கொடுத்தால், அவர்கள் அலர்ஜிப் பிரச்சினை இல்லாமல் இருப்பார்கள் என்று தெரிவிக்கப்பட்டுள்ளது. இங்கிலாந்தில் எட்டு பிள்ளைகளில் ஒருவர் தோல் நோயினால் பாதிக்கப்படுகின்றார்கள். உடம்பின் மேல் முழுவதும் வரும் சிவப்புத் திட்டுகள் அவர்களுக்கு எரிச்சலைக் கொடுக்கும். ஒரு சில மருந்துகளே இந்த நோயை முற்றிலும் குணப்படுத்தும் தன்மை கொண்டவையாக இருக்கின்றன.

சிலபேருக்கு நோயின் தீவிரம் காரணமாக, உடல் முழுவதும் துணிக்கட்டுகள் போடவேண்டியிருக்கும். தூசியினால் வரும் சளிக்காய்ச்சல்கள், ஐந்து பிள்ளைகளில் ஒருவருக்கு வருவதாகக் கூறப்படுகின்றது. இவை இரண்டுமே நாட்பட்ட நிலையில் ஆஸ்துமா நோயை வரவழைக்கக்கூடிய அபாயம் கொண்டவை ஆகும். மீன் உணவு கொடுப்பது நான்கு வயது வரை மட்டுமே பலனளிக்கும் என்று முந்தைய ஆராய்ச்சியின் முடிவு தெரிவித்துள்ளது. இருப்பினும், சுவீடன் நாட்டில் உள்ள கரோலின்ஸ்கா நிறுவனத்தின் வல்லுனர்கள், 3,285 குழந்தைகளை அவர்களின் 1,2,4,8 மற்றும் 12 வயதுகளில் ஆய்வு செய்தனர்.

இவர்களில் 80 சதவிகிதம் பிள்ளைகள் குறைந்தது மாதம் இரண்டு முறை மீன் உட்கொள்பவர்களாக இருந்தார்கள். மற்றவர்களைவிட இவர்களின் ஆரோக்கியத்தில் தெரிந்த வளர்ச்சி, உணவுப் பழக்கங்களில் மீன் ஒரு முக்கிய இடத்தைப் பிடிக்கின்றது என்பதை உணர்த்தியது.

நன்றி - தமிழ் சிறகுகள்

யினியவன் · யினியவன் Thu Jun 13, 2013 9:42 am

மீனோட குழந்தைகள்ன்னு தலைப்பு சொல்லுது - மாத்துங்க ராஜூ புன்னகை

சதாசிவம் · சதாசிவம் Thu Jun 13, 2013 10:27 am

யினியவன் wrote:மீனோட குழந்தைகள்ன்னு தலைப்பு சொல்லுது - மாத்துங்க ராஜூ

தலைப்பை திருத்தி விட்டேன் இனியவன், படித்தவுடன் எனக்கும் அப்படித் தான் தோன்றியது.

யினியவன் · யினியவன் Thu Jun 13, 2013 10:29 am

சதாசிவம் wrote:தலைப்பை திருத்தி விட்டேன் இனியவன், படித்தவுடன் எனக்கும் அப்படித் தான் தோன்றியது.

நன்றி சதாசிவம்.

ராஜு சரவணன் · ராஜு சரவணன் Thu Jun 13, 2013 10:53 am

சதாசிவம் wrote:
யினியவன் wrote:மீனோட குழந்தைகள்ன்னு தலைப்பு சொல்லுது - மாத்துங்க ராஜூ
தலைப்பை திருத்தி விட்டேன் இனியவன், படித்தவுடன் எனக்கும் அப்படித் தான் தோன்றியது.

தவறுக்கு வருந்துகிறேன். மாற்றியதற்கு நன்றி புன்னகை

**அருண்** · **அருண்** Thu Jun 13, 2013 11:15 am

இன்று மருத்துவர்கள் பொதுவாக கூறுவதும் இது தான்.
மட்டன் சிக்கன் சாப்பிடுவதற்கு பதிலா மீன் சாப்பிடுங்கள் என்று

தகவலுக்கு நன்றி ராஜு.!

**உமா** · **உமா** Thu Jun 13, 2013 12:06 pm

ஆனால் ஸ்கின் அலர்ஜி இருந்தால் மீன் கத்தரிக்காய் முருங்கக்காய் போன்றவைகளை சாப்பிட வேண்டாம் என்றும் சில மருத்துவர்கள் சொல்கிறார்களே...என்னதான் செய்வதோ அழுகை

**பார்த்திபன்** · 24/07/2011

உமா wrote:ஆனால் ஸ்கின் அலர்ஜி இருந்தால் மீன் கத்தரிக்காய் முருங்கக்காய் போன்றவைகளை சாப்பிட வேண்டாம் என்றும் சில மருத்துவர்கள் சொல்கிறார்களே...என்னதான் செய்வதோ

தோல் அலர்ஜி உள்ளவர்கள் கத்திரிக்காய், மீன், முருங்கைக்காய் போன்றவைகளைச் சாப்பிடலாம். அப்படிச் சாப்பிடும்போது அலர்ஜியானது அதிகமாவதுபோல் தோன்றினால் மட்டும் அவைகளைத் தவிர்க்கலாம்.

**உமா** · **உமா** Thu Jun 13, 2013 1:03 pm

பார்த்திபன் wrote:
உமா wrote:ஆனால் ஸ்கின் அலர்ஜி இருந்தால் மீன் கத்தரிக்காய் முருங்கக்காய் போன்றவைகளை சாப்பிட வேண்டாம் என்றும் சில மருத்துவர்கள் சொல்கிறார்களே...என்னதான் செய்வதோ

தோல் அலர்ஜி உள்ளவர்கள் கத்திரிக்காய், மீன், முருங்கைக்காய் போன்றவைகளைச் சாப்பிடலாம். அப்படிச் சாப்பிடும்போது அலர்ஜியானது அதிகமாவதுபோல் தோன்றினால் மட்டும் அவைகளைத் தவிர்க்கலாம்.

அப்படியா....