குடிமகன்களை மிரட்டும் போதை குரங்கால் பதற்றம்

கர்நாடக மாநிலம், ரெய்ச்சூர் மாநகரின் மந்திராலயா சாலையில் அஜீஜ் என்பவருக்கு சொந்தமான மதுபான கடை உள்ளது. கடைக்கு தினமும் வரும் குரங்கு ஒன்று, குடிமகன்கள் குடித்தபின் டம்ளரில் மிச்சம் இருக்கும் மதுவை குடித்தும், சுண்டல் உள்பட தொடு உணவுகளை சாப்பிட்டும் கொழுத்தது. இதை கடை உரிமையாளர் பெரிதாக எடுத்துக்கொள்ளவில்லை. மாறாக அனைவரும் ரசித்தனர். நாளடைவில் மதுக்கடைக்கு அழையாத வாடிக்கையாளராக குரங்கு மாறிவிட்டது. சில மாதங்கள் குடிமகன்கள் குடித்து மிச்சம் வைத்த மதுவை குடித்து வந்த குரங்கு, தனக்கு பாட்டிலில் இருந்து நேரடியாக மதுவை தர வேண்டும் என்று உரிமையாளரிடம் அடம்பிடித்தது. நேரடியாக கல்லாவுக்கு செல்லும் போதை குரங்கு உரிமையாளரிடம் சைகையால் மது கேட்க தொடங்கியது.

குரங்கின் பிடிவாதத்தை தாக்கு பிடிக்க முடியாமல் கடைக்காரரும் மதுபாட்டிலை கொடுப்பார். அதை வாங்கும் குரங்கு மடமடவென ஒரே ‘கல்ப்பில்’ போதை ஏற்றிக்கொண்டு இடத்தை காலி செய்யும்.சில மாதங்களாக மது குடிப்பதை வழக்கமாக்கி கொண்ட குரங்கு, தினமும் காலையில் குடிமகன்களுக்கு சமமாக கடை திறக்கும் வரை கடை முன்பு காத்திருக்கிறது. பின்னர் கடைக்காரர் கொடுக்கும் மதுவை குடிக்கும். போதை ஏறவில்லை என்றால் குடிமகன்களின் மேஜைக்கு சென்று, அவர்களிடம் பங்கு கேட்கும். குடிமகன்கள் பயன்படுத்தி வீசி எறியும் பிளாஸ்டிக் யூஸ் அண்ட் த்ரோ கிளாசை கையில் கொண்டுவரும் குரங்கு, ஒவ்வொரு மேஜையாக சென்று மது குடித்து கொண்டிருப்பவர்கள் முன் நீட்டும். அவர்கள் கிளாசில் மது ஊற்றினால், அதை குடித்த பின், அவர்கள் வைத்துள்ள சுண்டலை எடுத்து சாப்பிடும். மது கொடுக்காதவர்களை கோபத்துடன் முறைக்கும். பயந்துபோய், குடிமகன் கள் குரங்கிற்கு மது கொடுக்கிறார்கள். சமீப காலமாக பான்பராக் உள்பட போதை பொருட்களை சாப்பிடும் வழக்கத்தையும் அது ஏற்படுத்தி கொண்டுள்ளது.

-- தினகரன்

அட குரங்கையும் அரசு குடிகாரன் அக்கி விட்டதே !!!!!!!!!!!!!!!சபாஷ்

விசித்திரம்!

நல்ல வேளை ஒரு குரங்கு மட்டும் இவ்வாறு கிளம்பியுள்ளது, அனைத்துக் குரங்குகளும் குடிபோதைக்கு அடிமையாகிவிட்டால் குடிமகன்கள் கதி அதோகதிதான்!

தனக்கு பாட்டிலில் இருந்து நேரடியாக மதுவை தர வேண்டும் என்று உரிமையாளரிடம் அடம்பிடித்தது. நேரடியாக கல்லாவுக்கு செல்லும் போதை குரங்கு உரிமையாளரிடம் சைகையால் மது கேட்க தொடங்கியது

இடத்தை குடுத்தா மடத்தை கேக்குது

அய்யய்யோ.............. இது என்ன கூத்து ?