வல்லபாய் படேலுக்கு 392 அடி உயர சிலை : விவசாயிகளிடம் இரும்பு சேகரிக்கிறார் மோடி

soplangi · soplangi Wed 12 Jun 2013 - 13:50

"இந்தியாவின் இரும்பு மனிதர்' என, அழைக்கப்பட்ட, சர்தார் வல்லபாய் படேல் சிலை அமைக்க, விவசாயிகளிடம் இருந்து, இரும்பு சேகரிக்க திட்டமிட்டுள்ளார் குஜராத் முதல்வர் நரேந்திர மோடி.

பிரசார இயக்கம்:வரும், அக்டோபர், 31ம் தேதி, சர்தார் வல்லபாய் படேல் பிறந்த தினம் கொண்டாடப்படுகிறது. இரும்பு மனிதர் என, அழைக்கப்பட்ட படேலுக்கு, நர்மதா நதியின் மீது கட்டப்பட்டுள்ள, சர்தார் சரோவர் அணைக்கு எதிரே, 182 மீட்டர் (392 அடி) உயர சிலை அமைக்க, குஜராத் முதல்வர், நரேந்திர மோடி தலைமையிலான, பா.ஜ., அரசு திட்டமிட்டுள்ளது."ஒற்றுமை சிலை' என, அழைக்கப்படும், இந்த சிலை, முற்றிலும் இரும்பால் அமைக்கப்பட உள்ளது. இதற்காக, நாடு முழுவதும் உள்ள விவசாயிகளிடம் இருந்து, சிறு சிறு துண்டுகளாக, இரும்பு சேகரிக்க, முதல்வர், நரேந்திர மோடி திட்டமிட்டுள்ளார். சர்தார் வல்லபாய் படேல், பிறந்த தினத்தன்று, இரும்பு சேகரிக்கும், நாடு தழுவிய பிரசார இயக்கம் துவக்கப்படும்.

மாற்றியவர்:குஜராத் மாநிலம், காந்தி நகரில், நேற்று நடைபெற்ற நிகழ்ச்சியில் பேசிய, முதல்வர் மோடி இதைத் தெரிவித்தார்.அவர் மேலும் கூறியதாவது:இந்தியாவை ஒன்றுபட்ட நாடாக மாற்றியவர், சர்தார் வல்லபாய் படேல். ஆனால், படிப்படியாக அவரைப் பற்றிய நினைவுகள் மறைந்து விட்டன. இரும்பு மனிதரான அவரை, நினைவுகூறும் வகையில், பிரமாண்டமான சிலை அமைக்கப்பட உள்ளது. அமெரிக்காவின் நியூயார்க் நகரில் உள்ள சுதந்திர தேவி சிலையை விட, இரண்டு மடங்கு உயரம் கொண்டதாக, வல்லபாய் படேல் சிலை அமையும்.சுதந்திர போராட்டத்தில், விவசாயிகள் ஈடுபட காரணமாக இருந்தவர் படேல். அதனால், விவசாயிகளிடம் இருந்து, சிறு சிறு துண்டுகளாக இரும்பு சேகரித்து, அவரது சிலை அமைக்க பயன்படுத்தப்படும்.இவ்வாறு முதல்வர் மோடி கூறினார்

-- தினமலர்