அகலின் குறுங்கவிதைகள் பாகம் 17

அம்மா

விறகடுப்பில்
விறகோடு சேர்ந்து
அவள் நுரையீரலும்
வெந்து கொண்டிருப்பதைப்
பொருட்படுத்தாமல்

"கொஞ்சநேரம்
பொறுத்துக்க சாமி
சோறு வெந்துரும்"

என்று சொல்லிக்கொண்டே
அடுப்பை
ஊதிக்கொண்டிருக்கிறாள்
அம்மா !

புரிதல்

நான்
அருகிலிருந்தே
சொல்லிக்கொடுத்தும்
உனக்கு
பாடம் புரியவில்லை
என்கிறாய்

நீ அருகிலிருந்து
சொல்லிக்கொடுத்தால்
எப்படிப் புரியும் ?

முடிவுகள்

அந்த பறவை,
குஞ்சுகளைக் காப்பாற்ற
கூடுகட்டி முடித்தநேரம்

ஆணிவேரை
வெட்டி முடித்தான்
கோடாரிக்காரன் !

விழிகள்

பல ஆயிரம்
டெரா பைட்
தகவல்கள்

உன்
விஞ்ஞான
விழிகளுக்குள் !

தூது

நீ மொட்டைமாடியில்
காயவைத்த தாவணியை
அந்த காற்று எதற்காக
என் காலடியில்
கொண்டுவந்து போட்டது ?

முரண்

காலையில்
நெல்லைத் தின்றதற்காக
கல்லைவிட்டு அடிக்கப்பட்ட
காகங்கள்

மாலையில்
பலகாரம் படைத்து
கூரையில்
போட்டபோது

தாத்தாவாக மாறி
வரவில்லை !

வேடிக்கை

பல
வண்ணப்
பூக்களுக்கிடையே
ஒரு பளிங்குக் கல்மீது
தலைவைத்து
துயில் கொள்கிறாய்
நீ...

வீசுவதை
நிறுத்திவிட்டு
வேடிக்கை பார்த்துக்
கொண்டிருக்கிறது
காற்று !

இறப்பும் சிரிப்பும்

உனது விரல்
நகங்களின் நுனியில்
உயிர்விட்ட சுகத்தில்
வானத்தைப் பார்த்து
சிரித்துக் கொண்டிருக்கிறது

உனது
பூக்கூடையில்
பூக்கள் !

உரையாடல்

அந்தப் பூக்களோடு
நீயும்
உன்னோடு
அந்தப் பூக்களும்
ஏதோ
உரையாடிக்
கொண்டிருக்கிறீர்கள்

அதை
மூன்றாம்
மாடியில் இருந்து
பார்த்துக் கொண்டிருக்கும்
எனது செவிகள்வரை
அந்த காற்று கொண்டுவந்து
சேர்க்கவில்லை !

Original Source : http://kakkaisirakinile.blogspot.in/2013/06/17.html

அன்புடன்,
அகல்

குறுங்கவிதைகள் நன்று அகல் - 17 பாகம் வந்துடுச்சா? தொடருங்கள்

அம்மாவை புரிந்தது என எடுத்த முடிவு அவள் விழிகள் விட்ட தூதில் முரண் என கண்டு வேடிக்கையாய் விடுவதா என நினைத்த எண்ணம் இறக்க சிரிப்பு வந்ததும் அறிந்தேன் அவளோடு உரையாடி அவளை புரிந்து கொள்வதே சிறப்பென.

(உங்க தலைப்புகளை தழுவி எங்க கப்சா)

வேடிக்கை

பல
வண்ணப்
பூக்களுக்கிடையே
ஒரு பளிங்குக் கல்மீது
தலைவைத்து
துயில் கொள்கிறாய்
நீ...

வீசுவதை
நிறுத்திவிட்டு
வேடிக்கை பார்த்துக்
கொண்டிருக்கிறது
காற்று !

அருமை அகல்

யினியவன் wrote:குறுங்கவிதைகள் நன்று அகல் - 17 பாகம் வந்துடுச்சா? தொடருங்கள்

அம்மாவை புரிந்தது என எடுத்த முடிவு அவள் விழிகள் விட்ட தூதில் முரண் என கண்டு வேடிக்கையாய் விடுவதா என நினைத்த எண்ணம் இறக்க சிரிப்பு வந்ததும் அறிந்தேன் அவளோடு உரையாடி அவளை புரிந்து கொள்வதே சிறப்பென.

(உங்க தலைப்புகளை தழுவி எங்க கப்சா)

ஹா ஹா அண்ணே சூப்பர் போங்க

நீ மொட்டைமாடியில்
காயவைத்த தாவணியை
அந்த காற்று எதற்காக
என் காலடியில்
கொண்டுவந்து போட்டது ?

தாவணி விடு தூது அருமை

பூவன் wrote:

நீ மொட்டைமாடியில்
காயவைத்த தாவணியை
அந்த காற்று எதற்காக
என் காலடியில்
கொண்டுவந்து போட்டது ?

தாவணி விடு தூது அருமை

அது இல்ல பூவன் ஜீன்ஸ் வாங்கித்தர உணர்த்த

யினியவன் wrote:

பூவன் wrote:

நீ மொட்டைமாடியில்
காயவைத்த தாவணியை
அந்த காற்று எதற்காக
என் காலடியில்
கொண்டுவந்து போட்டது ?

தாவணி விடு தூது அருமை

அது இல்ல பூவன் ஜீன்ஸ் வாங்கித்தர உணர்த்த

ஜீன்ஸ் வாங்கவா இல்லை லெக்கிங்க் வாங்கவா

நாலு வரியா எழுதிப்போட்டுட்டு நாங்க பட்ற பாடு இருக்கே.. ஐயயையோயோயோயோ ....

பூவன் wrote:

வேடிக்கை

பல
வண்ணப்
பூக்களுக்கிடையே
ஒரு பளிங்குக் கல்மீது
தலைவைத்து
துயில் கொள்கிறாய்
நீ...

வீசுவதை
நிறுத்திவிட்டு
வேடிக்கை பார்த்துக்
கொண்டிருக்கிறது
காற்று !

அருமை அகல்

நன்றிகள் பூவன்

அகல் wrote:நாலு வரியா எழுதிப்போட்டுட்டு நாங்க பட்ற பாடு இருக்கே.. ஐயயையோயோயோயோ ....

ஆமாம் ஆமாம் எது வாங்க அப்படின்னு சொல்லவில்லையே