ஐயய்யோ அதை விட்டுட்டேனா!

மீனு · மீனு Fri Oct 23, 2009 1:16 pm

சீனு ஒரு மொடாக் குடியன்.

குடியால் பாதிக்கப்பட்டு ஆஸ்பத்திரியில் அனுமதிக்கப்பட்டு தெய்வாதீனமாகப் பிழைத்தவன். இருந்தாலும் குடி அவனை விடவில்லை.

மனைவி இல்லாத போதெல்லாம் கொஞ்சம் போடுவான். ஆனால் அது நைண்டிக்கு மேல் போகாது. போனால் மாட்டிக்கொள்வான்.

அன்று அவனுக்கு ஒரு அரிய வாய்ப்பு. அவன் மனைவி ஒரு கல்யாண ரிசப்ஷனுக்குப் போய் விட்டாள். காலைதான் வருவாள்.

சீனு சாயங்காலம் வீட்டுக்குப் பக்கத்திலிருந்த பாருக்குப் போனான். கண் மண் தெரியாமல் குடித்தான்.

முடித்ததும் எழுந்தான்.

நிற்கவே முடியவில்லை.

‘ச்சே.. என்ன ஆச்சு நமக்கு… ரெண்டு குவார்டர் போட்டாலும் ஸ்டெடியாக இருப்போமே… சரி, டச் விட்டுப் போனதால்தான் பிரச்சினை’ என்று எப்படியோ நின்று நடந்து விழுந்து வெளியே வந்து விட்டான். ராத்திரி நெடு நேரமானதால் ரோட்டில் யாருமில்லை. தவழ்ந்து தவழ்ந்தே வீட்டுக்கு வந்து விட்டான். எப்படியோ கதவைத் திறந்து கொண்டு வீட்டுக்கும் வந்து விட்டான். போய்ப் படுத்தவன் எப்போது தூங்கினான் என்றே தெரியாமல் குறட்டை விட்டுத் தூங்கியும் போனான்.

காலையில் இன்னசென்ட்டாக எழுந்து படுக்கையில் உட்கார்ந்தவனை செவிட்டில் அறைந்த மாதிரி மனைவி கேட்டாள் ;

“என்ன, மறுபடி ஆரம்பிச்சாச்சா?”

சீனுவுக்கு ஆச்சரியம் தாங்கவில்லை.

“எப்படி கண்டுபிடிச்சே?”

“மண்ணாங்கட்டி. பார்லேர்ந்து உங்க வீல் சேரை இப்பதான் குடுத்துட்டுப் போறாங்க”