கொட்டும் மழையில் கர்ப்பிணி மனைவியை கையில் ஏந்தி 40 கி.மீ ஓடி வந்த கணவர்

by **சிவா** Mon Jun 10, 2013 5:12 pm

பத்தனம்திட்டா: கேரளாவில் கொட்டும் மழையில் வனப்பகுதியில் கர்ப்பிணி மனைவிக்கு உடல் நல பாதிப்பு ஏற்பட்டதால், அவரை கிட்டத்தட்ட 40 கிலோமீட்டர் தூரத்திற்கு தூக்கியபடி ஓடி வந்த கணவர் அவரை மருத்துவமனையில் சேர்த்த செயல் அனைவரையும் பதற வைத்துள்ளது.

பத்தனம்திட்டா மாவட்டம் கொன்னிமலை வனப்பகுதியில் வசிப்பவர் ஐயப்பன். இவரது மனைவி 7 மாத கர்ப்பமாக இருந்தார். இவருக்கு திடீரென கை, கால்கள் வீக்கம் கண்டன.

உடனடியாக அவரை மருத்துவமனையில் சேர்த்தாக வேண்டிய நிலை.ஆனால் மருத்துவமனைக்கு பத்தனம்திட்டாதான் வர வேண்டும். அது மலைப் பகுதியிலிருந்து 40 கிலோமீட்டர் தொலைவில் உள்ளது. வாகன வசதியும் கிடையாது.

இதையடுத்து தனது மனைவியை தூக்கிக் கொண்டு மலையிலிருந்து வேகமாகஇறங்கத் தொடங்கினார் ஐயப்பன். மழை வேறு பலமாக பெய்து கொண்டிருந்தது. இருப்பினும் தனது மனைவியைக் காப்பாற்றியே ஆகவேண்டும் என்ற வேகத்தில் அதைப் பொருட்படுத்தாமல் வேகமாக மலையிறங்கினார் ஐயப்பன். கிட்டத்தட்ட 10மணிநேரம் பயணம் செய்து மனைவியை பத்தனம்திட்டா மருத்துவமனைக்குக் கொண்டு வந்தார்.

இதையடுத்து ஐயப்பனின் மனைவிக்கு உடனடியாக டாக்டர்கள் அறுவைச் சிகிச்சை செய்தனர். ஆனால் குழந்தை இறந்து விட்டது. ஐயப்பனின் மனைவி மட்டும் உயிர் பிழைத்தார்.

மருத்துவமனையில் தற்போது தொடர் சிகிச்சை பெற்று வரும் அவரது நிலை அறிந்தும், ஐயப்பனின் இந்த பாசச் செயல் குறித்தும் அறிந்தும் பலரும மருத்துவமனைக்கு வந்து ஐயப்பனைப் பாராட்டினார். அவருக்கு நிதியுதவிகளும் குவிந்து வருகின்றன.

தட்ஸ்தமிழ்!

by **உமா** Mon Jun 10, 2013 5:17 pm

நல்ல மனிதர்.....
நிச்சயம் நல்லதே நடக்கவேண்டும் அவருக்கு....

by யினியவன் Mon Jun 10, 2013 5:22 pm

அவரின் அன்பு ஆச்சரியப் பட வைக்கிறது.

ஏதோ படம் பார்த்த ஞாபகம் வருது - இவர் நிஜ ஹீரோ தான்.

கேரளாவில் இந்த அளவுக்கா வாகன வசதி இல்லாம போச்சு?

by **krishnaamma** Mon Jun 10, 2013 7:04 pm

பாவம் .....நல்ல மனுஷன் சோகம்

அவர் அவ்வளவு கஷ்டப்பட்டதுக்கு அந்த குழந்தையும் பிழைத்திருக்கலாம் .......ச்சு.. விதி யாரை விட்டது ? சோகம்

by **ராஜா** Mon Jun 10, 2013 7:12 pm

மராத்தான் வீரரை விட இவர் தான் சிறந்தவர் , சூப்பருங்க

இவர் நினைவாக ஆண்டு தோறும் கேரளா அரசாங்கம் ஐயப்பன் ஓட்டபந்தயம் என்று நடத்தலாம்.

by **சிவா** Mon Jun 10, 2013 7:17 pm

இவர் மனைவி வெயிட் இல்லாமல் இருந்ததால் எளிதாக தூக்கிவந்து விட்டார், ஒருவேளை ஆதிரா அக்கா போல் இருந்திருந்தால் இவர் நிலைமை என்ன ஆகியிருக்கும். சோகம்

by **ராஜா** Mon Jun 10, 2013 7:22 pm

நான் , பாலாகார்த்திக் எல்லாம் தனியா ஓடுவதே பிரச்சினை இதுல தூக்கிட்டு வேற ஓடனும்னா அவ்வளவு தான் புன்னகை

by **சிவா** Mon Jun 10, 2013 7:24 pm

ராஜா wrote:நான் , பாலாகார்த்திக் எல்லாம் தனியா ஓடுவதே பிரச்சினை இதுல தூக்கிட்டு வேற ஓடனும்னா அவ்வளவு தான்

யாரையும் கூட்டிக்கொண்டு ஓடுவதானால் முடியுமா? (துணைக்கு)

by **ராஜா** Mon Jun 10, 2013 7:26 pm

சிவா wrote:
ராஜா wrote:நான் , பாலாகார்த்திக் எல்லாம் தனியா ஓடுவதே பிரச்சினை இதுல தூக்கிட்டு வேற ஓடனும்னா அவ்வளவு தான்
யாரையும் கூட்டிக்கொண்டு ஓடுவதானால் முடியுமா? (துணைக்கு)

அது கூட வரும் இளம்பெண்ணை பொறுத்தது , (நம்ம நாட்டமை பாலாஜி வந்தா பிரச்சினை தான் எங்கேயாவது சரக்கு காய்ச்சுற இடம் வந்தா நின்னுடுவாரு)