என் தாயார் சொல்லிய நம்ப முடியாத கதை:

இணையத் தளத்தில்] பார்த்தது

என் தாயார் சொல்லிய நம்ப முடியாத கதை:

ஒரு ஊரிலே ஒரு கொசு இருந்ததாம்
அதன் வாயிலே ஆயிரம் பல் இருந்ததாம்
ஒரு ஒரு பல் நடுவிலும் ஆயிரம் கீரைப்பாத்தி இருந்ததாம்
ஒரு ஒரு கீரை பாத்தியிலும் ஆயிரம் கீரை இருந்ததாம்
ஒரு ஒரு கீரைக்கும் ஆயிரம் விதை இருந்ததாம்
அதிலே ஒரு விதை மட்டும் சொத்தையாம்
அந்த சொத்தை விதையிலே ஒரு சின்ன சிகப்பு எறும்பு இருந்ததாம்
அந்த எறும்பின் சின்ன வாயிலே மதுரையைப்போல் ஆயிரம் மடங்கு பெரிய பட்டணம் இருந்ததாம்
பட்டணத்தின் பெயர் மதுராபுரியாம்
அதை ஆண்ட ராஜா பெயர் மதுராந்தகனாம்
ராஜாவுக்கு தலை கிடையாதாம்
ராணிக்கு மூக்கு கிடையாதாம்
மந்திரிக்கு கை கிடையாதாம்
சேவகனுக்கு கால் கிடையாதாம்

ஒருநாள் மூக்கு இல்லாத ராணி
அடி இல்லாத குடத்தை எடுத்துக் கொண்டு
ப்டி இல்லாத குளத்துக்குப் போனாளாம்
அங்கு ஒரு வாயில்லாத மான்
வேரில்லாத புல்லை மேய்ந்து கொண்டிருந்ததாம்
மூக்கு இல்லாத ராணி அதைக் கண்டு அதை கொல்ல வேண்டுமென ஆணை இட்டாளாம்
உடனே கால் இல்லாத சேவகன், கை இல்லாத மந்திரியை தூக்கிக் கொண்டு
படி இல்லாத குளத்தருகே ஓடி வந்தானாம்
கை இல்லாத மந்திரி துப்பாக்கி கொண்டு
வாயில்லாத மானை சுட்டானாம்

ஆனால் மானுக்கு ஒன்றும் ஆகாத போதும்,
அதன் வயிற்றில் இருந்த குட்டு மட்டும் செத்து போய் விட்டதாம்

அதைக் கண்டு மூக்கு இல்லாத ராணி மூக்கால் அழுது கொண்டே
மானைத்தானே கொல்ல சொன்னேன்.. குட்டியை கொன்று விட்டீர்களே என கூறி
குட்டியை உயிரோடு பிழைப்பிக்க வேண்டும் என ஆணை இட்டாளாம்

உடனே அதை யார் செய்ய முடியும் என ஆராய்ந்ததில்
கண்ணாடி மூடி சம்படத்திலே
சம்படமூடி தாலுகாவிலே
ஒரு தலை கீழ் வைத்தியன் இருப்பது தெரிந்ததாம்

தலை இல்லாத ராஜாவின் கட்டளையில்
அந்த தலை கீழ் வைத்தியனை வரவழைத்தார்களாம்

அந்த தலை கீழ் வைத்திய்ன்
குல்லாவை குதிரையாக்வும்
குதிரையை குல்லாவாகவும்
தொப்பியை செருப்பாகவும்
செருப்பை தொப்பியாகவும் அணிந்து வந்து
தலை இல்லாத ராஜாவுக்கு
குட்டி கரணம் போட்டு வணக்கம் சொல்லி
என்ன விஷயம் என அறிந்து சொன்ன வைத்தியம்

:"செக்கு கிறுகிறுப்பு:"
"சந்தை இரைச்சல்"
"அம்மிக் கொழுந்து"
"ஆகாச வேர்"
இவை நாலையும்
அடி இல்லாத பானையிலிட்டு
அந்தரத்தில் இருக்கும் அடுப்பில் ஏற்றி
அரைப் ப்டி தண்ணீர் ஊற்றி
அதை ஐந்து படி த்ண்ணீராய் காய்ச்சி
கை இல்லாத மந்திரியின்
உள்ளம் கையில் ஊற்றி
புறங்கையைப் பார்த்து
முழங்கையை நக்கினால்
குட்டி உயிருடன் வந்து விடும் என்றானாம்

தலை இல்லாத ராஜா, மூளையை உபயோகித்து
என் மந்திரிக்கு கை கிடையாதே
எப்படி உள்ளங்கையில் இதை ஊற்ற முடியும் எனக் கேட்டானாம்.

அந்த தலை கீழ் வைத்தியன் சொன்னானாம்
"நல்ல கேள்வி; போனால் போகிறது
இந்த கதையா யார் கேட்கிறார்களோ
அல்லது படிக்கிறார்களோ
அவர்கள் தங்கள் முழங்கையை நாவால் நக்கினாலும்
குட்டி உயிரோடு வரும்" என்றானாம்

இது வரை யாராலும் அவ்வாறு
முழங்கையை நக்க முடியாததால்
குட்டி இன்னும் உயிருடன் வராத நிலையில்
எங்கே உனது முழங்கையை நக்கு பார்ப்போம்
அப்போதாவது குட்டி உயிருடன் வரட்டும்

அப்பாடா தலையே சுற்றி விட்டது ...

நல்லா இருக்கே இந்த கதை வி.போ.பா.

போன தலைவலி திரும்ப வந்துருச்சு

நன்றிகள் கருத்திட்ட எல்லோருக்கும்