எப்படி ரியாக்ட் பண்ணுவாங்க?

by மீனு Fri Oct 23, 2009 1:03 pm

தன் வீட்டு அழைப்பு மணியை அழுத்தி விட்டு அவன் காத்திருந்தான்.

கதவு திறக்கப்படுகிற சத்தம் கேட்டதும் தொப்பியை இறக்கி முகத்தை மறைத்துக் கொண்டான். தலையைக் குனிந்து கொண்டான். பர்சிலிருந்து ஐந்நூறு ரூபாய் நோட்டை எடுத்து தயாராக வைத்துக் கொண்டான்.

கதவு திறந்தது.

“இந்தாங்க ஐந்நூறு ரூபா. ராத்திரி உங்களோட ஜாலியா இருக்கலாமா?” என்றான் குரலை மாற்றி.

அவன் சட்டைக் காலரை கொத்தாகப் பிடித்து இழுத்து சுவற்றில் இடித்தாள்.

“ஏண்டா…” என்று அவள் ஆரம்பித்ததும்

“ஐயய்யோ… ரீனி…. நான்தான். அவமானமான சூழ்நிலைலே குடும்பப் பெண்கள் எப்படி ரியாக்ட் பண்றாங்கன்னு ஒரு ரிசர்ச் பண்றேன். அதுக்கு டேட்டா கலெக்ட் பண்ணிக்கிட்டு இருக்கேன்” என்று அலறினான்.

“சாரிங்க, ரேட்டைக் குறைச்சி சொன்னதும் என்னையறியாம கோபம் வந்துடுச்சி” என்றாள்.

அவன் மூர்ச்சித்து விழுந்தான்.

தண்ணீர் தெளித்து எழுப்பி விட்டு அவள் சொன்னாள்.

“அதிர்ச்சியான சூழ்நிலைலே கணவர்கள் எப்படி ரியாக்ட் பண்றாங்கன்னு நானும் ஒரு ரிசர்ச் பண்ணிக்கிட்டு இருக்கேன்”