தமிழுக்காக முழங்கிய குரல்கள் கோட்டை கதவுகளை திறக்குமா??

சேலம் மாவட்ட ஆட்சியர் அலுவலகம் அருகில் நாட்டாண்மை கழக கட்டிட வாசல் முன் பல்வேறு உணர்வாளர்கள் ஆர்பாட்டத்தில் ஈடுபட அங்கே மார்க்சிய பெரியாரிய பொதுவுடைமைக் கட்சியின் அய்யா வே.ஆனைமுத்து சிறப்புரையாற்றினார்.

பல்வேறு அமைப்பினரும் ஆர்பாட்டத்தில் பேச அதில் ‘தமிழக அரசு, அரசுப்பள்ளிகளை ஆங்கில வழி மெட்ரிகுலேசன் பள்ளிகளாக மாற்ற கூடாது…

தமிழ் மொழி நம் தாய் மொழி மட்டுமல்ல நம் தேசிய மொழி…

தமிழக அரசின் ஆங்கில திணிப்பென்பது எதிர்காலத்தில் கல்வி ஆட்சி நிருவாகத்தில் இருந்து தமிழை பயன்பாடற்ற மொழியாக்கிவிடும்..

தாய்மொழியில் கற்பித்தால் தான் சொந்த சிந்தனை வளர்ச்சி பெரும்…

அயல்மொழி படிப்பு இன்றைய சூழலில் மதிப்பெண் பெரும் தன்மையை தான் உருவாக்குகிறது…

2000 ஆண்டுகளுக்கு முன் தமிழ் மொழி கணிதம், வணிகம், அறிவியல் என அனைத்திலும் சிறந்து இருந்தது… அயல்மொழி திணிப்பு நமது வேர்களில் நஞ்சேற்றும் செயலாகும்…

எனவே ஆங்கில வகுப்புகள் தொடங்கும் திட்டத்தை கைவிட வேண்டும்… தனியார் கல்வி நிறுவன முதலாளிகளின் கல்வி கொள்ளையை தடுக்க வேண்டும்…

ஒன்று முதல் பன்னிரண்டாம் வகுப்பு வரை தமிழை கட்டாய மொழிப்பாடமாக ஆக்க வேண்டும்…

தமிழ் வழியில் படித்தவர்களுக்கு வேலை வாய்ப்பில் முன்னுரிமையும் இட ஒதுக்கீடும் தர வேண்டும்…

தனியார் கல்வி முதலைகள் 10 ஆம் வகுப்பு பாடத்தை ஒன்பதாம் வகுப்பிலேயும் பன்னிரெண்டாம் வகுப்பு பாடத்தை பதின்னொன்னாம் வகுப்பிலேயே எடுக்கின்றனர் இது அறிவு வளர்ச்சிக்கு எதிரான கல்வி சூதாட்டம் ஆகும்…இந்த பள்ளிகளின் உரிமங்கள் நீக்க வேண்டும் ‘ என்றனர்…

இதே ஆர்பாட்டத்தில் இந்திய அரசிலும், தமிழக அரசிலும் விகிதாசாரப் பங்கீடு பெற போராட வேண்டியதன் அவசியத்தை பேசினர். அரசுக் கல்வியிலும், அரசு வேலையிலும் 100 விழுக்காடு இடங்களையும் பங்கிட்டு தாருங்கள் எல்லா வகுப்புகளுக்கும் விகிதாச்சார பங்கீடு தாருங்கள் என்று முழங்கினர்…. தாய்மொழி தமிழுக்காக முழங்கிய குரல்கள் கோட்டை கதவுகளை திறக்கும் என நம்பிக்கையில் உள்ளனர் தமிழுணர்வாளர்கள். படங்கள், செய்தி: இளங்கோவன் .



நன்றி சிறுப்பிட்டி.காம்