இன்சுவை தரும் இடியாப்பங்கள்

**Muthumohamed** · **Muthumohamed** Fri Jun 07, 2013 8:49 pm

First topic message reminder :

இன்சுவை தரும் இடியாப்பங்கள் - Page 3 Wrp(1)

எளிதில் ஜீரணமாகும் உணவு வகைகளில் இடியாப்பத்துக்கு மிக முக்கியமான இடம் உண்டு. அதற்காக இடியாப்பத்தையே மீண்டும் மீண்டும் செய்து பரிமாறினால், அலுப்பு தட்டிவிடும் என்பதும் உண்மைதானே! இந்த விஷயத்தில் உங்களுக்கு உதவ, இடியாப்பத்தில் 30 வகை சுவையான ரெசிபிகளை இங்கே பரிமாறும் சமையல் கலை நிபுணர் நங்கநல்லூர் பத்மா,

''பருப்பு உசிலி இடியாப்பம், பாஸந்தி இடியாப்பம், டிரைஃப்ரூட் இடியாப்பம் என்று வெரைட்டியாக கொடுத்துள்ளேன்... செய்து பரிமாறி பாராட்டுகளை அள்ளுங்கள்'' என்று உற்சாகமூட்டுகிறார்.
குறிப்பு: 30 ரெசிபிகளுக்கும் இடியாப்பம் தயாரிக்கும் முறை ஒன்றுதான். எனவே, முதலில் சொல்லப்பட்டிருக்கும் இனிப்பு இடியாப்ப ரெசிபியில் இருப்பது போலவே, அனைத்து ரெசிபிகளுக்கும் இடியாப்பத்தைத் தயாரித்துக் கொள்ளவும்.

**Muthumohamed** · **Muthumohamed** Fri Jun 07, 2013 8:55 pm

ஸ்ட்ராபெர்ரி இடியாப்பம்

தேவையானவை: இட்லி அரிசி - 250 கிராம், ஸ்ட்ராபெர்ரி - 10, இஞ்சி - ஒரு சிறு துண்டு, நெய் - 4 டீஸ்பூன், பேரீச்சம்பழம் - ஒன்று, நல்லெண்ணெய் - ஒரு டீஸ்பூன், சர்க்கரை - 2 டீஸ்பூன், உப்பு - ஒரு சிட்டிகை.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
ஸ்ட்ராபெர்ரி, இஞ்சியை தோல் சீவி நறுக்கி போட்டு, பேரீச்சம்பழத்தை கொட்டை நீக்கி சேர்த்து, மிக்ஸியில் அரைக்கவும். வாணலியில் நெய் விட்டு அரைத்ததை போட்டு வதக்கி, சர்க்கரை சேர்த்து கிளறி, இடியாப்பத்துடன் கலக்கவும்.

**Muthumohamed** · **Muthumohamed** Fri Jun 07, 2013 8:55 pm

மாம்பழ ஸ்குவாஷ் இடியாப்பம்

தேவையானவை: இட்லி அரிசி - 250 கிராம், மாம்பழம் - ஒன்று, ஏலக்காய்த்தூள் - சிறிதளவு, சர்க்கரை - 4 டீஸ்பூன், நல்லெண்ணெய் - ஒரு டீஸ்பூன், உப்பு - ஒரு சிட்டிகை.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
மாம்பழத்தை தோல் சீவி நறுக்கி, மிக்ஸியில் அரைத்து, ஏலக்காய்த்தூள், சர்க்கரை சேர்த்துக் கலக்கவும். இதை இடியாப்பத்துடன் கலக்கி பரிமாறவும்.

**Muthumohamed** · **Muthumohamed** Fri Jun 07, 2013 8:57 pm

பாஸந்தி இடியாப்பம்

தேவையானவை: இட்லி அரிசி - 250 கிராம், பால் - ஒரு லிட்டர், சர்க்கரை - ஒரு கப், ஏலக்காய்த்தூள், குங்குமப்பூ - சிறிதளவு, நல்லெண்ணெய் - ஒரு டீஸ்பூன், உப்பு - ஒரு சிட்டிகை.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
பாலை சிறிது சிறிதாக ஆடை படியும்படி காய்ச்சி, ஆடைகளை எடுத்து வைத்து, பால் 250 மில்லி ஆக சுண்டக் காய்ந்ததும் பால் ஆடை, சர்க்கரை, ஏலக்காய்த்தூள் சேர்த்துக் கலக்கவும். இடியாப்பத்துடன் பாஸந்தியை சேர்த்துக் கலக்கவும். மேலே குங்குமப்பூ தூவவும்.

**Muthumohamed** · **Muthumohamed** Fri Jun 07, 2013 8:57 pm

வேர்க்கடலை இடியாப்பம்

தேவையானவை: இட்லி அரிசி - 250 கிராம், வறுத்த வேர்க்கடலை - 200 கிராம், நெய் - 4 டீஸ்பூன், நல்லெண்ணெய் - ஒரு டீஸ்பூன், உப்பு - தேவையான அளவு.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
வறுத்த வேர்க்கடலையை லேசாக பொடித்து, கொஞ்சம் உப்பு சேர்த்து, இடியாப்பத்துடன் சேர்த்து, நெய் விட்டு கலக்கவும்.

**Muthumohamed** · **Muthumohamed** Fri Jun 07, 2013 8:58 pm

மல்டி தானிய பொடி இடியாப்பம்

தேவையானவை: இட்லி அரிசி - 250 கிராம், துவரம்பருப்பு, கொள்ளு - தலா 4 டீஸ்பூன், கடலைப்பருப்பு, உளுத்தம்பருப்பு - தலா 2 டீஸ்பூன், மிளகு - 10, காய்ந்த மிளகாய் - ஒன்று, நெய் - 4 டீஸ்பூன், நல்லெண்ணெய் - ஒரு டீஸ்பூன், உப்பு - தேவையான அளவு.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
வெறும் வாணலியில் கொள்ளு, துவரம்பருப்பு, கடலைப்பருப்பு, உளுத்தம் பருப்பு, காய்ந்த மிளகாய், மிளகு ஆகியவற்றை வறுத்து மிக்ஸியில் பொடிக்கவும். இதனுடன் தேவையான உப்பு சேர்த்துக் கலந்து, இடியாப்பத்தின் மேல் தூவி நெய் விட்டுக் கலக்கவும்.

**Muthumohamed** · **Muthumohamed** Fri Jun 07, 2013 8:58 pm

தேங்காய்ப்பால் சொதி இடியாப்பம்

தேவையானவை: தேங்காய்ப்பால் - 100 மில்லி, இட்லி அரிசி - 250 கிராம், நீளவாக்கில் நறுக்கிய பீன்ஸ் - 10 துண்டுகள், நீளவாக்கில் மெல்லியதாக நறுக்கிய கேரட் - 10 துண்டுகள், நீளவாக்கில் நறுக்கிய குடமிளகாய் - சிறிதளவு, நெய், நல்லெண்ணெய் - தலா ஒரு டீஸ்பூன், நறுக்கிய கொத்தமல்லி - சிறிதளவு, உப்பு - தேவையான அளவு.

தாளிக்க: எண்ணெய், கடுகு, வெந்தயம், உளுத்தம்பருப்பு - தலா அரை டீஸ்பூன்.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப் பது போல தயாரித்துக் கொள்ளவும்.
பீன்ஸ், கேரட், குடமிளகாயை நெய் விட்டு வதக்கி, உப்பு சேர்த்து, வெந்ததும் தேங்காய்ப்பால் சேர்க்கவும். எண்ணெயில் கடுகு, உளுத்தம்பருப்பு, வெந்தயம் தாளித்து சேர்க்கவும். ஒரு கொதி வந்தததும் கொத்தமல்லி தூவி இறக்கவும். சாப்பிடும் நேரத்தில் இதை இடியாப்பத்துடன் கலந்து கொடுக்கவும்.

**Muthumohamed** · **Muthumohamed** Fri Jun 07, 2013 8:58 pm

கத்திரிக்காய் இடியாப்பம்

தேவையானவை: இட்லி அரிசி - 250 கிராம், கத்திரிக்காய் - நான்கு (நறுக்கிக் கொள்ளவும்) பெரிய வெங்காயம், பச்சை மிளகாய் - தலா ஒன்று, நெய் - 4 டீஸ்பூன், நல்லெண்ணெய் - ஒரு டீஸ்பூன், உப்பு - தேவையான அளவு.

வறுத்துப் பொடிக்க: கடலைப்பருப்பு, தனியா - தலா ஒரு டீஸ்பூன், காய்ந்த மிளகாய் - ஒன்று, எண்ணெய் - ஒரு டீஸ்பூன்.
செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
வாணலியில் நெய் விட்டு, பொடியாக நறுக்கிய பச்சை மிளகாய், வெங்காயம் தாளித்து... நறுக்கிய கத்திரிக்காயைப் போட்டு, உப்பு சேர்த்து வதக்கவும். வாணலியில் ஒரு டீஸ்பூன் எண்ணெய் விட்டு... கடலைப்பருப்பு, தனியா, காய்ந்த மிளகாயை வறுத்து மிக்ஸியில் பொடிக்கவும். வதக்கிய கத்திரிக்காய் கலவையை இடியாப் பத்துடன் சேர்த்து, பொடியையும் தூவி நன்றாகக் கலக்கவும்.

**Muthumohamed** · **Muthumohamed** Fri Jun 07, 2013 9:09 pm

மாங்காய் இடியாப்பம்

தேவையானவை: இட்லி அரிசி - 250 கிராம், மாங்காய் - ஒன்று, பொடியாக நறுக்கிய இஞ்சி - ஒரு டீஸ்பூன், பச்சை மிளகாய் - ஒன்று, கடுகு - ஒரு டீஸ்பூன், நெய் - 4 டீஸ்பூன், நல்லெண்ணெய் - ஒரு டீஸ்பூன், உப்பு - தேவையான அளவு.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
மாங்காயை, கேரட் துருவலில் துருவிக் கொள்ளவும். வாணலியில் நெய் விட்டு கடுகு போட்டு, வெடித்ததும் நறுக்கிய இஞ்சி, பச்சை மிளகாய் போட்டு வதக்கி, மாங்காய் துருவலை சேர்த்து, தேவையான உப்பு போட்டு, நன்றாக வதக்கி... இடியாப்பத்துடன் சேர்த்துக் கிளறவும்.

**Muthumohamed** · **Muthumohamed** Fri Jun 07, 2013 9:09 pm

உளுந்து இடியாப்பம்

தேவையானவை: இட்லி அரிசி - 250 கிராம், உளுத்தம்பருப்பு - 100 கிராம், பச்சை மிளகாய் - ஒன்று, கடுகு - ஒரு டீஸ்பூன், பெருங்காயத்தூள், பொடியாக நறுக்கிய கறிவேப்பிலை - சிறிதளவு, நெய் - 4 டீஸ்பூன், நல்லெண்ணெய் - 3 டீஸ்பூன், உப்பு - தேவையான அளவு.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
உளுத்தம்பருப்பை ஊற வைத்து, களைந்து, வடிகட்டி, பச்சை மிளகாய், உப்பு சேர்த்து கெட்டியாக அரைக்கவும். இட்லித் தட்டில் சிறிதளவு எண்ணெய் தடவி, அரைத்த உளுத்தம்பருப்பை வேகவிட்டு எடுக்கவும். அதை ஒரு தட்டில் போட்டு உதிர்த்துக் கொள்ளவும். வாணலியில் 2 டீஸ்பூன் எண்ணெய் விட்டு கடுகு, கறிவேப்பிலை தாளித்து, பெருங்காயத்தூள் சேர்த்து, உதிர்த்த உளுந்தை சேர்த்துக் கிளறவும். இதை இடியாப்பத்துடன் சேர்த்து, நெய் விட்டு நன்றாகக் கலக்கவும்.

**Muthumohamed** · **Muthumohamed** Fri Jun 07, 2013 9:10 pm

கீரை இடியாப்பம்

தேவையானவை: இட்லி அரிசி - 250 கிராம், பொடியாக நறுக்கிய வெங்காயத்தாள், பொடியாக நறுக்கிய வெந்தயக்கீரை - தலா ஒரு கப், நறுக்கிய புதினா, முள்ளங்கி இலை - தலா ஒரு கைப்பிடி அளவு, நெய் - 4 டீஸ்பூன், நல்லெண்ணெய் - ஒரு டீஸ்பூன், உப்பு - தேவையான அளவு.

செய்முறை: இடியாப்பத்தை பக்கம் 104-ல் இருக்கும் இனிப்பு இடியாப்பத்தில் சொல்லப்பட்டிருப்பது போல தயாரித்துக் கொள்ளவும்.
வாணலியில் நெய் விட்டு, பொடியாக நறுக்கிய பொடியாக நறுக்கிய வெங்காயத்தாள், வெந்தயக்கீரை புதினா, முள்ளங்கி இலைகளை சேர்த்து, உப்பு போட்டு வதக்கி இடியாப்பத்துடன் கலக்கவும்.
குறிப்பு: முருங்கைக்கீரை, வல்லாரைக்கீரை, சிறுகீரை, பொன்னாங்கண்ணிகீரை என எந்த கீரையிலும் இதே முறையில் தயாரிக்கலாம்.

pettagum.blogspot

Sponsored content · Sponsored content

இன்சுவை தரும் இடியாப்பங்கள்

இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

Re: இன்சுவை தரும் இடியாப்பங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக