உலகின் விந்தையான சாலைகள், பாலங்கள்!

by **Muthumohamed** Thu Jun 06, 2013 10:23 pm

First topic message reminder :

உலகின் உயரமான பாலம்

உலகின் விந்தையான சாலைகள், பாலங்கள்! - Page 2 18-1366265947-millau-viaduct-tallest-bridge

உலகின் மிக உயரமான பாலம் பிரான்ஸ் நாட்டில் ஓடும் டார்ன் ஆற்றின் குறுக்கே கட்டப்பட்டுள்ளது. தரையிலிருந்து 1,125 அடி உயரம் கொண்டதாக இந்த பாலம் அமைக்கப்பட்டுள்ளது.

by **Muthumohamed** Thu Jun 06, 2013 10:29 pm

எரிமலை சாலை

உலகின் விந்தையான சாலைகள், பாலங்கள்! - Page 2 18-1366266285-dades-gorge-road

மொராக்கோவின் அட்லஸ் மலையிலிருக்கும் டேட்ஸ் என்ற சுற்றுலா தலத்திற்கு செல்லும் வழிதான் இது. அப்படி என்ன இதில் சிறப்பு என்கிறீர்களா. இது எரிமலையில் அமைக்கப்பட்டிருக்கும் சாலை. ஆஃப் ரோடு டிரைவிங் செய்யவும் ஏற்ற இடமாம்.

by **Muthumohamed** Thu Jun 06, 2013 10:30 pm

வளைகுடாவின் வளைவு சாலை

உலகின் விந்தையான சாலைகள், பாலங்கள்! - Page 2 18-1366266331-road-to-hafeet-mountain

ஐக்கிய அரபு எமிரேட்டில் இருக்கும் இந்த சாலை டிரைவிங் செய்வதற்கு உலகின் சிறந்த சாலையாக குறிப்பிடப்படுகிறது. ஒரு ஓட்டலின் பார்க்கிங் வளாகத்தை இணைக்கும் சாலைதான் இது. பாலிவுட் படமான ரேஸ் சினிமாவில் இந்த சாலையில் வைத்து சூட்டிங் நடத்தப்பட்டுள்ளது.

by **Muthumohamed** Thu Jun 06, 2013 10:30 pm

ரோமானியா ஹைவே

உலகின் விந்தையான சாலைகள், பாலங்கள்! - Page 2 18-1366266375-transfagarasanromania

1970ம் ஆண்டுகளில் கார்பாதியன் மலைச்சுகரத்தை ரோமானிய துருப்புகள் எளிதாக அடையும் வகையில் அமைக்கப்பட்ட சாலை இது. தற்போது டிரைவிங் செய்வதற்கு ஏற்ற சாலையாக வர்ணிக்கப்படுகிறது. பார்முலா-1 ரேஸிங் சர்க்யூட் போன்று காட்சியளிக்கும் இந்த சாலையை படத்தில் காணலாம்.

by **Muthumohamed** Thu Jun 06, 2013 10:31 pm

பொலிவிழந்த பொலிவிய சாலை

உலகின் விந்தையான சாலைகள், பாலங்கள்! - Page 2 18-1366266416-chacaltaya-la-paz-bolivia

என்னடா இந்த ரோட்டை எதற்காக போட்டிருக்கிறோம் என்று பார்க்கிறீர்களா. விஷயம் இருக்கிறது. 2009ம் ஆண்டு வரை பனிக் கட்டிகளால் சூழப்பட்ட பொலிவியா நாட்டிலுள்ள சகல்டயா மலைதான் இது. புவி வெப்பமயமாதலால் இந்த மலையிலிருந்து பனிக்கட்டிகள் எல்லாம் உருகிவிட்டது. தற்போது குளிர்காலத்தில் மட்டும் பனி படர்கிறது. பொலிவியாவின் பொலிவிழந்த இந்த மலையில் உள்ள ரெசார்ட் ஒன்றிற்கு செல்லும் சாலைதான் இது.

by **Muthumohamed** Thu Jun 06, 2013 10:32 pm

இத்தாலி அழகி

உலகின் விந்தையான சாலைகள், பாலங்கள்! - Page 2 18-1366266452-passo-dello-stelvio-italy

இத்தாலியில் ஆல்ப்ஸ் மலையில் 2757 மீட்டர் உயரத்தில் இருக்கும் இரண்டாவது உயரமான ஸ்டெல்வியோ கணவாய் பகுதிக்கு செல்லும் சாலை இது. 60 கொண்டை ஊசி வளைவுகள் கொண்ட இந்த சாலையை டிரைவிங் செய்வதற்கு ஏற்ற உலகின் சிறந்த சாலைகளுல் ஒன்றாக டாப் கியர் ஆட்டோமொபைல் இதழ் தெரிவித்துள்ளது.

by **Muthumohamed** Thu Jun 06, 2013 10:32 pm

உலகின் ஆபத்தான சாலை

உலகின் விந்தையான சாலைகள், பாலங்கள்! - Page 2 18-1366266476-north-yungas-road-bolivia

பொலிவியாவின் வடக்கு யங்கஸ் சாலை உலகின் ஆபத்தான சாலைகளுள் ஒன்றாக குறிப்பிடப்படுகிறது. ஒரு பக்கம் கண்ணுக்கு புலப்படாத அளவு உயர்ந்து நிற்கும் மலை, மறுபக்கம் அதள பாதாள பள்ளத்தாக்கு என அச்சுறுத்தும் இந்த சாலையில் எந்த பாதுகாப்பு அரண்களும் கிடையாது. இதற்கு மாற்றுப் பாதை இருந்தாலும், சாகச பயணம் மேற்கொள்வோர் இந்த சாலையில் செல்வதை வழக்கமாக கொண்டிருக்கின்றனர்.

by **Muthumohamed** Thu Jun 06, 2013 10:33 pm

பைக்ல ஒரு ரவுண்டு

உலகின் விந்தையான சாலைகள், பாலங்கள்! - Page 2 18-1366267799-hawk-nest-road

நியூயார்க் நகரின் அருகே ஓடும் டெலாவர் ஆற்றின் கரையோரத்தில் செல்லும் ஹாக்ஸ் நெஸ்ட் சாலை பைக் ரைடர்களுக்கு ஓர் அற்புதமான சாலை. மணிக்கு அதிகபட்சமாக 88கிமீ வேகத்தில் மட்டுமே இந்த சாலையில் செல்வதற்கு அனுமதி. இயற்கையின் அழகை ரசிப்பதற்கான சிறந்த சாலை.

by **Muthumohamed** Thu Jun 06, 2013 10:34 pm

எழில் கொஞ்சும் சாலை

உலகின் விந்தையான சாலைகள், பாலங்கள்! - Page 2 18-1366267831-tarako-gorge

மலைப்பகுதிகளுக்கு நடுவே அமைக்கப்பட்ட இந்த சாலை தைவானில் உள்ள தரகோ என்ற இடத்தை இணைக்கிறது.

by **Muthumohamed** Thu Jun 06, 2013 10:34 pm

லொம்பார்டு சாலை

உலகின் விந்தையான சாலைகள், பாலங்கள்! - Page 2 18-1366267865-lombard-street

சான்பிரான்சிஸ்கோ நகரிலுள்ள லொம்பார்டு தெரு 8 வளைவுகள் கொண்டதாக தோட்டங்களுக்கு நடுவில் அமைக்கப்பட்டுள்ளது. அமெரிக்க டிவி ஷோ மற்றும் சினிமாவில் இந்த சாலை அடிக்கடி இடம் பிடிக்கிறது.

by **Muthumohamed** Thu Jun 06, 2013 10:35 pm

கடலழகை ரசிக்க ஓர் சாலை

உலகின் விந்தையான சாலைகள், பாலங்கள்! - Page 2 18-1366267891-greese

கிரீஸ் நாட்டின் மத்திய தரைக்கடல் பகுதியில் அமைந்துள்ள ரான்டேடாஸ் சியோஸ் தீவின் கடலோரத்தில் அமைந்துள்ள இந்த சாலை சுற்றுலாப் பயணிகளை வெகுவாக கவர்ந்துள்ளது.