இரண்டாவது பினாங்கு பாலம் இடிந்து விழுந்தது !

**சிவா** · **சிவா** Fri Jun 07, 2013 9:47 am

https://fbcdn-sphotos-b-a.akamaihd.net/hphotos-ak-ash3/375707_503457343060701_773054161_n.jpg

பினாங்கு மாநிலம் பத்து மாவுங்கில் கட்டுமானப் பணியில் இருந்த இரண்டாவது பினாங்கு பாலம் நேற்று மாலை 7.00 மணியளவில் சரிந்து விழுந்ததில் இரண்டு கார்கள் மற்றும் ஒரு மோட்டார் சைக்கிள் வாகனம் புதையுண்டன.

இதில் கட்டுமானப் பணியாளர்களான இந்தோனேசியாவைச் சேர்ந்த சலாமட் (வயது 36) மற்றும் மியான்மரைச் சேர்ந்த டின் மாவுங் இவின் (வயது 39 ) ஆகிய இருவர் பலத்த காயங்களுடன் பினாங்கு மருத்துவமனையில் அனுமதிக்கப்பட்டுள்ளனர்.

அதோடு இடிபாடுகளுக்கிடையே சிக்கிக் கொண்ட மோட்டார் சைக்கிளோட்டி தலையில் காயத்துடன் மீட்கப்பட்டுள்ளார்.

100 க்கும் மேற்பட்ட தீயணைப்புப் படையினரும், மீட்புக்குழுவினரும் சம்பவம் நடந்த இடத்தில் மீட்பு நடவடிக்கைகளில் ஈடுபட்டு வருகின்றனர்.

இந்நிலையில் இன்னும் சிலர் இடிபாடுகளுக்கிடையே சிக்கி இருக்கலாம் என்று அஞ்சப்படுவதாக பாயான் பாரு நாடாளுமன்ற உறுப்பினர் சிம் ஜி ஜின் தெரிவித்துள்ளார்.

பாலம் சரிந்ததற்கான காரணம் இன்னும் உறுதியாகத் தெரியவில்லை என்று பினாங்கு மாநில ஆட்சிக் குழு உறுப்பினரான லிம் ஹாக் செங் தெரிவித்துள்ளார்.

**krishnaamma** · **krishnaamma** Fri Jun 07, 2013 9:51 am

அடாடா................பாவம் புன்னகை

ஆமாம் சிவா அந்த பாலம் contract நம் தமிழ் நாட்டு காண்டரக்டர்கள் யாரும் எடுக்கலையே? அய்யோ, நான் இல்லை

ராஜு சரவணன் · ராஜு சரவணன் Fri Jun 07, 2013 9:56 am

எல்லாம் வடிவமைப்பு (Design) தவறுகளாக தான் இருக்கும். குறைந்த செலவில் அதிக லாபம் பார்க்கவேண்டும் என்ற கட்டுமான நிறுவனங்களின் ஆசையே இந்துபோன்ற நிகழ்வுகளுக்கு காரணம். இதற்கு துணை நிற்பது நிச்சயம் அரசியல்வாதிகளா கூட இருக்கலாம் .