பேரணிகள் ‘சீன இனவாதத்தை’ நிரூபிக்கின்றன – மகாதீர்

https://fbcdn-sphotos-e-a.akamaihd.net/hphotos-ak-frc3/971929_503096413096794_2063083940_n.jpg

தேர்தல் முடிவுகளை எதிர்த்து நாடு முழுவதும் நடத்தப்படும் பேரணிகள், தேர்தலில் ‘சீனர்களின் இனவாதத்தை’ நிரூபிக்கிறன. காரணம் அது போன்ற பேரணிகளில் அதிகமாக சீனர்களே கலந்து கொள்கின்றனர்.

அதோடு சீனர்களை மையமாக வைத்தே அப்பேரணிகள் நடத்தப்படுகின்றன என்று முன்னாள் பிரதமர் டாக்டர் மகாதீர் முகமட் தெரிவித்துள்ளார்.

மேலும் “இது போன்ற பேரணிகளால் நாட்டில் இன்னும் அதிகமாக இனவாத பிரச்சனைகள் உருவாகும், மலாய்காரர்கள் அரசியலிலும், பொருளாதாரத்திலும் மேலும் பின்னடைவைச் சந்திப்பார்கள்” என்றும் மாகாதீர் தெரிவித்துள்ளார்.

“உள்நாடு மற்றும் வெளிநாடுகளில் வாழும் சீன இளைஞர்கள் கறுப்பு சட்டை மற்றும் முகமூடிகளை அணிந்து கொண்டு ஆர்ப்பாட்டங்களை நடத்துகிறார்கள். பொதுவாக மலாய்காரர்களே இது போன்ற ஆர்பாட்டங்களில் நிறைந்து காணப்படுவார்கள்.

பேரணிகளில் மலாய்காரர்கள் குறைவாகக் காணப்படுவதற்கு பாஸ் தலைவர்களுள் ஒற்றுமை இல்லாததே காரணம். நடந்த முடிந்த பொதுத்தேர்தலில் ஜசெக 38 தொகுதிகளில் மாபெரும் வெற்றி பெற்றுள்ளது. அதே போல் பிகேஆர் 30 தொகுதிகளில் வெற்றி பெற்றுள்ளது.

ஆனால் பாஸ் கட்சியால் 21 தொகுதிகளை மட்டுமே கைப்பற்ற முடிந்தது. இதன் மூலம் ஜசெக சீனர்களின் தேர்வாக உள்ளது என்பது நிரூபிக்கப்பட்டுள்ளது” என்று தெரிவித்துள்ளார்.

ஜசெக மலாய்காரர்களை வெறுக்கிறது

மலேசிய அரசியலில் தனது 60 ஆண்டுகால அனுபவத்தின் மூலம் கற்றுக்கொண்டது என்னவென்றால், இனம் தான் யாருக்கு வாக்களிக்க வேண்டும் என்பதைத் தீர்மானிக்கிறது என்று மகாதீர் தெரிவித்துள்ளார்.

“சீனர்கள் தேசிய முன்னணியின் கூட்டணிக் கட்சியான மசீச வை புறக்கணித்து ஜெசெக வின் பக்கம் திரும்ப, இனவாரியான உணர்வுகள் தான் காரணம். வேட்பாளர்களின் தகுதி அல்லது கட்சியின் தரம் ஆகியவற்றை விட இனம் என்பது முதன்மையானதாக உள்ளது.

நீண்ட காலமாக ஜசெக மலாய்காரர்களை வெறுத்து வருகிறது மற்றும் பக்காத்தானில் உள்ள மலாய் கட்சிகளை அவ்வப்போது தேர்தல் நேரத்தில் பயன்படுத்திக்கொள்வதற்காக பொறுத்துக் கொள்கிறது” என்று மகாதீர் தெரிவித்துள்ளார்.

செல்லியல்.காம்

பொதுவாக இந்த நாட்டில் சீனர்கள் இனவெறி பிடித்தவர்கள். இதே அண்மையில் நடந்த பொதுத் தேர்தல் இதை நிருபித்துள்ளது. கடந்த ஆண்டு டிசம்பர் 15ந் தேதி நடைபெற்ற பொதுக் கூட்டத்திற்கும் கட்சியின் தேர்தலுக்கும் 753 பேராளர்களுக்கு அழைப்பிதழ் அனுப்பவில்லை. 753 பேராளர்களில் பெரும்பாலோர் இந்திய உறப்பினர்கள் என்பது இங்கு குறிப்பிடத்தக்கது. இந்த 753 பேரும் அக்கூட்டத்தில் கலந்துக் கொள்ள அனுமதி வழங்கியிருந்தால் அதிகமான இந்தியர்கள் இக்கட்சியின் மத்திய செயல்குழுவில் இடம் பெற்றிருப்பார்கள். இதை தவிர்க்கவே இக்கட்சியில் உள்ள சீன தலைவர்கள் இந்திய பேராளர்களை அக்கூட்டத்தில் கலந்துக் கொள்ளாமல் இருக்க இப்படி ஒரு தந்திர நாடகத்தை மேடை ஏற்றியுள்ளனர். இன்று பதிவதிகாரியின் முடிவுக்கு காத்திருக்கும் இக்கட்சியின் பதிவு ரத்து செய்யப்படவேண்டும் என்பது கருத்தாகும்.

இன்று பதிவதிகாரியின் முடிவுக்கு காத்திருக்கும் இக்கட்சியின் பதிவு ரத்து செய்யப்படவேண்டும் என்பது கருத்தாகும்.

இப்பொழுது இருக்கும் நிலையில் இக்கட்சியின் பதிவு ரத்தாகிவிடும் என்றுதான் நினைக்கிறேன். ஆனால் சீனர்கள் இதற்கெல்லாம் சற்றும் சளைத்தவர்கள் அல்லர். லிம் கிட் சியாங் சீனர் சமுதாயத்தில் ஒரு இரும்பு மனிதர். அவர் இருக்கும்வரை மலாய்க்காரர்கள் வாலாட்ட முடியாது!