கலப்பை எழுதும் கவிதை

**பார்த்திபன்** · 24/07/2011

உலகத்தின் உயிர்நாடி
உழவென்றால் மிகையில்லை!
உழவனைப்போல் உழைக்கும் வர்கம்
உலகினிலே வேறில்லை!

வேட்டையாடும் வேலை தவிர
வேறென்ன அறிந்திருந்தோம்?
வேளாண்மையின் மேலாண்மையால்
விதைத்துண்ணும் வித்தை கற்றோம்!

உழவென்ற தொழிலொன்றே
உயர்த்தும் இந்த உலகை!
அது பூமி எனும் புத்தகத்தில்
கலப்பை எழுதும் கவிதை!

தோட்டமெல்லாம் அழித்துவிட்டு
தொழிற்சாலை தொடங்கினோம்! - நாளை
ஆலைக் கழிவால் ஆயுள் குறைந்து
ஆறடிக்குள் அடங்குவோம்!

உறுதி எடுத்து உயர்த்திடுவோம்
உலகைக் காக்கும் உழவை!
உழவனுக்கே வழங்கவேண்டும்
உலகின் சிறந்த விருதை!

வேதங்களைப் போலவே
வேளாண்மையும் உயர்ந்தது!
மனிதகுலம் ஏனோ அதன்
மகத்துவத்தை மறந்தது!

- நிலவை.பார்த்திபன்

பூவன் · பூவன் Wed Jun 05, 2013 4:41 pm

தோட்டமெல்லாம் அழித்துவிட்டு
தொழிற்சாலை தொடங்கினோம்! - நாளை
ஆலைக் கழிவால் ஆயுள் குறைந்து
ஆறடிக்குள் அடங்குவோம்!

இன்றைய நிலை சொன்ன விதம் அருமை ....

வேதங்களைப் போலவே
வேளாண்மையும் உயர்ந்தது!
மனிதகுலம் ஏனோ அதன்
மகத்துவத்தை மறந்தது!

நல்ல வரிகள்

இந்த பதிவைத் துவங்கியவர் நன்றி கூறியுள்ளார் பூவன்

**பார்த்திபன்** · 24/07/2011

நன்றி பூவன்!

தளிர் அலை · தளிர் அலை Thu Jun 06, 2013 3:51 pm

நிதர்சன உண்மை..! இன்றைய நிலை தொடர்ந்தால் சோமாலியா நிலை தான் நமக்கும்..!

**பார்த்திபன்** · 24/07/2011

தளிர் அலை wrote:நிதர்சன உண்மை..! இன்றைய நிலை தொடர்ந்தால் சோமாலியா நிலை தான் நமக்கும்..!

யினியவன் · யினியவன் Fri Jun 07, 2013 2:04 pm

கலப்பை மனதில் சலசலப்பை உண்டாக்குது
கலப்பையின் மகத்துவம் போற்றுது சூப்பருங்க

Sponsored content · Sponsored content

கலப்பை எழுதும் கவிதை

கலப்பை எழுதும் கவிதை

Re: கலப்பை எழுதும் கவிதை

Re: கலப்பை எழுதும் கவிதை

Re: கலப்பை எழுதும் கவிதை

Re: கலப்பை எழுதும் கவிதை

Re: கலப்பை எழுதும் கவிதை

Re: கலப்பை எழுதும் கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக