அவங்க மட்டும்தான் அம்மாவா?

**Muthumohamed** · **Muthumohamed** Wed Jun 05, 2013 9:55 am

'போராட்டங்கள் நிறைந்த எனது வாழ்க்கையில், எத்தனையோ பட்டங்களையும் விருதுகளையும் பெற்றிருக்கிறேன். ஆனால், கிடைத்ததற்கரிய பெரிய பேறாக நான் கருதுவது எல்லோரும் வாய் நிறைய என்னை 'அம்மா’ என்று அழைப்பது தான். வயது என்னவாக இருந்தாலும், பெரியவர்கள், இளையவர்கள், குழந்தைகள் அனைவருமே என்னை 'அம்மா’ என்று அழைப்பதை நான் பெருமையாகக் கருதுகிறேன்'' - அ.தி.மு.க. அரசின் இரண்டு ஆண்டுகள் முடிந்ததையட்டி, சட்டசபையில் பேசிய ஜெயலலிதா சிலிர்த்துச் சொன்னது இது. இருந்தாலும், இப்படி அழைப்பதில் பெரும்பாலான ஜெ. விசுவாசிகளுக்கு ஒரு வருத்தம் மனசுக்குள் உறுத்திக்கொண்டிருப்பதாக தகவல் வந்தது (நெஜமாத்தான் பாஸ்!). அது என்னவென்று கண்டுபிடிக்க ஆர்வம் ஏற்பட்டது. ஒரு வழியாக, தீவிர 'ரத்தத்தின் ரத்தம்’ ஒருவரிடம் மெள்ளப் பேச்சுக் கொடுத்து விஷயத்தை வாங்கினேன்.

''ஆமாங்க, அந்த உறுத்தல் உண்மைதாங்க. எதிலும் மத்தவங்களோடு தன்னை ஒப்பிடுறதோ, தன்னை மத்தவங்களோடு ஒப்பிடுறதோ அம்மாவுக்குப் பிடிக்காது. புரட்சித்தலைவிங்கிற அடைமொழியை அம்மா மனப்பூர்வமா ஏத்துக்கிட்டாங்க. ஏன்னா, அந்தப் பேர்ல வேறு யாரும் இல்லை. ஆனா, அதே மாதிரி இப்ப 'அம்மா’னு அழைக்கிறது, அவ்வளவு தனித்துவமாத் தெரியலை. இதை எப்படி அம்மாகிட்டே சொல்றதுனு தெரியலை.

அம்மான்னு நாங்க என்னதான் வாய் நிறைய மரியாதையா அழைச்சாலும், பெருசு, பெருசா ஃப்ளெக்ஸ் வெச்சாலும், அந்த அம்மாங்கிற பேருக்கு தமிழ்நாட்டுல பல பேரு, உரிமை கொண்டாடிட்டு இருக்காங்க. வருஷத்துல ஒன்பது மாசம் நம்ம ஜனங்க மேல்மருவத்தூர் கோயிலுக்குப் போறாங்க. ஊரெங்கும் சக்தி பீடம்னு மன்றங்கள் அமைச்சு, அம்மா, அம்மானு பூஜை பண்றாங்க. அவங்ககிட்டே போய், அம்மான்னா யாருனு கேட்டா, பங்காரு அடிகளாரைத்தானே காட்டுவாங்க?

அதே மாதிரி, கேரளாவுல இருந்து வருஷத்துக்கு ரெண்டு தடவையாவது மாதா அமிர்தானந்தமயி, தமிழ்நாட்டுக்கு விசிட் அடிக்கிறாங்க. அவங்களோட ஆசிரமங்கள் நிறைய, நம்ம ஊர்களில் வந்துருச்சு. கேரளாவுல அவங்களை 'அம்மே’னு அழைக்கிறாங்க. தமிழ்நாட்டு பக்தர்கள் அம்மானு அழைக்கிறாங்க. இவங்க பக்தர்களிடம் போய், அம்மா யாருன்னு கேட்டா, என்ன பதில் சொல்வாங்க?

சமீபகாலமா பிரபலமாகி வந்துக்கிட்டிருக்குது வேலூர்ல உள்ள தங்கக் கோயில். இதை உருவாக்கின நாராயணபீடத்தோட சாமியாரை யும் அம்மானுதான் எல்லோரும் அழைக்கிறாங்க. இதையெல்லாம் பார்க்கும்போது சங்கடமா இருக்கு. எங்க சிங்கத் தலைவியோட பட்டத்தை மத்தவங்க ஷேர் பண்ணலாமா?'' என்றார் அந்த ரத்தத்தின் ரத்தம்.

'அம்மா’ என்ற அடை மொழிக்குத் தங்கத் தாரகை, புரட்சித்தலைவி காப்புரிமை வாங்கிவிட்டால் 'அம்மா’ என்று தன்னை அழைத்துக்கொள்ளும் ஆன்மிகவாதிகளுக்குத் தடை விதிக்கலாமே. ஆமா, நானும் என் அம்மாவை 'அம்மா’னுதான் கூப்பிடு றேன். அதுக்கு என்ன பண்றது? அய்யய்யோ!

செ.சல்மான்
டைம் பாஸ்

**krishnaamma** · **krishnaamma** Wed Jun 05, 2013 1:29 pm

அதுதானே? நான் என்ன பண்ணனும்? சோகம்

இந்த பதிவைத் துவங்கியவர் நன்றி கூறியுள்ளார் krishnaamma

**Muthumohamed** · **Muthumohamed** Wed Jun 05, 2013 2:28 pm

krishnaamma wrote:அதுதானே? நான் என்ன பண்ணனும்?

நீங்களும் அந்த அம்மா மாதிரி ஆகணும் அவ்ளோ தான்

**krishnaamma** · **krishnaamma** Wed Jun 05, 2013 2:31 pm

Muthumohamed wrote:
krishnaamma wrote:அதுதானே? நான் என்ன பண்ணனும்?

நீங்களும் அந்த அம்மா மாதிரி ஆகணும் அவ்ளோ தான்

நல்லது முத்து புன்னகை

ஏற்கனவே நான் அவங்க மாதிரி உருவத்தில் இருக்கேன், முன்பே சொல்லி இருக்கேன், என் மருமகனை என் தம்பி பெண்டாட்டி , அத்தை வரா சாப்பிடு என்று டிவி இல் வரும் ஜெயலிதாவை காட்டி சாப்பிட வைப்பா புன்னகை

இனி மத்ததுலேயும் அவங்களை போல வர பார்க்கிறேன் கண்ணடி

நன்றி முத்து புன்னகை

**Muthumohamed** · **Muthumohamed** Wed Jun 05, 2013 2:35 pm

krishnaamma wrote:
Muthumohamed wrote:
krishnaamma wrote:அதுதானே? நான் என்ன பண்ணனும்?

நீங்களும் அந்த அம்மா மாதிரி ஆகணும் அவ்ளோ தான்

நல்லது முத்து ஏற்கனவே நான் அவங்க மாதிரி உருவத்தில் இருக்கேன், முன்பே சொல்லி இருக்கேன், என் மருமகனை என் தம்பி பெண்டாட்டி , அத்தை வரா சாப்பிடு என்று டிவி இல் வரும் ஜெயலிதாவை காட்டி சாப்பிட வைப்பா

இனி மத்ததுலேயும் அவங்களை போல வர பார்க்கிறேன் நன்றி முத்து