பி.சி.சி.ஐ., இடைக்கால தலைவராக ஜக்மோகன் டால்மியா

balakarthik · balakarthik Sun Jun 02, 2013 8:29 pm

கடந்த ஒரு மாத காலத்திற்கும் மேலாக பரபரப்பாக பேசப்பட்டு வரும் கிரிக்கெட் சூதாட்ட ஸ்பாட் பிக்சிங் விவகாரத்தில் இந்திய கிரிக்கெட் வாரியத்தின் தலைவர் பதவியில் இருந்து சீனிவாசன் இன்று விலகுவார் என எதிர்பார்க்கப்பட்டது, ஆனால் அவர் தனது பதவியை ராஜினாமா செய்யாமல் , நிர்வாத்தில் இருந்து ஒதுங்கி இருப்பதாகவும், இதுவரை ஜக்மோகன் டால்மியா‌ தற்காலிக தலைவராக இருப்பார் என இன்றைய செயற்குழு கூட்டத்தில் முடிவு எட்டப்பட்டது. .

தமிழகத்தை சேர்ந்த பிரபல சீனிவாசன் பி.சி.சி.ஐ., ( இந்திய கிரிக்கெட் வாரியம் ) மற்றும் ஐ.சி.சி சர்வதேச கிரிக்கெட் கவுன்சில் தலைவராக இருந்து வருகிறார். இவரது மருமகன் குருநாத் மெய்யப்பன் ஐ.பி.எல், கிரிக்கெட் அணியில் ஒன்றான சென்னை சூப்பர் கிங்ஸ் என்ற அணிக்கு செயல் உறுப்பினராக இருந்து வந்தார். ஐ.பி.எல், கிரிக்கெட்டில் ஸ்பாட் பிக்ஸிங் என்ற சூதாட்டத்தை நடத்தி கிரிக்கெட் வீரர்கள் ஸ்ரீசாந்த், அங்கீத் சவான் , அஜெய் சண்டிலா உள்பட 3 பேர் பலர் பலர் ஸ்பாட் பிக்சிங் ஈடுபட்டதாக கைதாகினர்.

ஆட்டகளத்தில் இருக்கும் போது எத்தனை ரன் எடுக்கனும், நோ பால், டக், சிகஸ்ஸ் என்ற வகைக்கு சிக்னல் மூலம் பணம் கட்டி ஆட்டத்தின் போக்கையே மாற்றி விடுவர். இந்த விவகாரம் குறித்து மோப்பம் பிடித்த மும்பை சி.பி.சி.ஐ.டி போலீசார் வரிசையாக கிரிக்கெட் வீரர்கள் மற்றும் பழம்பெரும் நடிகரான மறைந்த தாராசிங் மகன் விண்டு தாராசிங் உள்பட பலரை கைது செய்தனர். தற்போது 8 பேர் ஜாமினில் உள்ளனர். கடந்த 16ம் தேதி சென்னையில் இருந்து விமானம் மூலம் புறப்பட்டு சென்ற குருநாத் மெய்யப்பனை மும்பையில் போலீசார் கைது செய்தனர். இவரிடம் போலீசார் துருவி, துருவி விசாரணை நடத்தினர்.

சூதாட்ட புகாரில் சிக்கியிருக்கும் குருநாத் மீதான விசாரணை முடியும்வரை சீனிவாசன் பதவியில் இருந்து விலக வேண்டும் என பி.சி.சி.ஐ., நிர்வாகிகள் வலியுறுத்தியுள்ளனர். இவர் மறுத்து வரவே பி.சி.சி.ஐ., செயலர், பொருளாளர், மற்றும் ஐ.பி.எல்., தலைவர் சுக்லா ஆகியோர் தங்களின் பதவிகளை ராஜினாமா செய்துள்ளனர். நெருக்கடி முற்றி வரவே இன்று பி.சி.சி.ஐ., அவசர செயற்குழு கூட்டம் இன்று சென்னையில் நடந்தது.

இந்த கூட்டத்தில் காரசார விவாதம் நடந்தது. ஆனால் சீனிவாசன் ராஜினமா செய்தால் கிரிக்கெட் வாரியத்திற்கு களங்கம் ஏற்பட்டு விடும் என கருத்து தெரிவித்தாராம். தலைவர் பதவியில் இருந்து விலகாமல் நிர்வாக பணியில் இருந்து விலகி இருப்பபதாக முடிவு எடுத்திருப்பதாக தெரிவித்தாராம். இதனை செயற்குழு ஏற்றுக்கொண்டது. இதனையடுத்து தற்காலிக தலைவராக ஜக்மோகன் டால்மியா இடைக்கால தலைவராக நியமிக்கப்பட்டார்.

தொடர்ந்து இந்த செயற்குழு கூட்டம் இன்னும் ஒரு நாளில் கூட்டப்படும் என்றும் தெரிவிக்கப்பட்டது.

யார் இந்த ஜக்மோகன் ?

இவர் கோல்கட்டாவில் பிறந்தவர். பிரபல தொழில் நிறுவனமான டால்மியா அன்கோ என்பதை இவர் நடத்தி வருகிறார். ஜக்மோகன் ஒரு கிரிக்கெட் வீரரும் கூட. இவர் விக்கெட்கீப்பராக ஆடியிருக்கிறார். 1979 முதல் இவர் இந்திய கிரிக்கெட் வாரியத்தில் பணியாற்றி வருகிறார். 1983 ல் பொருளாளராக இருந்தார். சர்வதேச கிரிக்கெட் கவுன்சில் தலைவராக 1997 ல் தேர்வு செய்யப்பட்டார். இந்த பொறுப்பில் 3 ஆண்டுகள் இருந்தார்.

நன்றி:- தினமலர்