தீரா-மீரா 20

வரலாற்று போரில்
வாள் பாய்ந்து இறந்தவர்கள் உண்டு;
வார்த்தைகள் பாய்ந்து
இறந்தவர்களும் உண்டு;

தீரா...
வார்த்தையால் வறுத்தெடுக்கப்பட்டான்
பார்த்தா தங்கையின் பதில்களால்;

அடுத்த வார்த்தை...
மீரா-வின்
இல்லம் மணக்கோலத்தில்

மீரா-வின்
உள்ளம் மரண கோலத்தில்;
என்றாள் வெண்ணிலா;

தீரா-வின் பொறுமை
பொசுக்கப்பட்டது;
தீரா-வின் கோபம்
கொழுந்துவிட்டது;

அடுத்த கணம்
காற்றாய் பறக்க ஆரம்பித்தான்
பார்த்தன் தடுக்கவில்லை
பின் தொடர்ந்தான்;

தீரா குதிரையில்
செல்வதை பார்த்த
பார்த்தனின் கண்களில்:

நெருப்புக்குள் தீப் பொறி பறப்பதாய்
காற்றைக் கிழித்து அம்பு நுழைவதாய்
கடலை துளைத்து கப்பல் நகர்ந்ததாய்
விண்னை உடைத்து மேகம் ஊடுருவியதாய்
மூங்கிலை பிளந்து வண்டு குடைந்ததாய்
மலையிலிருந்து அருவி பாய்வதாய்
தீரா - மீரா- வை தேடி;

மீரா-வின்
ஊர் எல்லைக்குள்
தீராவும்- பார்த்தாவும்
கழுகாய் பறந்து வந்தனர்;

கண் இமைக்கும் நிமிடத்தில்
மீரா-வின் வீட்டுக்குள் தீரா;
பாதுகாப்புக்கு வெளியே பார்த்தன்;

உருகும் ஊதுபத்தியாய்
கரையும் பனியாய்
கசிந்து கொண்டிருந்தால் மீரா;
இரும்பு உடல்கள்
எறும்பு அசைவாய் நெருங்கின
மீரா-விடம் தீரா;

நினைக்காத சம்பவங்கள்
நிகழும் நிமிடத்தில் தான்
உலகம் உருண்டுகிடக்கிறது;

மீரா நினைக்கவில்லை
தீரா அருகில் என்று;
தீரா நினைக்கவில்லை
மீரா அருகில் இன்று;

தீரா விரல்கள்
மீராவின் தேக தீண்டலில்;
அடுத்த நாளிகையில்
மீரா மீண்டால் துயரில்;

ஒரே நினைவு
அருகருகில்;
இரு கைகள்
பறவை நிலையில்;
நான்கு வழிகள்
மோதி வலிகள் மறந்தன;

தீரா- மீரா
இடைவெளி உடைகள் கழன்றன;

ஒரு
இடைவெளி என்பது வெற்றிடமல்ல;
பல கதைகளைச் சொல்லும் களம்;
ஒரு
இடைவெளி என்பது விடுபட்டதல்ல
பல விடைகளுக்கான தேடுதல் தடங்கள்;
ஒரு
இடைவெளி என்பது நிசப்தமல்ல
பல வார்த்தைகள் வந்தமரும் வாசல்கள்;
ஒரு
இடைவெளி என்பது பிரிவல்ல
பல நினைவுகள் உரசிக் கொள்ளும் புள்ளிகள்;

தீரா-மீரா-வின்
இடைவெளி
சற்றுநிமிடத்திற்கு முன்
நிரப்பப்பட்டது;


(தொடரும்...)

அருமை, தொடருங்கள் வித்யாசன்!