தீரா - மீரா 21

காந்தமும் இரும்புமாய்
மீரா-தீரா;

பிரிக்க முடியாத நிலையில்
தீரா
பிரிய முடியாத நிலையில்
மீரா

இருவரின் உடல் எழும்பும்
உரசிக் கொள்ள
தசைகள் ஒட்டிக் கொண்டன;

மதுவில் இருக்கும் போதை நினைவுக்கு தெரியும்
மலரில் இருக்கும் போதை வண்டுக்கு புரியும்
பிரிவில் இருக்கும் போதை அனைப்பில் அறியும்
அப்படித்தான்
தீராவும் - மீராவும்;

நெருப்பும், தீ பந்தமுமாக
கடலும், உப்புமாக
வானும், மேகமுமாக
மண்ணும், வேருமாக
வாளும், வீரமுமாக
காற்றும், வியர்வையுமாக
பாறையும், பளபளப்புமாக
தீராவும், மீராவும்
ஒட்டிக்கிடந்தனர்;

வெளியில்
பார்த்தா பதறினான்;
உள்ளே
பறவைகள் பறிமாறின;

வெளியில்
பார்த்தாவின் விழிகளில் பதட்டம்;
உள்ளே
பழங்களை கொத்தும் பசி போராட்டம்;

நிமிடம் எமனாகியது
யார் யார் என்று காண்டமிருகங்களின்
குரல் எழுந்தது;

தீராவின்
உறவுகள் உறும ஆரம்பித்தன;
பார்த்தா தீவிரமடைந்தான்
புரிந்து கொண்டான் தீரா;

புழுதிகள் புயலானது
குதிரைகளுக்கு இறக்கை முளைத்தது;
இரு மின்னலில் மூவர் பயணம்
மீரா-வின் சமூகம் அதிர்ந்தது
தீரா-வின் இருதயம் பறந்தது;

காதலில் இருக்கும் வேகமானது
கடலை விட அதிகப்படியானது;

காதலில் இருக்கும் சூடானது
காட்டுத் தீ-யை விட பெரிதானது;

காதலில் இருக்கும் குளிரானது
பனிக்கட்டிகளை விட பலமானது;

இது தெரியாது
காதலிக்காதவர்களுக்கு;
இது தெளியாது
காதலிப்பவர்களுக்கு;

மீராவின் உறவுகள் உதிர்ந்தன
வெகு தொலை தூரத்தில்
பார்த்தன், தீரா குதிரைகள் பறந்தன;



(- தொடரும்)