நம்பிக்கை கனவு!

**சிவா** · **சிவா** Sun Jun 02, 2013 12:09 pm

ஒரு மாளிகையின் மாடியில் நான் நின்று கொண்டிருக்கிறேன். எதிர்த்தாற்போல் நிர்வாணமாக இரண்டு மனிதர்கள் நிர்வாணமான ஒரு பிணத்தைக் கொண்டுவந்து வைக்கிறார்கள். சுற்றிலும் சிறு கும்பல் கூடுகிறது. எல்லாரும் என்னைப் பார்த்து விட்டு ஆவேசத்தோடு, கத்தியை எடுத்துக்கொண்டு ஓடி வருகிறார்கள். நான் பயந்துபோய்,""கிருஷ்ணா!'' என்று கத்துகிறேன். உடனே அத்தனை பேரும் தலைதெறிக்க ஓடுகிறார்கள். நான் மீண்டும் ""கிருஷ்ணா!'' என்று கத்துகிறேன். எதிரிகள் யாரையும் காணோம். நான் மாடிப்படிகளில் இறங்குகிறேன் ஒரு பெரிய பூச்சி என் கையிலேறிக் கடிக்கிறது.

நான் ""கிருஷ்ணா!'' என்றேன்; அந்தப் பூச்சி எரிந்து விழுகிறது. எனக்குப் புதிய தெம்பு வருகிறது. இது காலை நேரத்து கனவு. இன்னும் எனக்கு அந்தத் திகைப்பு அடங்கவில்லை. பல நேரங்களில் எனக்கு ஆபத்து வருவதுபோல் கனவு கண்டிருக்கிறேன்.

கனவிலே இறைவனின் பெயரைச் சொல்லிக் கூவி இருக்கிறேன். இறைவன் என்னைக் காப்பாற்றியதாகக் கனவு முடிந்ததில்லை.

கனவுகளில் எனக்கு நம்பிக்கை உண்டு. இந்தக் கனவின் மூலம் கிருஷ்ணன் என்னை ஆட்கொண்டுவிட்டதாக நம்புகிறேன். இனி கிருஷ்ணன் பெயரைச் சொல்லி நான் எழுதுவதோ, தொடங்குவதோ பலிக்கும் என்று நம்புகிறேன்.

(கண்ணதாசனின் "எண்ணங்கள் ஆயிரம்' நூலிலிருந்து)

**Muthumohamed** · **Muthumohamed** Sun Jun 02, 2013 12:52 pm

உங்களின் கனவு பதிவு சூப்பருங்க

நம்பிக்கை கனவு!

நம்பிக்கை கனவு!

Re: நம்பிக்கை கனவு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக