இது தான் உலகம் (ஒரு பக்கக் கதை)

**அகல்** · **அகல்** Fri May 31, 2013 12:04 pm

First topic message reminder :

அலுவலகம் முடிந்த நேரம். பெட்ரோல் பங்கில் கூட்ட நெரிசல். பல வாகனங்கள் நின்ற இடத்திலேயே கார்பன் மோனாக்ஸைடை காற்றில் கலந்து கொண்டிருந்தது. வானத்தில் கருமேகங்களின் ஒன்றுகூடலுக்கான ஏற்பாடுகள் நடந்து கொண்டிருந்தது. பூமியை நோக்கி இறங்கிவந்த இரண்டு மழைத்துளிகள் கரும்பாறையில் பட்ட நீர்போல் எனது கையில் பட்டு சிதறியது. பெட்ரோல் நிரப்ப வண்டியோடு நின்று கொண்டிருந்தேன். எனக்கு முன் ஒருவர், அவரைத் தொடந்து பலர். எனக்குப் பின் ஒருவர், அவரைத் தொடந்து பலர்.

வரிசையில், எனக்குப் பின் நிற்பவரை முந்திக்கொண்டு வர அவருக்குப் பின் இருப்பவர் பைக் ஆக்சிலரேட்டரை முறுக்கினார். எனக்குப் பின் இருந்தவர் அவரை முறைத்துப் பார்த்துவிட்டு சொன்னார்.

"ஹலோ.. உங்களுக்கு முன்னாடியே வந்து ரொம்ப நேரமா காத்துட்டு இருக்கோமுல்ல... என்ன அவசரம் ? வெய்ட் பண்ணுங்க..."

அவரை முந்த முயற்சித்தவர் முகத்தில் சிறிய அவமானத்தைச் சுமந்தபடி தலையைக் குனிந்துகொண்டே பின்வாங்கினார். இதைப் பார்த்துக் கொண்டிருந்த நான் முன்னே திருப்பினேன். மூன்று நிமிடங்கள் கடந்தது.

ஆக்சிலரேட்டர் முறுக்கப்பட்டதால், ஒரு வண்டி என்னை முந்திக்கொண்டு போக முயற்சித்து எனக்கு இணையாக வலது புறத்தில் முண்டியடித்துக் கொண்டு வந்து நின்றது. நான் அவரைப் பார்த்தேன், முகத்தை இருக்கமாக்கிகொண்டு முறைத்தேன். வரிசையில் தன்னை முந்திக்கொண்டு வந்தவனை எச்சரித்து, பின்வாங்கச் செய்த நபர் அவர்.

முற்றும்...

Original Source : http://kakkaisirakinile.blogspot.in/2013/05/blog-post_30.html

அன்புடன்,
அகல்

**அகல்** · **அகல்** Fri May 31, 2013 2:30 pm

krishnaamma wrote:இது கதை இல்ல அகல் தினப்படி நிகழ்வு தான் இது, இதில் எனக்கு ஒரு அற்ப திருப்பதி,இதுபோன்ற கசப்பு அனுபவங்கள் எனக்கு மட்டுமே சொந்தம் என்று நினைத்திருந்தேன், இப்ப நீங்களும் என்று நினைக்கும்போது சந்தோஷமாக இருக்கு

அட அட... இப்படியும் ஒரு சந்தோசமா அம்மா புன்னகை

**krishnaamma** · **krishnaamma** Sat Jun 01, 2013 9:55 am

அகல் wrote:
krishnaamma wrote:இது கதை இல்ல அகல் தினப்படி நிகழ்வு தான் இது, இதில் எனக்கு ஒரு அற்ப திருப்பதி,இதுபோன்ற கசப்பு அனுபவங்கள் எனக்கு மட்டுமே சொந்தம் என்று நினைத்திருந்தேன், இப்ப நீங்களும் என்று நினைக்கும்போது சந்தோஷமாக இருக்கு
அட அட... இப்படியும் ஒரு சந்தோசமா அம்மா

அதுதான் சொன்னேனே... அற்ப சந்தோஷம் என்று புன்னகை

Sponsored content · Sponsored content

இது தான் உலகம் (ஒரு பக்கக் கதை)

இது தான் உலகம் (ஒரு பக்கக் கதை)

Re: இது தான் உலகம் (ஒரு பக்கக் கதை)

Re: இது தான் உலகம் (ஒரு பக்கக் கதை)

Re: இது தான் உலகம் (ஒரு பக்கக் கதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக