முற்றிலும் வறண்டது வீராணம் ஏரி

by **krishnaamma** Fri May 31, 2013 8:53 am

சென்னைக்கு குடிநீர் அனுப்பும் கடலூர் மாவட்டத்தில் உள்ள வீராணம் ஏரி நீரின்றி முற்றிலும் வறண்டு காணப்படுகிறது. இந்நிலையில் ஏரியை தூர்வாரும் பணியை உடனடியாக தொடங்கவேண்டும் என்று விவசாயிகள் கோரிக்கை விடுத்துள்ளனர்.

கடலூர் மாவட்டம் காட்டுமன்னார்கோயில் அருகே வீராணம் ஏரி உள்ளது. மிகப்பெரிய பரப்பில் அமைந்துள்ள இந்த ஏரியிலிருந்து புதிய வீராணம் திட்டத்தின் மூலம் தினமும் விநாடிக்கு 76 கனஅடி நீர் சென்னை குடிநீர் வாரியத்திற்கு அனுப்பி வைக்கப்பட்டு வந்தது.

இந்நிலையில் இந்த ஆண்டு பருவமழை பொய்த்ததாலும், மேட்டூரிலிருந்து போதிய அளவு நீர் திறந்து விடப்படாததாலும் ஏரிக்கு நீர் வரத்து குறைந்தது. இதனால் கடந்த ஏப்ரல் 27-ம் தேதி முதல் சென்னைக்கு குடிநீர் அனுப்புவது முற்றிலுமாக நிறுத்தப்பட்டது.

மொத்த கொள்ளளவான 1465 மில்லியன் கனஅடி, படிப்படியாக குறைந்து தற்போது நீரின்றி ஏரி வறண்டு காணப்படுகிறது.இதையடுத்து மக்கள் நடந்தே ஏரியை கடந்து ஏரியின் மேற்கு கரையில் உள்ள சித்தமல்லி, அகரபுத்தூர், ப.புத்தூர், கருணாகரநல்லூர் உள்ளிட்ட கிராமங்களுக்கு செல்கின்றனர்.

தமிழக முதல்வர் வீராணம்ஏரியை தூர் வாருவதற்கு முதல் கட்டமாக ரூ.40 கோடி ஒதுக்கீடு செய்துள்ளார். ஆனால் இது வரை இப் பணி தொடங்கப்படவில்லை.

தற்போது வறண்டுள்ள நிலையை பயன்படுத்தி, வீராணம் ஏரியை போர்க்கால அடிப்படையில் தூர் வார வேண்டும் என்று விவசாயிகள் கோரிக்கை விடுத்துள்ளனர்.

அவ்வாறு தூர்வாரும்போது, ஏரியிலிருந்து வண்டல் மண்ணை தங்களது வயல்களுக்கு எடுத்துச் செல்ல அனுமதி வழங்க வேண்டும் என்றும் அவர்கள் வலியுறுத்துகின்றனர்.

நன்றி : தினமலர்

by **krishnaamma** Fri May 31, 2013 8:56 am

by **Muthumohamed** Fri May 31, 2013 10:20 am

சென்னை மக்களின் நிலை பரிதாபம் தான் சோகம்

by சதாசிவம் Fri May 31, 2013 10:54 am

அடுத்து மணல் கொள்ளை அடிக்க ஏதுவான இடம்,,,

மழை பெருக்க வழி செய்யாமல், மானியம் பெறவே இன்றைய விவசாயிகளை தலைவர்கள் தூண்டுகிறார்கள்...

by ராஜு சரவணன் Fri May 31, 2013 11:10 am

மினரல் வாட்டர் ஏஜெண்டுகள், தண்ணி லாரி ஓனர்கள் இவர்களுக்குத்தான் கோடையில் காலத்தில் நல்ல பணமழை.

மக்களுக்கு வெறும் கண்ணீர் மழை தான் புன்னகை

by **Muthumohamed** Fri May 31, 2013 2:46 pm

ராஜு சரவணன் wrote:மினரல் வாட்டர் ஏஜெண்டுகள், தண்ணி லாரி ஓனர்கள் இவர்களுக்குத்தான் கோடையில் காலத்தில் நல்ல பணமழை.

மக்களுக்கு வெறும் கண்ணீர் மழை தான்

நிதர்சனமான உண்மை தான்

by **உமா** Fri May 31, 2013 2:52 pm

உண்மைதான்...தற்போது தண்ணீர் வருவது மிகவும் குறைந்துள்ளது.....
சோகம்

by **ஜாஹீதாபானு** Fri May 31, 2013 3:02 pm

உமா wrote:உண்மைதான்...தற்போது தண்ணீர் வருவது மிகவும் குறைந்துள்ளது.....

எங்க ஏரியால ஒருநாள் விட்டு ஒரு நாள் தான் வருது அழுகை

by **உமா** Fri May 31, 2013 3:04 pm

ஜாஹீதாபானு wrote:
உமா wrote:உண்மைதான்...தற்போது தண்ணீர் வருவது மிகவும் குறைந்துள்ளது.....

எங்க ஏரியால ஒருநாள் விட்டு ஒரு நாள் தான் வருது

ஆமா அக்கா...ரொம்ப அழுக்கா வருது தண்ணீரில் அழுகை

by **ஜாஹீதாபானு** Fri May 31, 2013 3:12 pm

உமா wrote:
ஜாஹீதாபானு wrote:
உமா wrote:உண்மைதான்...தற்போது தண்ணீர் வருவது மிகவும் குறைந்துள்ளது.....

எங்க ஏரியால ஒருநாள் விட்டு ஒரு நாள் தான் வருது

ஆமா அக்கா...ரொம்ப அழுக்கா வருது தண்ணீரில்

இல்லையே நல்லாத் தானே வருது