முன்னணி நிரலில் ஒரு பின்னணிக் குரல் (T.M.S.) -கவிதை

by pon.sellamuththu Thu May 30, 2013 9:26 pm

. . . . . . . . .
முன்னணி நிரலில் ஒரு பின்னணி குரல்(டி.எம்.எஸ்.)

பூவெடுத்து . . . பூசைசெய்யும் . புரோகித . . . .குலமுதித்து
பாவெடுத்து . . பண்கலந்து . . . .படவுலகுக் . .கணிசெய்தாய்
நாவெடுத்து . . பாடும்நின் . . . . .பக்தியிசைக் கேட்டாலே
கையெடுத்து . கும்பிட்டெம் . . .கண்ணீரும் . .பெருகிடுமே

நூலெடுத்து படிக்கின்ற . . நுண்ணறி . . வாளரும்
சாலெடுத்து ஏற்றமிட்டு . . சாகுபடி . . . செய்வோரும்
ஏழெடுத்து . ஸ்வரமிட்ட . ஏற்றமிகு . . உன்னிசையால்
தாயெடுத்த .குழவிபோல் .தன்னிலை . மறப்பாரே

காலெடுத்து . ஆட்டமிடும் . . . . கதையின்முன் நாயகற்கு –நீ
குரலெடுத்து . கொடுத்ததினால் முன்னேற்றம் கொண்டாரோ?
பின்னணி . . . தந்தநின் . . . . . . .தேன்மதுரக் . . குரலாலே
முன்னணி . . .நடிகர்பலர் . . . . .முன்வரக் . . . . காரணமோ?

தாளெடுத்து . பாட்டெழுதும் . . . திரைக்கவி . பாட்டினிலே
அவலமிகு . . சொல்லிருந்தால் அசையாது . .அவன்நாக்கு
சுதியெடுத்து பெட்டியிலே . . . . சுட்டும்இசை அமைப்பாளன்
வாயடைத்து போகும்படியுன் . .வண்ணமிகு . உச்சரிப்பு

பையெடுத்து . . . .கையிலள்ளி . பணம்தரும் முதலாளி
மையல்கொள்ள செய்திடுமுன் மதுரமிகு . . வேய்ங்குரல்
இணைகொண்டு பாடவரும் . . . எவ்வகை . . பாடகரும்
ஈடுகொடுத்து . . .பாடிடுவாய் . . ஈகமவர் . . . கொண்டிடவே

இறைதந்த . .இனியஉன் . . இசைப்பாடல் கேட்டாலே - தேன்
இரையுண்ட வண்டினமாய் இலங்காதோ .எமதுள்ளம்?
வரைவின்றி நீயொலித்த . .திரையிசைப் . பாடல்கள்
அளவின்றி . மகிழ்வினை .அளித்திடுமே . எந்நாளும்

அன்பு தமிழ் நெஞ்சம் . . பொன். செல்லமுத்து