பலா கொட்டை, பழம்...

தாமு · தாமு Fri Oct 23, 2009 5:14 pm

பலாவை அதிகம் உண்ணக் கூடாது

பலா பிஞ்சினை அதிகமாக உண்பதால் செரியாமை, வயிற்று வலி போன்றவை ஏற்படும்.

பலாப் பழத்தை அளவுடன்தான் சாப்பிட வேண்டும். அதிகமாக சாப்பிட்டால், வயிறு மந்தமாகி வயிற்று வலியையும், வாந்தியையும் ஏற்படுத்தும்.

பலாப் பழத்தை தேன் அல்லது நெய்யில் தொட்டே சாப்பிட வேண்டும்.

குடல்வால் அழற்சி அதாவது அப்பன்டிசைட்டிஸ் உள்ளவர்கள் பலாப் பழத்தை சாப்பிடவேக் கூடாது.

பலாக் கொட்டையை சுட்டு சாப்பிட்டால் அல்லு மாந்தம், மலச்சிக்கல், புளியேப்பம், கல் போன்று வயிறு கட்டிப்படல் ஏற்படும்.

பலாப் பிஞ்சினை அளவுக்கு அதிகமாக சாப்பிட்டு வந்தால் சொறி, சிரங்கு, கரப்பான், கோழைக்கட்டு, இருமல், இரைப்பு, வாத நோய்கள் ஏற்படும்.

தாமு · தாமு Fri Oct 23, 2009 5:16 pm

பலா மரத்தின் பயன்கள்

பலா பழத்திற்கு அதிகமான மருத்துவ குணங்கள் உள்ளன என்பதை ஏற்கனவே பார்த்திருக்கிறோம்.

ஆனால் பலா மரத்தின் பால், இலை, வேர் என பலவற்றுக்கும் பல மருத்துவ குணங்கள் உள்ளன.

அதாவது பலா மரத்தில் வரும் பாலினை எடுத்து நெறிகட்டிகள், நெடுநாள் உடையாமல் இருக்கும் கட்டிகள் மீது பூசி வர அவை பழுத்து உடையும்.

பலா மரத்தின் வேரை நன்கு கழுவி உலர்த்தி துண்டு துண்டாய் வெட்டி, ஒன்றிரண்டாய் இடித்து நீர்விட்டுக் காய்ச்சி, அது பாதியாக சுண்டியதும் அதன¨ குடித்தால் கழிச்சல் குணமாகும்.

பலா இலைகளை ஒன்றாக கோர்த்து அதில் உணவு உட்கொண்டால் வயிற்றுப் புண், பெருவயிலும் குணமாகும். ஆனால் பித்தம் அதிகரிக்கும்.

பலா பிஞ்சினை சமைத்து உண்ண பித்தமும், நீர்வேட்கையும் நீங்கும்.

தாமு · தாமு Fri Oct 23, 2009 5:20 pm

பலாப்பழமும், பலாக் கொட்டையும்

பலாப் பழமும், அதன் கொட்டையும் இருவேறு துருவங்கள் என்று கூறலாம்.

அதாவது, பலாக் காயை சமைத்து சாப்பிட்டால் பித்த மயக்கம், அதனால் ஏற்படும் கிறுகிறுப்பு, பித்த வாந்தி போன்றவற்றைக் குணப்படுத்தும்.

அதே சமயம், பலாக் கொட்டையை அடுப்பில் இட்டு சிலர் சுட்டு சாப்பிடுவார்கள்.

ஆனால் இதனை சாப்பிட்டால் அள்ளு மாந்தம், மலச்சிக்கல், புளியேப்பம், வயிறு கட்டிப்படுவது, வயிற்று வலி போன்றவற்றை உண்டாக்கி விடும்.

எனவே, பலாக் கொட்டையை உருளைக் கிழங்கு வருவல் செய்யும் போது அதனுடன் சேர்த்து சமைக்கலாம். இதில் இஞ்சி, பூண்டு விழுது சேர்த்து சமைப்பதால் எளிதில் ஜீரணமாகும்.

தாமு · தாமு Fri Oct 23, 2009 5:26 pm

பலாக் காயின் மகத்துவம்

பலாப் பழம் சாப்பிடுவதற்கு சுவையானது மட்டுமல்ல, உடலுக்கும் நல்லது.

சில இடங்களில் சின்ன சின்ன பலாக்காய்களை விற்பனைக்கு வைப்பார்கள். அது எதற்கு என்று பலருக்கும் தெரியாது.

அந்த பலாக்காயை வாங்கி வந்து கூட்டு செய்து சாப்பிடலாம். உடலுக்கு மிகவும் நல்லது.

பாலாக்காய் பால் கொடுக்கும் தாய்மார்களுக்கு சமைத்துக் கொடுத்தால் நன்றாக பால் சுரக்கும்.

பலாக்காய் உடல் சூட்டை தணிக்கும் ஆற்றல் பெற்றது.

எனவே அடுத்த முறை பலாக்காயை எங்கு பார்த்தாலும் வாங்கிச் சென்று சமைத்து சாப்பிடுங்கள்.

தாமு · தாமு Fri Oct 23, 2009 5:29 pm

முக்கனிகளின் ஒன்றான பலா

முக்கனிகளில் ஒன்றான பலா சில குறிப்பிட்ட காலங்களில் மட்டுமேக் காய்க்கக் கூடியது.

ஆனால் பலாப் பழத்தை விரும்பாதவர்களே இருக்க மாட்டார்கள். அவ்வளவு சுவையான பலாப் பழத்தில் எத்தனையோ மருத்துவ குணங்கள் உள்ளன.

கண் பார்வைக்கு உதவும் விட்டமின் ஏ பலாப்பழத்தில் அதிக அளவில் உள்ளது.

இது மூளைக்கும், உடலுக்கும் அதிக பலத்தைத் தரும். நரம்புகளை உறுதியாக்கும், ரத்தத்தை விருத்தி செய்யும்.

அடிக்கடி நோய் தாக்கி அவதிக்குள்ளாகுபவர்கள் பலா பழம் சாப்பிட்டு வந்தால் நோய் எதிர்ப்பு சக்தி அதிகரித்து உடல் ஆரோக்கியம் பெறும்.

Sponsored content · Sponsored content

பலா கொட்டை, பழம்...

பலா கொட்டை, பழம்...

Re: பலா கொட்டை, பழம்...

Re: பலா கொட்டை, பழம்...

Re: பலா கொட்டை, பழம்...

Re: பலா கொட்டை, பழம்...

Re: பலா கொட்டை, பழம்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக