மலேசியாவில் தவிக்கும் மாற்றுத்திறனாளி! போலீஸ் அதிகாரியிடம் பெற்றோர் கண்ணீர்

by **சிவா** Thu May 30, 2013 11:58 am

தேனி:மலேசியாவில், கும்பலிடம் சிக்கி, கொடுமைகள் அனுபவிக்கும், மாற்றுத்திறனாளி மகனை, மீட்டுத்தரக் கோரி, பெற்றோர், தேனி போலீஸ் எஸ்.பி.,யிடம் கண்ணீர் மல்க முறையீடு செய்தனர்.

தேனி மாவட்டம், மயிலாடும்பாறையை சேர்ந்த பெரியகருப்பு மகன் செல்லாண்டி, 25. இரு கால்களும் செயல் இழந்த வர். இவருக்கு மனைவி, குழந்தைகள் உள்ளனர். 6ம் வகுப்பு வரை படித்துள்ளார். இவரை மாலத்தீவில், உள்ள மளிகை கடையில், மாதம் 20 ஆயிரம் ரூபாய் சம்பளத்தில் வேலைக்கு சேர்த்து விடுவதாக, அனுப்பியுள்ளனர். விசா, பாஸ் போர்ட் டுக்கு 90 ஆயிரம் ரூபாய் வாங்கிக் கொண்டு, 40 நாட்களுக்கு முன், அனுப்பி வைத்தனர்.

அங்கிருந்து, பெற்றோருக்கு போன் செய்த, செல்லாண்டி, பாஸ்போர்ட் தொலைந்து விட்டதாக வும், தன்னை வேலைக்கு அழைத்து வந்தவர்கள், ஒப்பந்தப்படி மளிகை கடையில் வேலை தரவில்லை என்றும், கட்டட வேலை செய்யச்சொல்லி தினமும் அடித்து துன்புறுத்துவதாகவும் கூறியுள்ளார்.பெற்றோர், தேனி கலெக்டர், பழனிசாமி, எஸ்.பி.,பிரவீன்குமார் அபிநபு ஆகியோரிடம் நேற்று முறையீடு செய்தனர்.எஸ்.பி., பிரவீன்குமார் அபிநபு கூறுகையில், "செல்லாண்டியை மீட்க அனைத்து நடவடிக்கைகளும் எடுக்கப்படும்' என்றார்.

தினமலர்.

by **சிவா** Thu May 30, 2013 12:01 pm

தமிழகத் தொழிலாளர்கள் மலேசிய இந்தியர்களிடம் வேலையாட்களாக சிக்கிக் கொண்டு படும் வேதனைகள் வார்த்தைகளால் சொல்ல முடியாது. மற்ற இனத்தவர்களிடம் வேலை செய்யும் தொழிலாளர்களுக்கு இந்நிலை அதிகம் வருவதில்லை.

by balakarthik Thu May 30, 2013 12:01 pm

பிரவீன்குமார் அபிநபு கூறுகையில், "செல்லாண்டியை மீட்க அனைத்து நடவடிக்கைகளும் எடுக்கப்படும்' என்றார்.

ஆமானே தேனி தொடர் கொள்ளையை உடனே கண்டுபுடிச்சாபோல நடவடிக்கை எடுங்கண்ணே விடிஞ்சுடும்

by **Muthumohamed** Thu May 30, 2013 2:01 pm

சிவா wrote:தமிழகத் தொழிலாளர்கள் மலேசிய இந்தியர்களிடம் வேலையாட்களாக சிக்கிக் கொண்டு படும் வேதனைகள் வார்த்தைகளால் சொல்ல முடியாது. மற்ற இனத்தவர்களிடம் வேலை செய்யும் தொழிலாளர்களுக்கு இந்நிலை அதிகம் வருவதில்லை.

நமக்கு நாமே எதிரி என்ன கொடுமை சார் இது

வெளி நாட்டுகாரன பார்த்தாலும் இவங்களுக்கு புத்தி வரமாட்டேங்குதே

by சதாசிவம் Thu May 30, 2013 4:06 pm

தமிழ்நாட்டில் உள்ள தமிழர்களை மட்டும் தான் மொழியுணர்வைச் சொல்லி ஏமாற்ற இயலும். உலகில் எங்கு தமிழர் என்று சொல்லப்படுபவர் கஷ்டப்பட்டாலும் உடனே குரல்கொடுக்கும் அரசியல்வாதியுடன் கை கோர்த்து ஏமாறுவர், ஆனால் தமிழ்நாட்டில் உள்ள தமிழர்களை நினைத்து கவலை கொள்ளார்.

by Sponsored content

மலேசியாவில் தவிக்கும் மாற்றுத்திறனாளி! போலீஸ் அதிகாரியிடம் பெற்றோர் கண்ணீர்

மலேசியாவில் தவிக்கும் மாற்றுத்திறனாளி! போலீஸ் அதிகாரியிடம் பெற்றோர் கண்ணீர்

Re: மலேசியாவில் தவிக்கும் மாற்றுத்திறனாளி! போலீஸ் அதிகாரியிடம் பெற்றோர் கண்ணீர்

Re: மலேசியாவில் தவிக்கும் மாற்றுத்திறனாளி! போலீஸ் அதிகாரியிடம் பெற்றோர் கண்ணீர்

Re: மலேசியாவில் தவிக்கும் மாற்றுத்திறனாளி! போலீஸ் அதிகாரியிடம் பெற்றோர் கண்ணீர்

Re: மலேசியாவில் தவிக்கும் மாற்றுத்திறனாளி! போலீஸ் அதிகாரியிடம் பெற்றோர் கண்ணீர்

Re: மலேசியாவில் தவிக்கும் மாற்றுத்திறனாளி! போலீஸ் அதிகாரியிடம் பெற்றோர் கண்ணீர்