பிரதமரை தமிழில் வணக்கம் சொல்ல வைத்த ஜப்பானியத் தமிழறிஞர்!

பிரதமருடன் ஜப்பானுக்குப் பயணித்தது பெரிதல்ல. ஜப்பானியத் தமிழறிஞர் நொபுரூ கராஷிமாவுக்கு, டோக்கியோ நகரத்தில் பிரதமர் "பத்மஸ்ரீ' விருது வழங்கியபோது, அந்த நிகழ்ச்சியில் கலந்துகொள்ள முடிந்ததே, அதுதான் பெரிது.

தமிழை நேசிக்கும் அந்த ஜப்பானியர், தள்ளாத வயதில் சக்கர நாற்காலியில் மேடைக்கு அழைத்து வரப்பட்டபோது, இருகரம் கூப்பி "வணக்கம்' என்று சொன்னதும், பிரதமர் சிரித்துக்கொண்டே அவருக்குத் தமிழில் "வணக்கம்' தெரிவித்ததும் நெகிழ்ச்சியான நிமிடங்கள். இந்தியப் பிரதமரை அந்நிய மண்ணில் "வணக்கம்' தெரிவிக்க வைத்தமைக்கே, அந்த மாமனிதருக்கு நாம் ஆயிரம் வணக்கங்கள் தெரிவிக்கலாம்.

கரகோஷத்துக்கு இடையே தனக்கு வழங்கப்பட்ட "பத்மஸ்ரீ' விருதைப் பெற்றுக்கொண்ட நொபுரூ கராஷிமா, "நன்றி' என்று நல்ல தமிழில் கூறியபோது மீண்டும் கரகோஷம். நான் கைதட்டவில்லை. டோக்கியோ நகரில் தமிழ் ஒலித்தது கேட்டு, கண்ணீர் மல்க நின்றுவிட்டேன்.

முனைவர் நொபுரூ கராஷிமா சாதாரண அறிஞர் அல்லர். டோக்கியோ பல்கலைக்கழகத்தில் பேராசிரியர். ஜப்பானிலுள்ள டாய்ஷோ பல்கலைக்கழகத்தின் இந்தியவியல் துறையின் பேராசிரியர். சீனக் கடற்கரையோரங்களில் 9 முதல் 13-ஆம் நூற்றாண்டுகளுக்கு இடையிலான பல தமிழ்க் கல்வெட்டுகள் இருப்பதைக் கண்டறிந்தவர்.

"தென்னிந்திய சரித்திரமும் சமுதாயமும்' என்கிற இவரது புத்தகம் கி.பி. 850-1800 ஆண்டுகளுக்கு இடைப்பட்ட காலத்தைச் சேர்ந்த கல்வெட்டுகளின் ஆராய்ச்சி நூல். விஜயநகரப் பேரரசின் கீழ் தென்னிந்திய சரித்திரம், இந்திய சரித்திரத்தில் அரசுமுறை முதலிய பல படைப்புகளுக்குச் சொந்தக்காரர். நம்மிடையே வாழும் தலைசிறந்த உண்மையான தமிழறிஞர்களுள் ஒருவர்.
நொபுரூ கராஷிமாவை சந்திக்க முடிந்ததே தவிர, அவருடன் அளவளாவ முடியவில்லை. டோக்கியோ நகரிலிருந்து சுமார் 200 கி.மீ. தூரத்தில் வாழ்ந்து வருகிறார். அங்கே சென்று வர நேரம் அனுமதிக்கவில்லை.

தமிழுக்குப் பெருமை சேர்த்த ஜப்பானிய அறிஞரை, இந்தியப் பிரதமரே தேடிப்போய் "பத்மஸ்ரீ' விருது வழங்கி கெüரவிக்கிறார். நமது தமிழகத்திலுள்ள தமிழ், ஆங்கிலப் பத்திரிகைகளில் இது முதற்பக்கச் செய்தியாக வந்திருக்க வேண்டாமா? தமிழுக்கு நாம் தரும் மரியாதை இதுதானா?

நன்றி தினமணி-கலாரசிகன்

நம்மாள ஒரு வார்த்தை உதிர்க்க வைத்ததே சாதனை
அதுவும் தமிழில் அந்த வார்த்தையை உதிர்க்க
வைத்தது மிகப் பெரிய சாதனை

வாழ்த்துகள் ஜப்பானிய தமிழ் அறிஞருக்கு

தமிழுக்குப் பெருமை சேர்த்த ஜப்பானிய அறிஞரை, இந்தியப் பிரதமரே தேடிப்போய் "பத்மஸ்ரீ' விருது வழங்கி கெüரவிக்கிறார். நமது தமிழகத்திலுள்ள தமிழ், ஆங்கிலப் பத்திரிகைகளில் இது முதற்பக்கச் செய்தியாக வந்திருக்க வேண்டாமா? தமிழுக்கு நாம் தரும் மரியாதை இதுதானா?

அதான் கலைஞ்சருக்கு பிறந்தநாள் வாழ்த்து பக்கம் பக்கமா கொடுத்தோமுல அதை விடவா இது அவ்வுளவு பெரிய அதி முக்கியமான செய்தி அதான் போடலை கலைஞ்சர் பிறந்தநாளுக்கு வாழ்த்து சொல்வதைவிட தமிழுக்கு வேறென்ன வெட்டி முறிக்குற வேலை இருக்கு

ஜமாய்ச்சுட்டாரு ஜப்பான் தமிழ் அறிஞர்..

முதல் பக்கத்தில் போட நிறைய செய்திகள் உள்ளன. இதுபோன்ற செய்திகளில் கிக் இல்லை.கிக் இல்லாத எந்த பொருளையும் தமிழன் விரும்பமாட்டான்.

கிக் குறைந்தாலும் வாங்கமாட்டான்

யினியவன் wrote:நம்மாள ஒரு வார்த்தை உதிர்க்க வைத்ததே சாதனை
அதுவும் தமிழில் அந்த வார்த்தையை உதிர்க்க
வைத்தது மிகப் பெரிய சாதனை

வாழ்த்துகள் ஜப்பானிய தமிழ் அறிஞருக்கு

balakarthik wrote:

தமிழுக்குப் பெருமை சேர்த்த ஜப்பானிய அறிஞரை, இந்தியப் பிரதமரே தேடிப்போய் "பத்மஸ்ரீ' விருது வழங்கி கெüரவிக்கிறார். நமது தமிழகத்திலுள்ள தமிழ், ஆங்கிலப் பத்திரிகைகளில் இது முதற்பக்கச் செய்தியாக வந்திருக்க வேண்டாமா? தமிழுக்கு நாம் தரும் மரியாதை இதுதானா?

அதான் கலைஞ்சருக்கு பிறந்தநாள் வாழ்த்து பக்கம் பக்கமா கொடுத்தோமுல அதை விடவா இது அவ்வுளவு பெரிய அதி முக்கியமான செய்தி அதான் போடலை கலைஞ்சர் பிறந்தநாளுக்கு வாழ்த்து சொல்வதைவிட தமிழுக்கு வேறென்ன வெட்டி முறிக்குற வேலை இருக்கு

இந்த மாதிரி உண்மையை பொசுக்குனு போட்டு உடைச்சுடீன்களே